لك من اسمك نصيب يانور عيوني وضوى قلبي🤍✨

4

يوم جديد بالرياض

نور تجهزت للجامعة واهي طالعة من البيت صادفت امها
دلال: صباح الخير
نور(واهي ما تناظرها تعدل اغراضها بالشنطة): صباح النور
دلال: فكري بموضوع امس زين وعطيني القرار الاكيد عشان اعرف وش ارد على الناس
نور(وهي طالعة من الباب): الله يكتب له اللي احسن مني
دلال(بتأفف): ياربيييي احد يرفضه!؟ دكتووور
———
وصلت نور عند بيت ضوى ودقت عليها عشان تنزل
طلعت لها وركبت السياره ضموا بعض لانهم ثنتينهم محتاجين هالضمّة
ضوى: وش سويتي بموضوع اللي متقدم لك؟
نور(بدت تسوق): يبيلها سؤال؟ اكيد رفضته!
ضوى تنهدت من كثر التفكير اللي تفكره من امس
نور(التفتت لها): وانتي شسويتي كلمتيهم على موضوع تغيير التخصص؟
ضوى(سكتت)
نور(بتعجب): ضوى مو من جدك! بتغيرين التخصص ومو قايله لهم!؟
ضوى: شسوي يعني! والله بيذبحني لو درا وانا بموت لو كملت بهالتخصص ما القى نفسي بتخصص غير التسويق افهميني

نور(تحاول تتنفس وتهدأ من تصرف صديقتها المتهور): طيب خلينا نهدأ ونفكر، يدري منك احسن من انه يكتشف وقت تخرجك! وش بتقولين له بعدين!؟ كيف بتبررين موقفك قدامه انتي متخيله وش بتسوين!؟
ضوى(بدت تبكي): نور مو قادره اكمل احس اني غبية بكل المحاضرات ما اقدر افهم شي وانا مو حابته ما اعرف احب هالتخصص احس اني مو أنا مو شخصيتي فاهمتني!؟
نور(تنهدت): لا تبررين لي وانا اكثر شخص يعرفك ويعرف قد ايش التسويق يناسبك وأنك بتنجحين فيه نجاح مو طبيعي بس أنا اتكلم عن انك بتخبين هالسر لين متى!؟
ضوى(تهدئ انفاسها): لين احس اني قادره أواجهه
نور(تحاول تغير جو ضوى):طيب شرايك نحجز فلم بالليل؟ دام انه خميس ما اظن ابوك بيمنعك خصوصاً ان الاختبارات بعد اسبوعين وراح يحبسك فيها بالبيت؟!
ضوى(ابتسمت على خيبتها): طبعا بيحبسني يفكرني للحين بتخصص أحلامه، عموما قدام يالحب اي فلم تبينه احجزيه.
نور(باستها على خدها):اعشقك وانتي مروقه
ضوى(تضحك): أنا بعد أعشقك بس تكفين خلينا نوصل قبل المحاضره استعجلي
نور(ابتسمت): اجل تمسكي!
ضوى(فتحت عيونها على مصارعها وقت اللي نور زادت سرعتها ): لا تكفين لا ابي اوصل وانا عايشه!
——————
مر اسبوع على راحة نايف وخلف وجا الوقت اللي يبدون شغل بمزرعة رماح، خلف اغلب الوقت ينام ببيت جده عند نايف يسلون بعض.
الجد دخل عليهم واهم نايمين الساعه ٤ الفجر: قوموا انت وياه! يالله وراكم صلاة وبعدها تسرحون بالغنم يلا!
نايف من سمع صوت جده فز من مكانه: سم!
رماح: عشر دقايق وألقاكم بالمسجد صحي ذا هالنايم بالعسل!
نايف(يصحي خلف بنعاس): نايف قوم! نايف قوم لا يسرحنا بدال الغنم تكفى!
خلف(بنعاس):يلا ياميمتي بقوم بس زيني الكبسه وبجي
نايف(يضحك): قوم بس قوم لانصير بدال الكبسه أنا وانت على الغدا يلا!
خلف(استوعب): وش فيك ما بعد تطلع الشمس!
نايف: قوم يا رجال يبينا نصلي وعلى طول نروح للمزرعه
خلف(بتأفف): واحنا بنصير على هالحاله كل يوم؟
نايف(بعدم حيلة): وش بيدنا وعد وقطعناه وتوهقنا هالحين