✨( كل الابيات الشعرية المذكورة بالرواية مأخوذة من شعراء معروفين والأبيات جميعها معروفة)✨ استمتعوا
الديرة الساعه ٤ العصر
وصلوا نور وضوى لباب بيت رماح بس مو من التوتر مو قادرين يدقون الباب ضلوا واقفين لمدة خمس دقايق عند الباب
لين ما تشجعت نور ودقت الباب بخفة
رماح(بصوت عالي): اقلطوا اقلطوا!
فتحت نور الباب وشافت رماح جالس بالجلسه بالحوش وجنبه بادية فيها رطب
ابتسم رماح ونادى على نوره: يا ام عبدالله استقبلي ضيوفك! أنا بروح المجلس عند العيال!
والقى نظرة على البنات ونطق: لا تستحون يا بناتي الدار داركم!
نور(بتفاجؤ): وين اللي صرخ علي اليوم؟ لانه مستحيل تكون هو!
ضحك رماح من طولة لسانها مصدوم وقرصتها ضوى من يدها تسكتها وانطقت تحاول تلطف الجو: الله يحييك عمي والله كلفنا عليكم بهالعزيمه
رماح: افا عليك اقلطوا داخل عند عمتكم نورة
دخلوا البنات داخل وسمعوا تهليل وترحيب جاي من المطبخ
نورة(بابتسامه جاتهم وهي شايله صحن فيه رز): يا هلا ومرحبا!
تقدمت نور وخذت من يدها الصحن: يا عمه لا تتعبين نفسك خلينا نساعدك!
ضوى(بابتسامه):يا هلا فيك يا عمه! نور صادقه اعتبرينا بناتك ودلينا على المطبخ كافي اننا جينا وضايقناكم بغداكم
نورة(ابتسمت): ياجعلني أفداكم تعبكم راحه! والله انكم سنعات ماشالله عليكم تعالوا معاي نحط باقي الاكل
راحوا معاها البنات يساعدونها وزعوا اكلهم واكل الرجال لقسمين وراحت نوره عطت رماح والعيال نصيبهم من الغدا ورجعت تاكل مع البنات
نورة(وهي تاكل): مادري إذا تعتبرونها وقاحه مني لو سألت عن سبب جيتكم لهالديره بس ممكن تعلموني؟
نور(غصت بالاكل وشربت لبن بسرعه وهي تكح)وتوهقت ضوى فيها
نورة(بخوف):بسم الله عليك يا بنتي اكلي بشويش!
ضوى(بلعت ريقها): والله يا عمه مافي سبب محدد احنا مقطوعين من شجره ومالنا إلا بعض ونتنقل من منطقة لمنطقة مالنا ديار ونشتغل هِنا وهِنا
نورة(باستيعاب): اييييه زين اجل قواكم الله، بس ماتخافون تسافرون بدون محرم حريم بلحالكم بطريق سفر؟!
نور(تكمل كذبة ضوى): لا عادي، أنا اسوق وضوى ماشالله عليها تعرف للخرايط وتوجهني
نورة(بصدمه):ياويلي انتي تسوقين!؟
نور(بعدم فهم لردة فعل نورة): ايه شفيها؟
نورة: بناتنا ما يسوقن ولا يدرسن حتى
ضوى: ليه!؟ هذا يعتبر ظلم
نورة: البنت تتعلم تطبخ وتكون زوجة جيدة وبس
نور وضوى طالعوا ببعض بتعجب من البيئه اللي متواجدين فيها واللي كانت مناقضة تماما لبيئتهم وتربيتهم... خلصوا من الغدا وراحت نور للمغاسل عشان تتغسل فكت الطرحه تعدلها وتغسل يدها
خلف قام من غداه بعد ما شبع وتوجه للمغاسل وتوقفت خطواته لما لمح غزال واقف عند المرايه انفاسه تثاقلت ورمش عينه ماوده يرمش! واقفه بشعرها الأسود المدرج الطويل تناظر انعكاسها بالمرايه، يطالع بعيونها اللي يحلف انه ما قد شاف مثلها عيون واسعه ومسحوبه وسوادها عجيب يتماشى مع سواد رمشها الطويل! بلع ريقه من لما لفت عليه وصد وطلع بسرعه
أنت تقرأ
لك من اسمك نصيب يانور عيوني وضوى قلبي🤍✨
Romanceفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
