يوم جديد بالديرة
بيت العمة ليلى
سارة بعد ما كلت فطورها راحت لغرفتها وطاحت عينها على الكتاب اللي عطاها اياه فهد كان عنوانه(هجر المحبه)، مسكته بين يدينها وفتحت اول صفحه منه استغربت من وجود ورقه صغيره مطوية ببداية الصفحه وفتحتها
سارة( تقرا الورقة): لما قريت الروايه كنت دايم اتخيل نفسي مكان البطل (فارس)، بس الحين صرت أتخيلك معاي بمكان البطلة (ملاك) اتمنى روايتنا أنا معاك تفوز عليهم
بعد ما قرت الورقه بدت ترتفع الحرارة بوجهها وصارت خدودها تنافس الورد باحمرارها، خبّت الورقه بدرج من الأدراج وبدأت تقرا الروايه باهتمام
___________
عند البنات
(ضوى صحت من النوم وراحت لغرفة نور لقتها نايمه)
ضوى(تهز كتف نور): قومي وراك درس!
نور(بانزعاج): اتفقنا ناخذ الدرس العصر، اطلعي بنام!
ضوى(تأففت): طيب
قبل لا تطلع ضوى من البيت شافت الكيك اللي سوته امس موجود على طاولة المطبخ وفكرت بينها وبين نفسها
ضوى(بتفكير):إذا عطيته من الكيك كيف بتكون ردة فعله؟
لأ أصلا عادي احنا الحين زملاء عمل مافيها شي لو شاركته
(خذت صحن وغلفة قطعتين من الكيك وطلعت تتوجه للمحل)
_____________
بيت رماح
(رماح يمشي للصالة لما سمع صوت خلف يتكلم مع نورة)
خلف(بارتباك): يمه أنا ابتلشت فيها! كل يوم جايتني
نورة(تنهدت): هاذي متى بتعقل! إذا ماعقلت لازم نعلمه بالموضوع خلاص طوّلت السالفه
رماح(باستغراب): وش فيكم؟
خلف(توتر وقام باس راسه قبل لا يطلع): لا ولا شي بس نسولف أنا وامي نورة، أنا بروح للمزرعه
رماح(جلس جنب نورة):صاير شي؟
نورة(بعصبيه):ماسمعت الولد؟ نسولف بس
رماح(بتفاجؤ): ماقلت شي، وش بلاك انتي؟
(تأففت نورة وقامت للمطبخ تكمل شغل البيت)
_____________
السوق
ضوى دخلت المحل مبتسمه وشافت نايف يتعامل مع زبون و أوّل ما طلع الزبون من المحل
ضوى(مبتسمه): صباح الخير
نايف(لف عليها):صباح النور
ضوى: ماشالله جايين زباين من الصبح!
نايف(ابتسم): اي والله من بعد ما سويتي اعلانات ووزعناهم زادوا الزباين
ضوى(طلعت الصحن وفتحته)بغرور: جبت لنا كيك، مين قدك بتذوق كيكتي الشهيرة
نايف(ضحك بسخرية): لا بالله تسممت
ضوى(ضيقت نظراتها):لا تاكل مو اجباري!
نايف(ابتسم)مد يده اخذ قطعه: باكل وامري لله
ضوى(بفضول): كيف؟
نايف(بتقزز): وش ذا الله يزيد النعمه!
ضوى(بصدمه) تذوق الكيكة: كذاب!
نايف (ضحك): استهبل لذيذة والله
ضوى(رفعت حاجبها): طبعا لذيذة ماعندي شك فيها بس تمثيلك لازم تاخذ عليه أوسكار صراحه
نايف: تسلم يدك، بسوي شاهي تبين؟
ضوى(ابتسمت): ما اقول لا
( صار هالمشهد قدام أنظار بدرية اللي كانت واقفه برا المحل، كانت راح تدخل لكن تخبت تسمعهم بفضول ورجعت لبيتها بدموعها على خدها بانكسار)
____________
بيت عبدالله (ابو خلف)
الساعة ٤ العصر
أنت تقرأ
لك من اسمك نصيب يانور عيوني وضوى قلبي🤍✨
Roman d'amourفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
