لك من اسمك نصيب يانور عيوني وضوى قلبي🤍✨

12

المزرعة

توجه نايف للمزرعه ودخل يدور رماح بعيونه لين ما شافه واقف يراقب شغل العمّال وتوجه له
نايف:جدي!
رماح(ناظر فيه):انت وينك من الصبح رسلتك للمحل ومارجعت!
نايف(يهز راسه):بلاك ما دريت وش صار!
رماح(باستغراب): وش صاير؟
نايف(بكذب): لما وصلت للمحل شفت واحد واقف يغازل ضوى ومسك يدها وقمت وضربته!
رماح(بذهول): وشو! انت تقوله صادق!؟
نايف(يكمل بكذب): اي بالله!
رماح(بعصبيه):لا حول ولا قوة إلا بالله! هاذي والله البلشه
نايف(يقترح): أنا اقول لو تخليني اجلس معاها بالمحل أزيّن، عشان ما يفكر احد يقرّب لها بالشينه
رماح(يفكر): شكله مافي حل غير هالحل وانا ابوك
نايف: اي ماعليك أنا اجلس معها لين ما تلقى لك موظف زين
رماح: خلاص تم
نايف(ابتسم من مشت خطته على هواه)
طلع رماح من المزرعه ورجع نايف يقابل شغله اللي بالمزرعه
وفي نفس الوقت خلف اللي كان ينظف الخيل وكل شوي يروح عند المرايه يشيّك على شكله ينتظر جيّتها بعدم صبر لين ما سمع ثلاث دقات وراح بسرعه يفتح لها الباب
خلف(بابتسامه): صرتي تدقين بدال لا تدرعمين!
نور(رفعت يدها باستسلام):بعد ما تروشت امس مرتين بسبتك توبه ادخل بدون لا ادق الباب
خلف(ضحك): تعالي يلا اختاري لك فرس
نور( تدخل الإسطبل): ماراح اركب غير ليل!
خلف(باستهزاء): مو معناة انها حبتك يعني بتكون سهلة معاك! اقول أفضّل لك تتدربين على غيرها وبعدين تركبينها
نور(بإصرار): ما ابي غيرها وفر كلامك
خلف(رفع كتفه):بكيفك أنا حذرتك وسويت اللي علي

اخذ خلف فرس ولبسه السرج واللجام ونور سوّت المثل لليل وطلعوا من الإسطبل وبدا خلف يشرح لها طريقة الركوب والتعامل مع اللجام بس هي ماكانت مركزه معاه بالشرح
نور(تتأفف بملل): طيب فهمت متى اركب؟
خلف(تنهد): ادري انك ماسمعتي شي اركبي اركبي
نور بحماس ركبت على ليل ومسكت اللجام وشدت عليه
خلف(يرشدها):لا تشدين على اللجام إلا في حالتين إذا تبينها توقف أو إذا كنتي بتطيحين!
نور(أرخت على اللجام وبدت ليل تمشي بهدوء) ابتسمت:شوف مو قلت لك اني اعرف لها
خلف(ابتسم على غرورها): شفت! لا تغترين بالحيل
حسّت ليل بشي عند رجولها ومن الخوف وقفت على رجولها الخلفيه وارتفعت تصهل بخوف، نور كانت بتطيح من عليها لكن خلف صرخ: شدي على اللجام!
شدت نور اللجام ونزلت ليل على رجولها، قرب منهم خلف يشوف وش اللي خلى ليل تتصرف كذا ولقى غصن شجره عند رجلها اللي اكيد كانت تفكره ليل فار
نزلت نور من على ليل وكل جسمها يرتجف جلست على الارض وجاها خلف (بارتعاب): شفيك؟ تعورتي؟ بك شي؟
نور(بدت تبكي بهدوء)برجفه: خفت!
خلف(تنهد): لاتبكين عادي تصير اهم شي انك ما تعورتي
نور(للحين دموعها تنسكب على خدها من ذعرها): ليه كذا صار؟
خلف: خافت من غصن خشب يمكن فكرته فار او حيّة
نور(بدت تهدأ) وقامت من الارض
خلف(باهتمام): اجيب لك ماء؟
نور(بتعب): خلينا ندخلهم اوّل شي
دخلوا الخيول الإسطبل جلسوا على الكراسي ومد لها المويا
نور(شربتها) وخذت نفس: شكرا
خلف: بكره بتركبين خيلي! اهدأ من ليل
نور (هزت راسها توافقه): زين
خلف(تنهد) يمسك راسه : لازم تعرفين انه مو كل شي يمشي بالعناد يعني إذا قلت لك معلومه حاولي تفهمين اني ماقلتها عبَث هذا مكان شغلي واعرف وش اقول
نور(تلمّح له بس بغير وضوح)ابتسمت: ماشالله كلامك مصفصف مثل الشعراء!
خلف(عقد حاجبينه)بعدم فهم: محد يعرف يتكلم إلا الشعراء يعني؟
نور(ضحكت)قامت تمسح على راس ليل: لا بس اقول يعني
ليل قربت من نور وصارت تمسح براسها على خد نور
نور(ضحكت من حركة ليل): ادري انك كنتي خايفه وماكان قصدك، سامحتك لاني احبك
خلف(بلع ريقه وعض على شفايفه من سمع الكلمه اللي تتكون من اربع حروف منها)
نور(خذت اغراضها): أنا بمشي مع السلامه
راحت وتاركته للحين بعالم ثاني عالق عند الكلمه اللي قالتها وعند عيونها الباكية اللي خلته ما يتركها إلا وهو مخليها تبتسم
ونطق:
(انتي عيونك سالفة سمعتها في ليلة سفر
واثنين مروا بعاصفه وضيعوا نجمة وقمر
ومن يومها كثر الظلام وراح السحاب وبارقه
انتي عيونك هالمدى بحر وطيور مهاجرة
تركت في شطه صدى صوت تشقق اخره)
من نطق بهالابيات رمى بجسده على الارض يضحك على حاله
__________
بالسوق