لك من اسمك نصيب يانور عيوني وضوى قلبي🤍✨

22

يوم جديد بالديرة
بيت رماح

صحى نايف وخلف مع صياح الديك واتوجهوا للصلاه بعدها نايف راح للسوق و خلف رجع لبيت رماح

خلف( تقدم لرماح يبوس راسه): صبّحك الله بالخير!
رماح(باستغراب): صباحك الخير، ليه عَوَّدت مارحت المزرعة؟
خلف(جلس جنبه): والله يا جدي ابي اخذ منك الإذن اني ما اداوم لا أنا ولا نايف
رماح(عقد حاجبينه): وش عندكم؟
خلف(بكذب)يحك راسه: ابي اشتري كم غرض من سوق المدينه وماودي اطق طريق السفر بلحالي!
رماح(تنهد): أنا اقول روح انت الله يسهر دربك بس خل نايف
خلف: ليه؟
رماح(يكشر ملامحه): انت أدرى باللي صار له هالفترة، وانا عزمت اخوه عبدالعزيز انه يجي ونتعرف عليه، لا تلخبط الولد هالحين بالروحه والجيّه خله يركد ويرتب اموره مع اهله
خلف(يهز راسه باقتناع):ابشر، اجل بروح اخلص اموري قبل لا امشي، تأمرني على شي؟
رماح: درب السلامه
خلف( باس راسه وطلع)
________
بيت البنات

بعد ما طلعت ضوى للمحل صحَت نور بعدها بساعه وجلست تفطر، من امس وخلف ما راح عن بالها اوّل مره تحس بتوتر وارتباك بمشاعرها معاه، قاطع افكارها صوت ثلاث طقات من نافذة غرفتها
نور(بلعت ريقها بتوتر): ليش جايني من الصبح!
( حطت شالها على راسها وفتحت النافذه بعد تردد)
خلف(ابتسم): صباح الخير
نور(بهدوء): صباح النور
خلف: استعدي بنمشي من هنا الظهر، وترا نايف ماراح يجي معانا
نور(باستغراب): ليش؟
خلف: جدي يبيه يتعود على وضعه مع اخوانه ويتعرف عليهم
نور(بتفهم): اوكيييه، اجل أنا بروح للسوق أعطي ضوى العلم
خلف (ابتسم على لهجتها): تعطينها العلم؟ صرتي تتكلمين نفس اهل الديره
نور(ضحكت): من عاشر قوماً، المهم بروح اقولها
خلف(هز راسه): تمام
___________
السوق

ضوى ونايف يشتغلون بالمحل إلى أن دخلت بدرية عليهم، جايه تتأكد من نجاح خطتها
بدرية(ابتسمت):السلام عليكم
ضوى(تجاهلتها ولما شافت نور واقفه بره المحل)همست لنايف: أنا بطلع شوي وارجع
نايف:طيب
(طلعت ضوى من المحل وقربت بدرية لنايف)
بدرية: كيف الشغل؟
نايف (تنهد)رفع حاجبه: ليه كذبتي علي؟
بدرية(عقدت حاجبينها): هي قالت لك اني كذابه!؟
نايف(ابتسم بخفوت): هي ما قالت أنا كنت ادري انك كذابه بس ابي السبب!
بدرية(نزلت راسها)سكتت للحظات بعدها نطقت: ضوى تعجبك؟
نايف( بعدم فهم) عقد حاجبه: وشو!
بدرية(بإصرار): ضوى ضوى تعجبك!؟
نايف(قرر يشوف وش نهايتها معاها ويلعب): تعجبني
بدرية(بصدمه)رفعت راسها له: صدق؟
نايف(يناظرها)يأكد كلامه: ايه وش مشكلتك لو عجبتني؟
بدرية(تحبس دموعها): ماعندي مشكله لانك تعتبرني اختك، مع السلامه
نايف(واقف باستغراب إلى الان ما استوعب مشاعرها او سبب فعلتها)

(بينما نور وضوى واقفين بره المحل عند المحلات يتناقشون)

ضوى(تنهدت):ماودي اترك نايف لحاله هنا، روحي انتي مع خلف
نور(توسعت عيونها)بتوتر: لحالنا!
ضوى(باستغراب): وش المشكله انتي دايم تروحين للمزرعه معاه وتجلسون مع بعض بالساعات
نور(عضت شفايفها بتوتر): تكفين تعالي معي!
ضوى: ماراح يكون احد فينا هنا يمكن يصير شي بموضوعه مع اهله ويحتاج احد
نور(تنهدت): خلاص طيب، برجع اتجهز لانه راح نمشي الظهر
ضوى(هزت راسها):اوكيه، كلميني إذا صار شي!
نور(بتأكيد): تمام
_____________
بيت رماح