لك من اسمك نصيب يانور عيوني وضوى قلبي🤍✨

57

يوم جديد بالرياض
بيت ضوى

(كانت ضوى حاسه بندم من انفصالها عن نايف بهالشكل، لكن بنفس الوقت مو عارفه كيف تتراجع عن فعلتها او كيف تقدر تكلمه عن الموضوع من جديد وتصلح الوضع بينهم)

ضوى(تاكل بهدوء على طاولة الطعام): بكون بالشركة ماراح اقدر اوصلك
شادن(تنهدت): ياربي طيب مابقى وقت كثير على ملكتنا لازم اروح السوق
ضوى(تشرب شاي تناظرها): طيب قولي لعمي حمد يوصلك
شادن(شهقت وحطت يدها على فمها): من جدك؟ عيب ما بعد اصير على ذمته كيف يوصلني
ضوى(تنهدت بملل)تقوم وتاخذ شنطتها: مافيها شي، وبعدين بيوصلك بس ماراح ياكلك يلا أنا بروح
شادن(بتفكير حائر تناظر زول ضوى اللي اختفى): يعني اقوله؟

___________________________
الشركة

(خلف كان يشتغل بمكتبه بتعب بعد ما رجع الكل من الديرة إلا نايف، سمع صوت الباب)

خلف(يناظر الباب):تفضل
ضوى(دخلت ولاحظت عدم وجود نايف)بإرتباك: كيفك خلف؟
خلف(هز راسه بهدوء): الحمدالله انتي وش اخبارك؟ سمعت انك كنتي تعبانه
ضوى(هزت راسها تعض على شفتها):الحمدالله، كنت تعبانه شوي بس عدت على خير
خلف(لاحظ صمتها لثواني وارتباكها):في شي تبين تقولينه؟
ضوى(خذت نفس بتوتر): و وين نايف؟
خلف(ابتسم بخفه): بالديرة
ضوى(عقدت حاجبها باستغراب): ليه ما رجع؟
خلف(تنهد): اخذ اجازة لمدة اسبوعين
ضوى(بلعت ريقها بضيق): اوكيييه، خلاص بخليك تشتغل أشغلتك بسوالفي
خلف (قبل لا تطلع ضوى نطق باستعجال):ضوى!
ضوى(رجعت تناظره بهدوء): هلا
خلف(قام من مكتبه ومشى لها) نطق بصرامه: ترا ما راح تلقين احد يحبك كثره! لا تخلين احد يدخل بينكم
ضوى(بدت عيونها تلمع بدموعها): ادري، مافي احد تدخل لكن بحاول اني اتفاهم معاه، لا تقوله شي عني امانه
خلف(تنهد براحه يبتسم)رفع سبابته على خشمه: على هالخشم ما راح اقوله شي
ضوى(ابتسمت تطلع من المكتب): يلا أنا اخليك

(رجع خلف لمكتبه واخذ نفس عميق براحه بعد ما تأكد بأنه ضوى للحين تكّن مشاعر لنايف وعن نواياها بإصلاح اللي خربته بينهم)

___________________________
(بعد اسبوعين)
بيت محمد (ابو بدر)

(كانت نور تجهز شنطتها بحماس رغم الفوضى اللي سببتها بالغرفه، دخلت عليها قمر وتصنمت مكانها بصدمه من منظر الملابس والاغراض اللي بكل مكان بينما نور ما انتبهت لدخولها بسبب انشغالها بالملابس)

قمر(اتسعت عيونها بذهول): ايش هذا كله!
نور(تفاجئت من صوت قمر بسبب عدم انتباهها لها): بسم الله خوفتيني!
قمر(تنهدت): هذا كله ليه؟ راح تروحين عرس يومين وترجعين، هالعفش هذا كله ماله داعي
نور(تأففت ترفع شعرها وتربطه بتعب): تعبت كل شوي احس اني راح احتاج اكثر وأزيد الاغراض
قمر( مسكت اغراض من الشنطه وطلعتهم): هذا كله ماله داعي
نور(هزت راسها): صح حسيت أنا بعد
قمر(مسكت فستان نور بابتسامه):راح يطلع يجنن عليك!
نور(ابتسمت): صدق؟
بدر(دخل عليهم يناظرهم ويناظر الفستان): طبعا، انتي زينة البنات كلهم!
نور(غطت وجهها بخجل): يا الله وش جايكم اليوم على هالغزل؟
بدر(قرب منهم وطلع من جيبه علبه ومدها لنور): ابيك تلبسينه بعرس فهد وساره
نور(توسعت أنظارها تناظره): بدر!
بدر(ابتسم يرفع حاجبه): اوش ولا كلمه، قولي لأخوك الكبير شكرا وخذي الهدية
نور(بعبوس تحضن بدر): شكرا
بدر(ضحك بخفه):هذا اقل شي اعطيك اياه
قمر(بفضول وحماس): نور افتحيها!
نور(ابتسمت تفتح العلبه وانبهرت بخلخال فيه فصوص تتميز بلمعانها): يجنن!!!