لك من اسمك نصيب يانور عيوني وضوى قلبي🤍✨

77

يوم جديد (الاحد، الساعة ١٠ الصباح)

(كلية الطب)

(رغد كانت بمحاضرة الدكتور راكان، فاتحة اللابتوب ومنتبهه على كل كلمة تطلع منه، وبعد ما انتهى وقت المحاضرة تقريبا حضّر الدكتور اسمائهم)

راكان (مسك ورقه يقرأ منها): قبل لا أنسى، عندكم بروجكت تشتغلون عليه بمجموعات وراح أقسمكم الحين
رغد(تدعي بصوت خافت): يارب اني مع صديقاتي
ليلى(تأففت بعد ما سمعت اسمها): فرّقني عنكم
طيف(بعبوس نطقت بعد ما سمعت اسمها): ياربي حطني مع وحدة كريها!
راكان(بهدوء): رغد و حسن و رياض مع بعض
رغد(اتسعت أنظارها): أنا مع شباب بس!
ليلى(ضحكت بسخرية): الله يعينك طحتي مع اكثر اثنين داشرين بالكلاس
رغد(عقدت حاجبها تناظر حسن ورياض): تعرفينهم؟
طيف(تنهدت): ومين ما يعرفهم؟، اهم شي تخلصين الشغل اللي بينكم وبس لاتعطينهم وجه

(قسم طلاب السنة الأخيرة)

(قمر بعد المحاضرة توجهت للكافيتيريا وطلبت لها قهوة، بالوقت اللي كانت تنتظر فيه سمعت صوت من وراها)

فارس(بتردد): ق.. قمر؟
قمر(التفتت له بارتباك) تتحاشى النظر له: نعم؟
فارس(تنهد): ليه ما رديتي على رسالتي؟
قمر(خذت القهوة اللي جهزت ونطقت باستعجال): اسفه بعدين نتكلم عندي محاضرة الحين!
فارس(وقف يراقب مغادرتها): الين متى بتهربين؟

__________________________________

(خارج احدى الجامعات)

(عبدالعزيز كان ينتظر العنود بالسيارة، وبعد نص ساعة ركبت العنود جنبه تعلوا وجهها ابتسامه واسعة)

عبدالعزيز(بقلق): بشري؟
العنود(تضحك بحماس): قبلوني بالتخصص اللي ابغاه!
عبدالعزيز(يضمها) نطق بابتسامة: أنا اشهد انك كفو، قلت لك درجتك بالاختبار حلوة ما صدقتيني
العنود(خذت نفس عميق براحه): الحمدالله
عبدالعزيز(بدأ يسوق) ويلتفت عليها: يعني الحين أنا بالسيارة مع الاعلامية العنود؟
العنود(تنحنحت تفخّم صوتها): نعم هذا صحيح
عبدالعزيز(يضحك): لازم نشتري كيكة بهالمناسبة
العنود(بنفي): لا خلينا نرجع البيت، ابي اسوي كيكة البرتقال اللي تحبها
عبدالعزيز(ابتسم): شوي شوي على قلبي ترا حبك اكبر منه
العنود(ضحكت بصدمه): كل هذا عشان الكيكة؟
عبدالعزيز(وقف عند الإشارة واقترب يبوس خدها): عشان اللي تسوي الكيكة

___________________________________

(السينما)

(خلف ونور جالسين جنب بعض ومعاهم بدر وبدرية، راحوا للسينما بعد ما اتفقوا مع بعض)

خلف(يهمس لنور) بهدوء: قولي لأخوك يبعد شوي عن اختي
نور(رفعت حاجبها بعدم رضى): ليه ان شاء الله؟ خطيبها
خلف(مسك يدها): ادري بس يعني شوي احترام لوجودي
نور(ضحكت بسخريه وتركت يده):على كذا أنت لازم تحترمه بعد
خلف(سحب يدها وباسها) يهمس في أذنها: احنا قريب راح نتزوج، ما في احد يقدر يفتح فمه عندي
نور(ابتسمت بخجل): طيب، ما تبي تشوف الفلم؟
بدرية(تاكل من الفشار) تتابع الفلم بتركيز: ليه كذا سوا الشرطي؟
بدر(يهمس لها): اتوقع انه يحب البنت الشقراء
بدرية(هزت راسها بفهم): صح يمكن، اللي يحب يسوي اي شي
بدر(ابتسم ياخذ من الفشار ويأكلها اياه): وانتي؟
بدرية(ضحكت بخفه): اقدر اسوي اي شي ممكن انه يقرّبني منك
بدر(تنهد بابتسامه): احبك
بدرية(رجعت بنظرها للفلم بخجل): أنا بعد