لك من اسمك نصيب يانور عيوني وضوى قلبي🤍✨

51

يوم جديد بالرياض (الساعة ٩ الصباح)
بيت محمد(ابو بدر)

(نور كانت نايمه بعمق بعد الليالي اللي سهرتها، قاطع نومها المسالم اتصالات مستمره فاضطرت انها ترد وهي مغمضة عيونها بنعاس)

نور(بانزعاج واعين مغلقه):مين؟!
خلف(ابتسم):شكلي ازعجتك
نور(فتحت عينها تناظر اسمه بالجوال)عقدت حاجبها: خلف! انت شايف الساعة كم؟
خلف(بهدوء وابتسامه):ايه الساعه ٩
نور(تأففت تحط يدها على عينها): اتق الله يا رجل اليوم السبت
ليه متصل؟
خلف(رفع حاجبه):يلا قومي تجهزي وتعالي للموقع اللي برسله لك
نور(عقدت حاجبها):ليه؟ وين؟
خلف(تنهد):ياحبك للاسئله، مفاجأة يلا قومي عندك عشر دقايق تجهزين بنتظرك هناك
نور(اعتدلت بجلستها)نطقت قبل لا يسكر بوجهها: خلف انت من جد...
نور(تناظر الجوال بعد ما قفل الخط)بصدمه: لا مو طبيعي

(تنهدت وقامت تتجهز وطلعت من البيت بعد ما لاحظت انه لسه مافي احد صحى ببيتهم غيرها، طلعت وركبت سيارتها تفتح الموقع اللي راسله لها خلف)

_______________________
الديرة
بيت رماح

(كان رماح وعبدالعزيز جالسين على السفرة والحريم يجهزون الفطور ويجيبون لهم الأطباق من المطبخ، جلسوا بعدها نورة ورغد ولحقتهم العنود آخر الجلّاس تقدمت من عبدالعزيز وحطت صحن العصيدة قدامه من غير اي تواصل نظري او شفهي بينهم اليوم)

عبدالعزيز(لاحظ صدودها عنه)ناظر الطبق بابتسامه: عصيدة!
نورة(ابتسمت تناظر العنود): من امس واهي بالمطبخ تزينها لك عشان تطيب
عبدالعزيز(رفع أنظاره للعنود اللي كانت تشتت أنظارها حولين السفرة وتاكل بهدوء)بهدوء نطق: جعل يدك ما تمسها النار
العنود(تشرب شاي بهدوء)تخفي ارتباكها: بالعافيه

(بعد ما انتهوا من الفطور توجهت العنود للمغاسل ولحقها عبدالعزيز، تكى بكتفه على الجدار يناظرها، بينما هي تناظر كل شي غيره)

عبدالعزيز(باستغراب): فيك شي؟
العنود(تنشف يدينها): لا
عبدالعزيز(قرب لها): ليه ما تناظرين فيني من اليوم؟
العنود(رفعت عينها له بتوتر): ما تتذكر اني جيتك الغرفه امس؟
عبدالعزيز(عقد حاجبه):انتي جيتي امس؟ فكرتك جيتي اليوم الصباح
العنود(تأكدت من عدم تذكره)خذت نفس براحه:حمدالله
عبدالعزيز(بعدم فهم): حمدالله على ايش؟ انتي جيتيني امس؟
العنود(بتوتر)تتلعثم: ها؟ لا بس مريت شيّكت على حرارتك وكانت مرتفعه قلت اسوي لك عصيدة
عبدالعزيز(ابتسم على اهتمامها): الله لا يحرمني منك
العنود(بلعت ريقها تبتسم بخفه): ماسويت شي
عبدالعزيز(مسك يدها وحطها على قلبه)تنهد يناظر بعينها : وش باقي ماسويتي؟
العنود(توسعت أنظارها بتوتر بسبب تسارع دقات قلبه)بعدت يدها بسرعه تتوجه للمطبخ: لازم اساعد امي نورة ورغد
عبدالعزيز(ضحك على هروبها)يمسح على شعره: لازم اخذها اليوم قبل بكره لانه شكلي بودع الملاعب