لك من اسمك نصيب يانور عيوني وضوى قلبي🤍✨

36

يوم جديد بالديرة
بيت العمة ليلى

(رماح طلع من بيته مع شق النور واتجه لبيت بنته ليلى، اوّل ما دخل طلب منها تنادي له زوجها خالد لانه يبيهم بموضوع)
خالد(باستغراب): فيه شي صاير يا عم؟
رماح(يهز راسه يمين وشمال):لاحول ولا قوة إلا بالله
ليلى(بتوجس):وش بلاك يبه؟ خوفتني
رماح(تنهد): عبدالعزيز دخل على العنود وشافها من غير غطا
خالد(توسعت عيونه)بصدمه:كيف!
ليلى(حطت يدها على فمها):ياويلي!
رماح(اخذ نفس):اي والله هذا اللي صار، هددته انه لازم يمّلِك عليها بعد العزا على طول!
خالد(عقد حاجبينه): يا عم، عبدالعزيز بينه وبين العنود فرق كبير بالعمر!
رماح(بعصبيه):مافيه فرق بينهم! أنا وعمتك بيننا خمس طعشر سنة عادي
ليلى(تأففت)بضيق: من وين طلعت لنا هالسالفه الحين
رماح(يأشر عليهم)بحِدّة: اسمعوني انت وياها اللي قلته بيصير وبيكتبون كتابهم يوم الجمعة!

(طلع رماح تاركهم مصدومين وتائهين مو عارفين لو كان هذا القرار هو القرار الصح او لا)
________________
الرياض
بيت محمد(ابو بدر)

(نور نزلت تفطر مع اهلها، وكانت نفسيتها حلوة)

دلال(تبتسم): انشالله رضيتي على الدكتور! اشوفك تتبسمين ماشاءالله
نور(كشرت):ما وافقت كذا زين وجهي وهو مكشر؟
قمر(باستغراب):اجل وش فيك مبسوطة؟
نور(تأففت): محد يبتسم ببيتكم؟ ماني موافقه وماراح أوافق لو يغرقني بالذهب من راسي لرجليني
محمد(يهز راسه بفقدان امل):أستغفرالله
نور(تناظر قمر)وهي تشرب قهوتها: متى يخلص دوامك اليوم؟
قمر(بتفكير): ما راح اطول اليوم لانه خميس، ليه؟
نور(ابتسمت): بس اتطمن على نفسي اني ماراح اكون لحالي مع الذئاب البشرية
بدر(ضحك): شدعوة خليتيه ذئب! جاي يشوفك ويتعرف عليك وبيمشي
دلال(تتأفف): ما ادري وش هالعناد!
___________________
بيت ضوى

(ضوى ما نامت طول الليل بسبب كلمة تدور وتدور بعقلها بصوت نايف "احبك"، بعد ما سمعت الكلمة منه امس ردة فعلها كانت الصمت وبعدها سكّرت بوجهه، ضلت تناظر الفراغ مو مستوعبه اللي صار)

ضوى(لاحظت اتصال نور وردت عليها) بهدوء: شفيك؟
نور(تأففت): ضوى تكفين تعالي عندي الليلة
ضوى(تنهدت):ليه؟
نور(بتوتر): بيجي واحد يشوفني
ضوى(عقدت حاجبينها):ايش؟!
نور(تنهدت):الدكتور اللي كان متقدم لي بيجي يشوفني
ضوى(بعدم استيعاب):نور أنا مو جالسه افهم شي
نور(خذت نفس عميق): خلاص تعالي وأعلمك بالسالفه
ضوى(نزلت راسها): طيب

(بعد ما سكرت من الاتصال وصلتها رسالة من نايف، من طاحت عينها على اسمه قلبها بدأ يرتجف وكانت خايفه انها تفتح الرسالة لكن فضولها كان اقوى من خوفها)

ضوى(بارتباك تقرا الرسالة): ضوى أنا ادري اني ما وَهَّلْتِك عشان تستوعبين لكن والله ما عاد اقدر اتحمل المشاعر اللي فيني اتجاهك، ماقد حسيت بكل هالمشاعر لأحد، تكفين لو تعزيني ولو شوي تكلميني