يوم جديد بالرياض
بيت محمد( ابو بدر)
(بما انه موعد عرس نور وخلف اقترب والعد التنازلي بدأ، حاولت نور بقدر الإمكان انها ما تقابل خلف وتواصلهم يكون فقط عبر الرسائل، هالشيء طبعا مو عاجب خلف لكن بما انه عاجبها هي فهو راضي، لكن اللي كان يرضي شوقه لها انه أبياته توصلها يوميًا ببطاقة تتوسط باقة ورد مختلفه عن اليوم اللي يسبقها)
نور(جالسه بغرفتها تكتب بالدفتر الاغراض اللي لازم تشتريها من السوق)تكتب وتتكلم بصوت مسموع: احتاج كعب للفستان، وعبايات جديدة طبعا ، وضروري اروح معرض الساعات
نور(رفعت راسها من سمعت صوت الباب)بهدوء: تفضل
قمر(دخلت وهي مخبية وجهها بباقة الورد الكبيرة اللي بيدها): وصلت هدية روميو يا جولييت
نور(بابتسامه واسعه مسكتها من يدها)تعض على شفايفها: لا تتمسخرين
قمر(جلست جنبها تتنهد): تخلون اللي ما وده يحب وده بالحب
نور(كانت راح تفتح البطاقه لكن لفت على قمر باستغراب): نعم؟
قمر(كانت تترقب انها تفتح الرسالة) بعدم فهم: وشو؟
نور(وقفت تدفعها للباب) بصرامه: يلا يلا برا ما تشوفين شر
قمر(بمقاومة تدافع عن نفسها): لحظة خليني اجلس معاك يمكن تحتاجين مساعده او شي
نور(تنفي براسها وقفلت الباب بوجهها) نطقت قبلها: شكرًا ما احتاج شي
(خذت نفس عميق وابتسمت تركض للرسالة اللي على سريرها تقراها بعدم صبر، كانت فكرة الرسائل الورقية فكرة رومانسية جدًا بالنسبة لنور، لانها تحسسها بأنها داخل فلم عربي قديم زي قيس وليلى او عنتر وعبلة، مسكت الورقه تفتحها تقرأ محتواها)
نور(بابتسامه هادئة تحتوي على الشوق) تقرأ:
(يا ضمى قلبي لقلبي
وغربة عيوني عن عيوني
وينك انت؟
ياترى الليلة في صدري
او في جفني الشعور اللي خطفني
و دار بي الدنيا وعوّد يسأل الدنيا
حبيبي وينك انت؟
اه لو تدري بشوقي
يا ضمى الدنيا بعروقي
اسقني لو ما ارتويت وداويني لو ما اشتكيت
يا ضماي...يا ضماي انت)
نور(تنهدت بضيق) تناظر الورد الابيض وتلمسه بخفه: وانا اشتقت لك فوق شوقي شوق
___________________________________
(الشركة)
(ضوى جالسة بمكتب نايف يسولفون وينتظرون الضيف يوصل)
نايف(يبحث باللابتوب) بتركيز: وبعدين وش صار؟
ضوى(بابتسامه): تقبلت الموضوع على طول، ما توقعت الصراحه انه تكون ردة فعلها كذا
نايف(بابتسامه): كنتي مكبرة الموضوع
ضوى(هزت راسها) تسمع صوت الباب: ادخل!
ناصر(دخل عليهم بابتسامه ومعاه اكياس): صباح الخير
نايف(توجه له باستعجال ياخذ من عنده الأكياس): يعطيك الف عافية يا عمي ولو انه ما كان له داعي تتعنى، نقدر نطلبه من المكتب
ناصر(ينفي بيده وجلس على الكنب): لا ماينفع هالمطعم لازم تروح له ما يوصل، وابغاكم تجربون الفول اللي عنده وتعطوني رأيكم
ضوى(خذت قطعه من الخبر تذوق الفول معاه) رفعت حاجبها: لذيذ مرا
نايف(ياكل بشراهة): ما شاء الله ١٠ على ١٠
ناصر(ضحك بخفه): يعني مطعمي ناجح؟
ضوى(عقدت حاجبها باستغراب): ايش؟
ناصر(ابتسم) يأشر على اسم المطعم المطبوع على الكيس: هذا مطعمي
ضوى(اتسعت أنظارها): والله؟! متى فتحته؟
ناصر(بهدوء يتذكر): بعد طلاقي أنا وأمك حسيت بفراغ وما لقيت حل يشغل تفكيري عنكم غير اني افتح مشروع ولله الحمد نجح نجاح باهر مع اني فتحته بس عشان اشغل وقتي
نايف(هز راسه ويصفق بإعجاب): أحييك الصراحه
ناصر(بابتسامه يناظرهم): ما قلتوا لي متى نفرح فيكم زي نور وخلف، اتوقع قرب عرسهم صح؟
ضوى(بخجل تحاشت النظر لنايف)هزت راسها: اي عرسهم قريب
نايف(ابتسم يناظر ضوى): أنا عن نفسي جاهز، نقدر نحدد موعد العرس بالوقت اللي يناسبكم
ناصر(هز راسه يناظر ضوى اللي كان لون وجهها يوضح مدى خجلها بهاللحظة): لازم نتكلم مع امك ونحدد تاريخ
ضوى(بلعت ريقها):.....
نايف(ضحك بخفه): ضوى سامعتنا؟
ضوى(هزت راسها بهدوء):.....
ناصر(يضحك)يضرب بخفه على رجل نايف: مستحية البنت لا تحرجها
أنت تقرأ
لك من اسمك نصيب يانور عيوني وضوى قلبي🤍✨
Romanceفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
