لك من اسمك نصيب يانور عيوني وضوى قلبي🤍✨

70

يوم جديد بالرياض (يوم الاربعاء، الساعة ٦ المغرب)

عيادة نادية

(نور راحت للموعد اللي اخذه لها خلف، دخلت العيادة واستقبلتها نادية)

نادية(مسكت الورق والقلم وناظرت نور): ابدأي من المكان اللي تبينه
نور(كانت متمدده على الكرسي)خذت نفس عميق:
بدأ كل شي من لما كان عمري ١٢ سنه....

(بدت نور تحكي لها قصتها من طفولتها والأحداث اللي صارت معاها إلى اليوم اللي عرض عليها خلف فيه فيديو اعتذار سالم لها)

______________________________

شقة خلف

(بدرية بعد ما عرفت انه راح ينكتب كتب كتابها وهم بالديرة راحت للسوق واشترت كل اللي تحتاجه، دخلت غرفتها وطَلِعَت الفستان من الكيس وتوجهت فيه للصالة)

بدرية(بابتسامه): وش رايك؟
خلف(رفع حاجبه بابتسامه): جبّاااااااررر
بدرية(ضحكت بخفه بخجل):صدق؟
خلف(قام وباس راسها): ياحظّه فيك يا بدّور
بدرية(تغير الموضوع بحياء): الحين نور بتجي معنا بالسيارة بكره؟
خلف(هز راسه): اي بقول عمي اني باخذها معي، جهزتي أغراضك كلها؟
بدرية: ايه بس باقي احط اللي شريتهم اليوم بالشنطه

________________________________

عيادة نادية

(انتهت نور من قصتها وكانت تنتظر اي رد من الدكتورة اللي كانت مركزه و تكتب بالورق)

نور(بترقب): وصلتي لشيء؟
نادية(تنهدت): نور، الطفلة الداخليه عندك هي الأكثر تضررًا ولازم نوصل لها و نساعدها
نور(عقدت حاجبها): طفلة داخليه؟
نادية(هزت راسها): داخل كل احد فينا فيه طفل لسه موجود، ونور الصغيرة اللي عاشت كل هذا لليوم ما تخطت الموضوع ودفنته من غير ما تحله
نور(بتفكير): وكيف نوصل لها؟
نادية(بهدوء): عندنا اكثر من طريقه نقدر نجرّبها بالمواعيد الجاية ومنهم التنويم المغناطيسي، ما أبغاك تتعاطين اي دواء بالأيام الجايه حتى ولو كان مسكن او منوّم
نور(هزت راسها وقامت): تمام، مع السلامه
نادية: مع السلامة

(طلعت نور من عندها وهي شاردة الذهن تفكر بكلام الدكتورة)

_________________________________

يوم جديد

خارج بيت محمد (ابو بدر)

( الكل بالبيت مشغول ، بدر كان مسؤول عن ترتيب الاغراض والشنط بالسيارات وقف للحظة لانه سيارة خلف وقفت عنده ولاحظ بدرية جالسة ورا)

بدر(قرب من نافذة خلف): صباح الخير وش هالنشاط؟
خلف(ضحك بخفه يناظر الشنط اللي بسيارته): النشاط كله عندك
بدر(تنحنح ولف على بدرية): كيفك بدرية؟
بدرية(ابتسمت): حمدالله
خلف(ضحك بسخرية): مسوي نفسك ما تكلمها بالجوال؟ ترا ادري فيكم بس مشيتها بمزاجي
بدر(اتسعت أنظاره): ياخوي بملّك عليها يوم السبت
خلف(ابتسم وهز راسه): على خير، روح  جيب لي اختك
بدر(عقد حاجبه): ارفع علومك
خلف(ضحك): والله ونايف قَلَب ولد الرياض وخلاه ولد الديرة
نور(طلعت من البيت مع شنطتها): بدر تعال خذ الشنطة
بدر(راح ياخذ الشنطه ولقى خلف نزل)بابتسامه: وانا اختي اللي راح تقلبك فوق تحت
خلف(تنحنح) وحط الشنطه بالسيارة: توكل بس
نور(ركبت جنب كرسي خلف ولفت على بدرية تسلم عليها): وحشتينيييي
بدرية(بابتسامه): و أنا اكثر والله
خلف(ركب السيارة)بابتسامه واسعه: هلا والله
نور(ابتسمت بهدوء):اهلين
خلف(بدأ يسوق وكان مبسوط على سوالف نور و بدرية مع بعض) وقف عند كافيه: وش تشربون؟
بدرية: أنا ماتشا
خلف(رفع حاجبه): لا يصيدك جدي رماح
بدرية(ضحكت): تراني مكتئبه اني ما راح اشربها يومين
خلف(لف على نور): لاتيه؟
نور(ابتسمت وهزت راسها): اي بارد بليز
خلف(طلب لهم ولنفسه نفس طلب نور): بجرب معاك
نور(ابتسمت تاخذ مشروبها منه): بيعجبك اكيد