الرياض الساعه (١٢ مساءًا)
مركز الشرطة
(خلف ونايف واقفين وبمقابلهم زيد وابراهيم عند مكتب الضابط، يناظرون بعض بحقد وكره كأنهم بإشارة وحده ممكن ينقضون على بعض بوحشية)
الضابط(يناظرهم بحدّه): سؤالي واضح ايش اللي خلاكم تضربون بعض بهالشكل!
(بدأ كل واحد يلوم الثاني بصوت مرتفع وحاد سبب بانزعاج الضابط)
إبراهيم(يأشر على خلف): ذا مد يده بالاول!
خلف(يرفع صوته عاقد حاجبه): وذا يقدر يمد يده مره ثانيه! لا تأشر بأصبعك بوجهي
زيد(يتكلم بكره): انت شايف يا حضرة الضابط ثوبي، هذا منظر؟! مقطعه نصين!
نايف(يبتسم بسخرية): احمد ربك اني ما قسمتك انت نصين
الضابط(يضرب على المكتب بيده)عاقد حاجبه مما زاد ملامحه الحاده حِّده: ولا كلمة! اللي اسمح له يتكلم بس هو اللي يتكلم!
(حل الصمت في المكتب بينما نظرات الحقد والكره للان مستمره بينهم)
الضابط(مسك راسه بتعب): خلف! مين اللي بدأ بالضرب
خلف(تنهد ونطق بشجاعه):أنا ونايف
الضابط(رفع حاجبه يناظر خلف): يعني الغلط عليكم
نايف(بتسرع نطق): هم الغلطانين!
الضابط(ناظر نايف بغضب): وجّهت الكلام لك؟ طلبت منك تجاوب؟
نايف(بلع ريقه وهز راسه):حاضر
خلف(نطق بقهر): متكلمين عن شرف واخلاق محارمنا، تبيني اسكت لهم؟!
الضابط(لف على ابراهيم وزيد من سمع تبرير خلف)بصوت مرتفع: صحيح هالكلام؟!
ابراهيم(بتوتر يحاول يخفيه): لا واصلا لا هم من محارمهم ولاهم يحزنون
الضابط(يناظر خلف): وش علاقتكم بالبنات؟
خلف(بارتباك) نطق من دون تفكير: خطيبتي وخطيبة نايف
نايف(توسعت أنظاره يناظر خلف)يهمس له: خلف!
خلف(ضربه بكوع يده)يهمس له: اسكت
الضابط(كمل كلامه مع زيد وابراهيم): إذا طلع كلامهم صح فأتوقع انكم راح تنورون النّظارة عندي
الضابط(يكمل كلامه لخلف ونايف)مسك جوال خلف اللي صادروه: مين ممكن اتصل عليه يشهد لك على كلامك؟
خلف(عقد حاجبه يفكر): بدر
الضابط(طاحت عينه على رقم مسجل بأسم بدر): وش علاقته فيكم؟
خلف(تنهد بهدوء): اخو خطيبتي وكان متواجد معنا بالمطعم قبل الهوشة
(الضابط اتصل على بدر وكان ينتظر استجابته)
الضابط: السلام عليكم
_______________________
بيت محمد (ابو بدر)
(بعد ما رجعوا من المطعم جلسوا بالصالة يسولفون مع بعض وبالمجلس اللي جنبهم كان بدر جالس فيه)
نور(تضحك): مستحيل مستحيل
بدرية(تمسح دموعها بتعب من الضحك): بعدها صارت العنود معاقبه سكنت ببيت جدي وكل يوم تداوم بالمحل لين ما خلصت مدة العقوبة
ضوى(تضحك بصدمه)تنفي بيدها: مو طبيعية بنت عمتك!
(قاطع ضحكهم وسوالفهم صوت بدر العالي اللي وصلهم، استغربوا وكانت نور راح تتوجه له لكن سبقها ومر من عندهم يتوجه لباب البيت يلبس جزمته وياخذ مفتاحه باستعجال)
أنت تقرأ
لك من اسمك نصيب يانور عيوني وضوى قلبي🤍✨
Romanceفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
