الرياض (الجمعة الساعه ٧ المغرب)
بيت محمد (ابو بدر)
(دلال وقمر بكامل أناقتهم جالسين يتأكدون من كل التحضيرات بالصالة والاكل والتوزيعات بالمطبخ، بينما بدر ومحمد مشغولين باتصالاتهم على المطعم اللي موصينه على العشاء والشيخ اللي راح يعقد قرانهم)
دلال(تسمع صوت الجرس)تنادي قمر: روحي افتحي اكيد ضوى وصلت
قمر(توجهت للباب تفتحه)بابتسامه: اهلين، ادخلي
ضوى(بابتسامه): ايش هالجمال!
قمر(ضحكت بخفه): انتي الجمال كله حبيبتي
ضوى(بحماس): أنا بروح لنور
قمر(هزت راسها): اي روحي أنا بس اتأكد من الترتيبات بلحقك
(غرفة نور)
(جالسه عند المرايا تفك لفافات شعرها، كان شعرها ومكياجها جاهزين ومابقى غير ملابسها، قاطع تركيزها لما انفتح الباب ودخلت ضوى بابتسامه وقربت تضمها)
ضوى(بعبوس): عروستي!
نور(ضحكت)تمسح على ظهرها وهي ضامتها: ما ابغى دموع اليوم تكفين
ضوى(خذت نفس عميق وابتعدت): ما ينفع أناظر فيك لفترة طويله لانه الحنفيه راح تنفتح
قمر(دخلت الغرفه): نور ما خلصتي؟
نور(بهدوء): لا باقي البس فستاني، في احد وصل؟
قمر(هزت راسها): اي تقريبا الكل تحت، والرجال فالمجلس ينتظرون الشيخ
نور(قامت من مكانها وتوجهت لدورة المياه): لازم انزل اجل
قمر(تناظر ضوى باستغراب): حسيتها مروقه بزيادة
ضوى(بعدم فهم): اي مو متوتره غريبة
_____________________________
(المجلس عند الرجال)
( كان صدر المجلس مليان بأهل نور والجهة الثانيه كانوا رماح ونايف وخلف وعبدالعزيز موجودين فيه)
محمد(يوجّه كلامه لرماح): انشاءالله ما تعبتوا من طريق السفر
رماح(بهدوء): لا والله تعودت رجلنا مثل ما انت خابر كثرت جياتنا لديرتكم
محمد(ضحك بخفه): وانشاءالله لنا جيّة
رماح(بابتسامه): العين اوسع لكم من الدار
خلف(بتوتر بلع ريقه) يهمس لنايف: وش فيه الشيخ تأخر
نايف( حط يده على فخذ خلف يمنعه من انه يهزها)بهدوء: ولد اثقل، الغايب عذره معه اكيد شوي ويوصل
بدر(قرب منهم): ترا الشيخ صارت له مشكله بالطريق لكنه على وصول
خلف(اخذ نفس براحه): الحمدالله
نايف(هز راسه يمين وشمال): شفت؟ كنت شوي ونسوي لك إسعافات أولية على شي ما يسوى
بدر(ضحك على حالة خلف): بتتزوج اختي لا تموت اليوم تكفى
(الصالة عند الحريم)
(كانت نجد تسولف مع دلال وليلى والعنود مشغولين مع قمر اللي عجبتهم حيل، ثواني ونزلت ضوى من عند نور)
دلال(اشرت لضوى بأنها تقرب) همست لها: وين نور تأخرت؟
ضوى(بهدوء): قالت لي انزل وبتلحقني بعد شوي
نجد(بابتسامه): ماشاءالله عليك دلال انتي وبناتك كأنكم خوات
دلال(ضحكت بخفه): انتي اللي موقف عندك الزمن ماشاءالله
أنت تقرأ
لك من اسمك نصيب يانور عيوني وضوى قلبي🤍✨
عاطفيةفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
