لك من اسمك نصيب يانور عيوني وضوى قلبي🤍✨

58

الديرة
المزرعة

(خلف توجه للمزرعه بعد ما خلص عرس الرجال، يمسح على ليل وتفكيره كله في نور إلى ان قرر يرسل لها رساله محتواها "إذا خلص عرسكم تعالي المزرعة"، دخل المخزن يرتب فيه الاغراض ويطلع منه الأدوات اللي ما عاد يستخدمونهم، بعد عشرين دقيقة تقريبا سمع صوت باب الإسطبل ينفتح، تبعها صوت رنة خلخال، عقد حاجبه وطلع من غرفة التخزين وناظرها من كعبها وذيل فستانها الأحمر اللي كان الشي الوحيد اللي طالع من طرف عباتها، إلى ان وصل لوجهها، ميكبها زاد ملامحها جمال بلمعته والكحل اللي بعيونها)

خلف(بلع ريقه يحاول يستجمع نفسه): يا هلا؟ أنا طلبت النور وجاني القمر
نور(شتتت أنظارها عنه بخجل تتوجه لليل): كيفك؟
خلف(ابتسم يراقبها):لي اسبوعين ماني بخير الين شفتك
نور(ابتسمت تمسح على ليل): اشتقت للديرة صرت ما اصبر عنها
خلف(ضحك بخفه يندب حاله): أنا اللي ما اصبر عنك والله
نور(ناظرت بثوبه وشماغه بنظرات إعجاب): اول مره اشوفك بثوب اسود وشماغ ابيض
خلف(ابتسم يراقب عيونها): حلو؟
نور(ابتسمت تهز راسها والتفتت لليل): اي فصّل منه كثير
خلف(عجبه اسلوبها معاه)رفع حاجبه: بدرية تقول في وحده خطبتك بالعرس
نور(توسعت أنظارها): هاذي ما تمسك لسانها! ليه قالت لك
خلف(رفع كتفه بعدم معرفه): كانت تضحك مع امي وسألتها ليه تضحكين وعلمتني بالسالفه
نور(تحمحمت بإحراج): اي في وحده بغتني لولدها
خلف(اخذ نفس): تقومين تقولين محجوزة لولد عمي؟
نور(ضحكت بخفه): وش تبيني اقول مثلا
خلف(بجدية يناظرها): محجوزة لخلف بن عبدالله
نور(بلعت ريقها بارتباك): ما راح اكذب طبعا و اقول كذا قدام البنات!
خلف(ابتسم): نور، إذا رجعت الرياض باخذ معي جدي رماح وبتقدم لك رسمي
نور(لوهله حست بتوقف نبضات قلبها)بحياء: وجدتك نورة؟
خلف(بضيق نطق): ماعاد لها راي عندي ولا عند جدي رماح
نور(تنهدت تهز راسها بهدوء): حياكم الله
خلف(توسعت أنظاره): يعني موافقه؟!
نور(تخبي وجهها ورا ليل)بصوت خافت: اي
خلف(بحماس فز من مكانه ينطق بصوت عالي: احبك!
نور(حطت يدها على فمها بصدمه تناظره): قصر صوتك!
خلف(اخذ نفس عميق يناظرها):

(يا الله وش كثر انتي جميلة
وش كثر أنا احب
احب وأحلم بك دايم
جنبي وانا صاحي ونايم
ياللي ايامي بدونك ماهي من العمر
صوتك، همسك، بيتي وسفري
قمرك، شمسك، ليلي و فجري
وانتي يا عيوني انتي
وقلبي أنا وين ما كنتي
ياللي سواد عيونك افديه العمر
وليلة لو باقي ليلة بعمري ابيه الليلة
وأسهر في ليل عيونك وهي ليلة عمر)

_______________________________
بيت رماح

(نايف من عرف انه ضوى موجوده وهو مو على بعضه يدور حولين نفسه يدور على سبب يخليه يروح لها، واقف بالحوش يفكر ويفكر لين لمح رغد طالعه من البيت بتعب وبيدها شنطه)

نايف(توجه لها)باستغراب: وش فيك؟ وين رايحه؟
رغد(تتأفف): ضوى نست شنطتها بالقاعه وجبتها لها بروح اعطيها ياها
نايف(توسعت أنظارها يناظر الشنطه)بارتباك: لا لا خلاص ادخلي ارتاحي انتي وانا اخذها لها
رغد(رفعت حاجبها): صدق؟ عادي؟
نايف(هز راسه ياخذ الشنطه): اي اي ماعليك
رغد(تدخل البيت): يعطيك العافيه
نايف(يناظر الشنطه بيده وضرب جبينه): وش السواة الحين؟ وش بقول لها، تورطت