لك من اسمك نصيب يانور عيوني وضوى قلبي🤍✨

41

في احدى كافيهات الرياض

(جالسين ضوى ونور مقابل بعض يشربون قهوتهم ويفضفضون لبعض الاحداث اللي صارت لهم هاليومين)

ضوى(تتنهد)بحيرة: ما ادري وش القرار اللي لازم اتخذه
نور(هزت راسها بتفهم): انتي ما تشوفين نايف كزوج مناسب؟
ضوى(بنفي):لا والله ماشاءالله عليه مناسب وزيادة
نور(ابتسمت):طيب ايش المشكلة؟
ضوى(خذت نفس): أنا أفكر بأهلنا وردة فعلهم بالموضوع إذا فتحناه
نور(عقدت حاجبينها): ليه ماراح يعجبهم الموضوع؟
ضوى(تناظر نور باستغراب):انتي ناسيه الكذبه اللي كذبناها بالديرة؟ كيف راح يفاتح رماح ونورة بزواجه فيني وهم مفكريني يتيمة تتجول بمناطق السعودية؟
نور(ضحكت تغطي فمها):نسيت! بس يعني لازم بيشرح لهم
ضوى(تنهدت): وابوي ما اظن انه بيوافق على نايف صراحة
نور(بهدوء) تمسك يدها: خطوة خطوة مع بعض وكل شي يصير سهل بس لازم توقفون مع بعض
ضوى(هزت راسها):صح
نور(ابتسمت): ما قلتي لي كيف اجواء الشركة؟
ضوى(توسعت أنظارها بتذكر):تخيلي! طلع فيه موظفات حاطين عينهم على نايف وخلف
نور(شرقت بالقهوة) تكح:كيف يعني؟
ضوى(تضربها على ظهرها) تضحك: شوي شوي ما عليك ترا ما تركتهم!
نور(عقدت حاجبينها): وش صار؟
ضوى(تضحك): قلت عن نايف انه فيه أيدز وانه خلف يعاني من الانفصام! لو تشوفين ملامح الصدمه على وجههم كان متّي من الضحك
نور(تمسح دموعها من الضحك)بصدمه: والله انك قوية، ماتركتيهم يفكرون فيهم
ضوى(تضرب على صدرها): عندي الموضوع ارتاحي
نور(تحمحمت): خلف ما في منه خوف
ضوى(بنظرات شك):قال لك شي؟
نور(ابتسمت):اعترف لي بصريح العبارة
ضوى(توسعت عيونها)شهقت: وانتي!
نور(تشتت أنظارها): لا طبعاً لازم اخذ وقتي
ضوى(ضحكت بخفه): لا تطيرين عقل الولد! بشويش عليه
نور(ابتسمت):لا تخافين
ضوى(بتذكر): اي صح قلتي لي عندك موضوع مهم؟
نور(تنهدت بضيق): اي

(نور قالت لها كل احداث الشخص المجهول معاها إلى آخر موقف لما ارسل لها رسالة بصورة الكتاب)
___________________
يوم جديد بالديرة
بيت رماح

(البنات جالسين بالصالة يتفرجون على التلفزيون مع بعض وياكلون فشار)

العنود(سرحانه بالبطل): لو أنا يقول لي هالجملة كان طحت من طولي هاذي كيف كذا ثقيلة قدامه
رغد(ضحكت): اي والله نظرة من عيونه تكفي
عبدالعزيز(دخل الصالة معاه اكياس): نظرة عيون مين؟
العنود(بارتباك): لا ولا احد
عبدالعزيز(جلس يطلع اغراض من الأكياس ومد الباقي بالكيس للعنود): امسكي
العنود(اخذت الكيس من يده باستغراب): وشو؟
عبدالعزيز(يتصنع اللامبالاة): شريت اغراض وتذكرتك
رغد(بابتسامة واسعه): اوووه حركاتتت
العنود(تحمحمت)خذت الكيس وراحت لغرفتها:شكرا
عبدالعزيز(ضرب رغد بخفه بكتفها): لا تخلينها تنحرج مني!
رغد(تنهدت): طيب طيب، ماتذكرت اختك بعد؟
عبدالعزيز(ابتسم ومد لها الايسكريم): طبعا ما نسيتك
رغد(خذته من عنده)بابتسامه: اي كذا أنا راضيه عليك