لك من اسمك نصيب يانور عيوني وضوى قلبي🤍✨

48

يوم جديد بالرياض (الخميس)

بيت محمد (ابو بدر):

(كان الكل متواجد على سفرة الفطور ماعدا نور اللي كانت تتجهز بغرفتها للجامعه ونزلت تركض للطاولة تاكل وهي واقفه باستعجال)

دلال(تتأفف وتهز راسها يمين وشمال): يابنتي مو زين كذا كل يوم اعيد نفس الكلام! اجلسي وكلي نفس الخلق
نور(فمها مليان اكل وتشرب من الشاي):مافي وقت تأخرت على بدرية
محمد(تنهد): ليه تلتزمين ببنت الناس؟ كان خليتي اخوها يوصلها
نور(ابتسمت تاخذ شنطتها): إذا ما صبّحت عليها ما انبسط، يلا مع السلامة
قمر(بس ضحكت بخفه): هالبنت دايم لها اجواء
دلال(بتذكر تلتفت لقمر): اي صح، ترا معزومين ببيت اهلي اليوم
محمد(رفع حاجبه): نور بتروح معكم؟!
دلال(تنهدت): خلصنا من موضوع اللي مايتسمى، امي مشتاقه لنور ما تشوفها إلا بالمناسبات!
قمر(تناظر ساعتها وتوقف): أنا بكلمها ماعليك، يلا مع السلامة

___________________
في شوارع الرياض

(نور بعد ما خذت بدرية من بيتها ابتدوا يسولفون عن اللي صاير معاهم هاليومين إلى ان فتحت بدرية موضوع)

بدرية(تنهدت): خلف راح يروح الديرة اليوم بالليل مع نايف وانا عندي شغل لازم اخلصه للجامعة ماعندي وقت اروح معاه
نور(بهدوء): طيب لا تروحين ايش المشكلة؟
بدرية(تناظر نور ترفع حاجبها): يقول ما ينفع أجلس لحالي بالشقة يومين
نور(ابتسمت): تعالي عندي!
بدرية(عقدت حاجبينها): كيف يعني؟
نور(ضحكت بخفه): نامي عندي بالويكند ومتى ما رجع ارجعي الشقه عادي
بدرية(تحمحمت): لا لا نور
نور(تنهدت): بس خلاص! تعالي عندي ماعندي كلام غيره
بدرية(تنهدت تحك جبينها):تحرجيني كذا!
نور(ضحكت تضرب كتفها بخفه): مين اللي ينحرج؟ انتي! ماعرفتك

_________________
الشركة (الساعة ٢ الظهر)

(نايف كان عند ضوى بمكتبها)

ضوى(تشرب قهوتها): متى راح تمشون؟
نايف(تنهد): بعد الدوام راح نمسك خط
ضوى(هزت راسها): درب السلامة
نايف(سرحان بالفراغ) بقلق: أنا اللي موترني امي نورة، كنت لحالي بقنعها الحين معي خلف يبي يقنعها بنور
ضوى(ابتسمت): خايف منها؟
نايف(يناظرها يهز راسه يمين وشمال): خايف عليها
ضوى(تقعد حاجبينها): شدعوة! وش فيني أنا ونور عشان تخاف عليها؟
نايف(اخذ نفس) يمسح على وجهه: مو قصدي كذا وانتي عارفه، هي براسها بنات معيين لنا أنا وخلف وماودها نعصيها بهالموضوع تبي تزوجنا بكيفها، اخاف يرتفع ضغطها ولا يجيها شي إذا وقفنا بوجهها
ضوى(تنهدت): حاولوا معاها بشويش، حبه حبه محد فينا مستعجل
نايف(يناظر ضوى) ابتسم بخفه: أنا مستعجل

(ضوى توترت وشربت قهوتها بهدوء)

________________
بيت محمد (ابو بدر)

(غرفة نور)

(نور اتصلت بخلف واقنعته بجيّة بدرية عندها طول ماهو مو موجود ووافق)