يوم جديد بالديرة
بيت رماح
(بعد رجعة رماح ونجد ام خلف من الرياض، رماح عزم الكل على الغدا بمناسبة كتب كتاب نايف على ضوى وخطبة نور وخلف وبدر وبدرية)
رماح(يسمع صوت الباب) ينادي بصوت عالي: عبدالعزيز!
عبدالعزيز(يسرع بخطواته للباب): انشاءالله انشاءلله
ليلى(تبتسم لعبدالعزيز اللي فتح لهم الباب): السلام عليكم
عبدالعزيز(عينه تدوّر على حبيبته بينهم): هلا والله
سارة(تضحك بخفة وهي داخله): لا تتعب نفسك ما رضت تجي
عبدالعزيز (اتسعت أنظاره): ليه!؟ الكل جاي يتغدا
سارة(تبتسم وترفع كتفها بعدم معرفه): مادري وش اللي براسها لكنها مصرّة انك ما تلمحها لين يوم الزواج
عبدالعزيز(يتأفف بملل): استغفرالله
__________________________
الرياض
الشركة
(خلف يطلع من مكتبه ويتوجه للقسم اللي تشتغل فيه ضوى، دق الباب ودخل يناظر نايف اللي كان متكي عند ضوى بالمكتب وجالسين يفطرون مع بعض)
خلف(رفع حاجبه): ماشاءالله تاركني اخلص الشغل لحالي وجالس تاكل فطاير انت وزوجتك هنا!
نايف(يبتسم بخفه)يشرب شاي: يابوي ما كملت اسبوع من ملكت عليها خلني اتهنى
خلف(عقد حاجبه): اها يعني ودك بشهر عسل؟
نايف(غمز لضوى اللي كان ودها تصير بمكان الفطاير): ما نقول لا
ضوى(ضربته على كتفه بحياء): روح روح خلاص أنا بعد عندي شغل
نايف(تنهد) قام يتوجه للباب يناظر خلف بحقد: مفرق الأحبة
خلف(ضحك بخفه لكن قبل لا يلحق نايف سمع ضوى تناديه): هلا؟
ضوى(بتردد): ممم خلف انت تتواصل مع نور؟
خلف(تنهد بضيق): من خطبتها بشكل رسمي وهي ما ترد على مكالماتي وتتعذر بأنها انشغلت او نايمه
ضوى(غمضت عينها تتأفف): استغفرالله ياربي هالبنت كل فتره تنتكس حالتها
خلف(ناظرها بثقه): لاتشيلين هم الموضوع عندي انشاءالله اني بحله
__________________________
بيت محمد (ابو بدر)
(نور صحت من النوم وهي حاسه بخمول فتحت جوالها تتأكد من الوقت ولاحظت كثرة الرسايل والإيميلات اللي تجيها من كل الناس وشركة النشر اللي تطلب منها تكمل كتابها الجديد لكنها ما ترد عليهم)
نور(اتصلت على ضوى) بنبرة ناعسه: ليه اتصلتي؟
ضوى(بهدوء): اتصلتي على خلف قبل لا تتصلين علي؟
نور(بعدم فهم): لا ليه؟
ضوى(تنهدت): لاني متأكدة انه كسر جوالك اتصالات ورسايل وما رديتي عليه!
نور(تأففت بعصبية): ضوى والله العظيم اني مالي خلق لأحد واتصلت فيك انتي من بين كل الناس اللي حارقة جوالي، فكرت عندك موضوع مهم بس يلا باي
ضوى(بتسرع ): لحظة!
نور(خذت نفس وردت بهدوء): نعم؟
ضوى(باستغراب): انتي وش صاير معاك؟ انتي مو نور اللي اعرفها
نور(بلعت ريقها): مافيني شي بس ما نمت زين
ضوى(تنهدت تهز راسها تحاول انها تصدقها): طيب، شفت خلف اليوم بالمكتب
نور(بملل): ايش الجديد يعني؟ كل يوم تشوفينه
ضوى(بهدوء): لا بس قال انه معزوم عندكم عالغدا ماعندك خبر؟
نور(اتسعت أنظارها): مين اللي عازمه! وليه ما علمني؟!
ضوى(ضحكت بسخرية): انتي ردي عليه بالاول عشان يقول لك
نور(تأففت): باي ضوى باي
أنت تقرأ
لك من اسمك نصيب يانور عيوني وضوى قلبي🤍✨
Roman d'amourفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
