لك من اسمك نصيب يانور عيوني وضوى قلبي🤍✨

33

الرياض
بيت محمد (ابو بدر)

(وصلت نور البيت وشافت الكل مجتمع على طاولة الفطور، ابتسمت تتوجه لهم)
نور(تبتسم بسخرية): يعني كلكم صاحين بس محد فكّر يرد على مكالماتي؟
بدر(عقد حاجبينه):جوالي مو معاي
محمد: أنا مخليه يشحن بالمكتب، ليه بغيتي شي؟
نور(جلست تصب لها شاي): لا ابد، بس وقفت علي سيارتي بنص الشارع وماعرفت اتصرف
بدر(باستغراب):وش سويتي؟ مين رجعك البيت؟
نور(تنهدت)تشرب:مالقيت حل غير اني ادق على خلف، جاني واخذ السيارة الورشه وعطاني سيارته
محمد(يهز راسه يمين وشمال):لا حول ولا قوة إلا بالله، أشغلتي الناس
نور(عقدت حاجبينها): كيف تبيني اتصرف؟ اجلس بالشارع للعصر؟
دلال(تناظر محمد):ماعليه مافيها مشكله، هو ساعدها كثير بالديرة اللي كانت فيها اكيد تمون عليه
نور(هزت راسها): خلف اثق فيه اكثر من نفسي
بدر(رفع حاجبينه): ماشاءالله
نور(بارتباك):شفيك؟
بدر(تحمحم):ابد سلامتك
قمر(قامت من مكانها باستعجال من شافت ساعتها):أنا اتأخرت بروح الجامعه، مع السلامة
دلال: انتبهي بالطريق!
قمر(وهي طالعه):انشالله
________________
(يوم جديد في الديرة)
السوق

(العنود وصلت للمحل ولاحظت تأخر عبدالعزيز عن الوقت المعتاد، إلى ان دخل عليها المحل وباين على وجهه التعب)

العنود(بعصبيه): ليه تأخرت!
عبدالعزيز(تأفف)يمسح وجهه: اسمعي ترا جاي اقولك اني ما راح اجي للمحل هالفتره
العنود(تخصرت)رفعت حاجبها: وليه انشالله؟
عبدالعزيز(تنهد ينزل راسه): امي تعبت علينا امس ووديتها المستشفى
العنود(هدأت ملامحها)بخوف: وش صار؟
عبدالعزيز(اخذ نفس وجلس على الكرسي): ما ادري كانت تسولف معي أنا ورغد ولما وقفت فجأة اغمى عليها ورحنا فيها للمستشفى
العنود(بلعت ريقها)تعاطفت معاه: راح تتنوّم هناك؟
عبدالعزيز(هز راسه يمسح على عينه بتعب):ايه، رغد الحين معاها ،انا رجعت عشان اجيب كم غرض من البيت وقلت اجي أبلغك
العنود(بسرعه نطقت): اي خلاص لا تجي! اهم شي سلامة الوالدة، طمنّي عليها
عبدالعزيز(هز راسه): يلا أنا بمشي
العنود(تنهدت): تمام
_______________
الرياض
(شركة نايف وخلف)

(اليوم هو اول يوم شغل لنايف وخلف، اخذهم واحد من الموظفين بجولة حولين الأقسام وبعدها وصلهم إلى مكاتبهم اللي كانت جنب بعض)
خلف(بحماس يشيّك مكتبه): المكتب جبّار!
نايف(مبتسم): والله زين حطوني معاك بنفس المكتب
خلف(بتفكير): وش كان المكتب اللي قدامنا؟
نايف: مكتب التسويق
خلف(باستغراب): ايه صح، ليه مافيه موظفين؟
نايف(بتذكر): سمعت من رئيس القسم انه عندنا نقص بالموظفين بأكثر من قسم عشان كذا

(خلف ناظر بجواله كان وده يرسل لها اي شي، فقرر انه يصور مع نايف بمكتبهم الجديد ويرسله لها عشان يفتح معاها موضوع)
خلف(ابتسم من شاف تعليقها على الصورة"على البركة!" طلع من المكتب وقف بمكان معزول واتصل عليها على طول)
خلف(ابتسم):الله يبارك فيك
نور(ابتسمت) رفعت حاجبها:شفيك؟
خلف(باستغراب):وش فيني؟
نور:دقيت بدون لا تستأذن
خلف(ضحك بخفة):نسيت انه لازم اخذ موعد
نور(ضحك):وش صار على السيارة؟
خلف: تصلحت، بس يخلص دوامي بجيبها لبيتكم
نور(ماودها ابوها وبدر يصادفون خلف حالياً): عادي نلتقي بمكان ونتبادل السيارات؟
خلف(عقد حاجبينه):ليه؟
نور(بتفكير)بارتباك: بعزمك على قهوة دامك صلحت سيارتي
خلف(ابتسم):زين
نور:يلا مع السلامة، روح شوف شغلك
خلف(ابتسم):مع السلامة
_______________
بيت ضوى