لك من اسمك نصيب يانور عيوني وضوى قلبي🤍✨

42

(سيارة نايف)

نايف(تنهد):وش موضوعك؟
ضوى(تحمحمت)تلعب بأصابعها: أنا موافقه
نايف(لف عليها بصدمه):ايش!
ضوى(ابتسمت تعض شفايفها):موافقه عليك
نايف(ضحك بحماس):اقسم بجلال الله انك ما راح تندمين على قرارك
ضوى(لفت على الشباك بخجل):ان شاءالله
نايف(بابتسامه واسعه):بس وش اللي خلاك تترددين؟
ضوى(تنهدت تلف عليه):كذبتنا بالديرة على اهلكم، ابوي
نايف(هز راسه ياخذ نفس)بتفكير: اهلي آقدر أنا اتفاهم معهم بس ابوك وش فيه؟
ضوى(نزلت راسها)بضيق: ما اظن انه بيوافق عليك، عنده معايير بكل شي إذا كنت أنا بنته ومو عاجبته
نايف(تنهد):خلي الموضوع كله علي انتي بس عليك تقولين موافقه وابيه
ضوى( ناظرته تبتسم): موافقه وابيه
نايف(نبض قلبه صار مسموع)يضحك: يا الله صبّرني وثبت قلبي على حبها
ضوى(تضحك بخفه):بشويش
نايف(يشغل اغنية يابن الاوادم)بابتسامة واسعه : أنا احبك واعزك وأعشق ترابك

(كانت الاجواء عندهم شاعرية ومليانه حب، يوم ماراح يتكرر بالنسبه لهم كله مشاعر)
_________________
(المستشفى)

(بدرية وخلف يركضون بالممرات ورا نور والمسعفين إلى ان وصلوا عند الطوارئ ومنعوهم من الدخول، بدرية جلست على احد الكراسي بتوتر تهز برجلها بينما خلف ملامح الصدمه والقلق ما فارقت وجهه كان يفكر بجميع الاحتمالات اللي ممكن تصير)

بدرية(تناظر خلف)خذت نفس: خلف روح غسل وجهك وتعال اهدأ
خلف(يمسح العرق اللي على وجهه بيده)يتنفس بسرعه بخوف: إذا صار لها شي وش بسوي
بدرية(حست انه شكها كان صح)تنهدت: ماراح يصير إلا الخير انشاءالله، كلمت بدر؟
خلف(ماسك راسه بتعب):ايه جايين

(قاطعهم دخول اهل نور كلهم يركضون، كانوا دلال وقمر يبكون)
محمد(مسك يد خلف)بجزع: وينها!
خلف(غمض عيونه)يمسك محمد:دخلوها داخل مارضوا اننا ندخل
بدر(بقلق يتكلم بسرعه):كانت صاحيه؟ بوعيها؟
خلف(هز راسه بالنفي): مغمى عليها
بدر(باستعجال): بروح أنا أشوف الدكاتره يمكن يعطوني معلومات
قمر(لحقته):بجي معك
دلال(تبكي وجلست جنب بدرية تضرب على رجلها): هالبنت مالها حظ مالها حظ!
محمد(تنهد يمسح على عيونه): ما شفتوا السيارة اللي صدمتها؟
خلف(اخذ نفس يتذكر): الشرطة تدوّر عنه بالكاميرات، انشاءالله ما تطلع الشمس إلا واهو بين أيادينا الكلب

(طلع دكتور من قسم الطوارئ وتوجهوا له كلهم بذعر)
محمد(بقلق): وش فيها بنتي؟
الدكتور(يهديهم بيده): اتطمن كل شي بخير كسر باليد ورقبتها تعورت شوي من الاير باق
خلف(بخوف): صَحَت؟!
الدكتور:عطيناها منَوّم عشان ترتاح وما تحس بالألم ممكن تصحى بعد ساعتين
دلال(تبكي ترفع سبابتها): احلف انه بنتي مافيها إلا العافيه
الدكتور(يبتسم):والله العظيم مافيها شي بس تصحى ندخلكم تتطمنون عليها
محمد(اخذ نفس براحه):مشكور وما قصرت
الدكتور( وهو ماشي):الله يعافيك هذا شغلي
خلف(حس انه بعد اللي سمعه مو قادر يوقف وجلس على الكرسي)مسك راسه يهمس: الحمدالله الحمدالله
بدرية(تمسح على ظهره): مافيها شي البنت خلاص صلي على النبي