لك من اسمك نصيب يانور عيوني وضوى قلبي🤍✨

11

بداية يوم بالديرة
عند البنات

يصحون مع صياح الديك يغصبون نفسهم انهم يقومون من السرير ومن احضان غطاء السرير الدافي ويبتدون يومهم بقهوة
نور(تشرب قهوتها): أنا اليوم بعطي البنات درس لمدة ساعه وبعدها بروح للمزرعه
ضوى(باستغراب)ناسيه الموضوع: ليه بتروحين المزرعه؟
نور(بحماس): نسيتي؟ اليوم اول يوم تدريب على الخيل! بموت من الحماس
ضوى(باستيعاب) تكمل فطورها: اهااا، أنا بموت تعب امس جلست ارتب المحل للحين جسمي متكسر!
نور(تنهدت):استغفرالله، شوي شوي على نفسك لا ترتبين كل شي بيوم واحد
ضوى:ماقدر اتحمل الفوضى!
نور(تقوم بسرعه تلبس عبايتها): يلا أنا بروح مابي اتأخر على البنات!
ضوى(تبتسم على حماس نور) تقلد كلامها: شوي شوي لا تطيرين
نور(تضحك): يلا باي
________
بيت عبدالله (ابو خلف)

بدرية(تنادي): يمه!
نجد: نعم؟
بدرية(توجهت لامها): ابي فلوس، بعد الدرس بروح السوق
نجد: خذي من ابوك
بدرية (راحت لغرفة امها وابوها ومدت يدها بجيب الثوب المعلق على الشماعه وخذت من الفلوس اللي تحتاجه)

عبدالله صح انه توفى لكن هالعاده اخترعتها نجد بعد وفاة والد بدرية وخلف وهي انها تحط فلوس بثوب ابوهم وتقولهم ياخذون منه، تبي تملي اللي تقدر عليه من فراغ شعورهم بفقدانه ومن بعد ما كبر خلف صار هو اللي يحط فلوس بهالثوب عشان كل ما احتاجت بدرية تاخذ بدون لا تطلب منه

طلع خلف من غرفته وشافته نجد(باستغراب): مارحت المزرعه؟
خلف: رحت بس نسيت شغله رجعت اخذها وبروح
نجد (هزت راسها بتفهم): الله يحفظك
خلف: يلا مع السلامه

توجه خلف للبوابة الخارجية بيطلع بس اول ما فتح الباب لقى نور اللي كانت على وشك انها تدق الباب بس تراجعت من فتحه
نور(بارتعاب): بسم الله! خرعتني
خلف(ابتسم): من حسن حظي صبّحت عليك
نور(ابتسمت بصدمه): من حسن حظك؟
خلف(اختفت ابتسامته باستيعاب)تحمحم: اي يعني ماشالله شفتك من الصبح ياحظي و ويا حظك
نور(عقدت حاجبها): مافهمت ولا شي من اللي قلته، وخر بدخل عند بدرية
خلف(عطاها مجال عشان تدخل): بتجين المزرعه؟
نور(لفت عليه وابتسمت): اي اليوم نبدي تدريب!
خلف(ابتسم): متحمسه شكلك
نور: اسكت! من امس وانا افكر بليل
خلف(بهمس): حظ ليل قايم، مالت علي بس
تحمحم(وقال بصوت مسموع): خلاص بنتظرك اجل
نور: تمام!
_________
السوق

ضوى جالسه تتعامل مع زبون له ساعه يسألها عن كل منتج ويستفسر عن مكوناتهم وضوى تحاول تمسك أعصابها وتكون لينه بالتعامل معاه وقاطع حديثها مع الزبون دخول نايف شايل معاه اكياس كثيره وحطهم على الطاوله بقوة وناظرها هي والزبون بنظرة ما عرفت كيف تفسرها بس راحت له تشوف الاغراض اللي معاه
ضوى(تنهدت): بشويش على الاغراض في أشياء علبها زجاج!
نايف(وعينه على الزبون): ذا شفيه يناظر بكل العُلب كذا؟
ضوى(تأففت)بتعب: مدري عنه صار له ساعه يسألني عن كل شي وللحين ما قرر وش يشتري
نايف(رفع حاجبه):عجيب!