لك من اسمك نصيب يانور عيوني وضوى قلبي🤍✨

46

يوم جديد
بيت محمد(ابو بدر)

(مجتمعين على الفطور ونزلت نور من على الدرج حطت شنطتها على الكرسي وكانت تسوي لها ساندويش وهي واقفه)

محمد(باستغراب): جلسي ليه واقفه؟
نور(باستعجال): لا ما ابغى اتأخر على بدرية بمر اخذها وبعدين رايحين الجامعه
دلال(رفعت حاجبها): طيب افطري اوّل لاحقه عليها
نور(خذت شنطتها ترفع الساندويش) وهي طالعه: لا خلاص هذا سويت لي ساندويش يلا باي!
قمر(تهز راسه يمين وشمال): نور ما تتغير مهما صار تحب دوامها اكثر من اي شي
بدر(مبتسم يناظر قهوته)يهمس لنفسه: ياحظها بتشوف بدرية كل يوم

_____________________
(قدام العمارة)

(نور كانت بسيارتها تنتظر بدرية تنزل لها، لكن بس طاحت عينها بعين خلف اللي كان متوجه لسيارته توترت)

خلف(ابتسم من شافها)توجه لها: صباح الخير
نور(ابتسمت)تتحمحم:صباح النور،وين بدرية؟
خلف(رفع حاجبه): بتنزل الحين، ليه ما احسك تكلميني براحه؟
نور(بارتباك): أنا؟ لا مافيني شي بس مستعجله
خلف(ابتسم): إذا عشاني تقدمت لك فهذا ما يعني اني ابيك تتوترين او ترتبكين معي بالعكس هالخطوة المفروض تقربنا اكثر من بعض صح؟
نور(بلعت ريقها لاحظت خروج بدرية): يلا بدرية! طولنا
بدرية(تمشي باستعجال لسيارة نور): اسفه والله
خلف(ابتسم حس انه نور منحرجة منه): يلا بالتوفيق
بدرية(ابتسمت): مع السلامه

(حرّكت نور باستعجال تمثل انها مو شايفه خلف عشان ما تتوتر اكثر)

___________________
الشركة

(نايف حاس بفراغ لانه ضوى صار دوامها يبدا بعد الظهر ومدته ساعتين بس)

خلف(دخل مكتبهم يناظر بنايف)باستغراب: شفيك أخلاقك مو مضبوطة اليوم؟
نايف(تأفف)يحط راسه على المكتب: الدوام بدونها خايس
خلف(تنهد)يرتب الأوراق: ماعليه بس تتخرج يمكن تتوظف هنا وتقابلون بعض بالدوام وبالبيت
نايف(ابتسم)يرفع يده يدعي:الله يسمع منك يارب
خلف(ضحك بخفه): ادعي لي معك
نايف(يرفع يده): يارب يكتب بنت محمد من نصيبك وتجيب ولد تسميه نايف
خلف(ابتسم باتساع):امين!
موظفة(٢) دخلت المكتب تمشي لخلف بدلع: خلف ممكن توقع لي هالاوراق ضروري؟
خلف(نزل عيونه للورق)يتحمحم: الاوراق ناقصه لازم تجيبين ختم من الإدارة
موظفة(٢) ابتسمت و انحنت بجسمها قربت من خلف: ما ينفع تمشّي الورق من غير الختم؟ عشاني
خلف(تأفف)بعصبيه مد لها الورق: اوقفي زين وانتي تكلميني! قلت لك الورق ناقص إذا ما اكتملوا احلمي اني أوقعهم، فارقي
الموظفه(٢) خذت الورق بزعل وهي طالعه: منفصم!
خلف(وقف من مكانه)بعصبيه: وش قلتي؟!
نايف(مسكه من يده جلّسه على الكرسي): اهدا اهدا ماعليك منها، انت تدري انك عاجبها عشان كذا تسوي هالحركات
خلف(تأفف يمسح على وجهه): لو تناقز ما ناظرت فيها ماتسوى ظفر نور عندي
نايف(تنهد): ادري ادري
خلف(اخذ نفس بعصبيه): هيّن بس