لك من اسمك نصيب يانور عيوني وضوى قلبي🤍✨

31

يوم جديد بالرياض
بيت ناصر(ابو ضوى)

(صحت شادن مع صلاة الفجر بعد ما غفت عينها من التعب وجلست تفكر بالقرار اللي اتخذته إلى ان صحى ناصر من النوم ودخل عليها الصالة مستغرب لانها ما جهزت الفطور نفس عادتها)
ناصر(عقد حاجبينه):إذا تهاوشنا ما نفطر يعني وله كيف؟
شادن(رفعت عينها عليه)بهدوء:طلقني
ناصر(تأفف) توجه للمطبخ يستهزئ بكلامها:يالله صباح خير، حلمانه انتي وجايه تطلعين أحلامك علي؟
شادن(راحت وراه للمطبخ)بعصبيه: أنا اتكلم من جدّي
ناصر(يسوي له قهوة)ما يناظرها:وكيف توصلتي لهالقرار بالله؟
شادن(ارتفع ضغطها من بروده):لاني مو عايشة العيشة اللي أتمناها لنفسي ولا لضوى! انت همك نفسك وبس
ناصر(ابتسم باستفزاز)لف عليها: أنا همي نفسي؟
شادن(بدت عينها تدمع من العصبيه):اي! من بداية زواجنا وانا اتحمل كلام اهلك عن الاولاد وكلامك انت على اني ما جبت لك الولد اللي تتمناه! تحكمت ببنتي وبكل تفاصيل حياتها كيف تلبس، مين صحباتها، متى تنام ،ومتى تطلع واي تخصص تدخل!
ناصر(رفع حاجبه):كل هذا شايلته بقلبك! ما توقعتها منك
شادن(تصرخ بفقدان اعصاب): لاني تعبت! أنا اللي كنت بكل موضوع تجيب فيه طاري الاولاد تسكت لكن الحين لا والله! الزم ما علي بنتي، روح تزوج ماتشوف شر والله يهنيك بس ابعد عني وعن بنتي
ناصر(حس بصدق كلامها)عقد حاجبينه: انتي من جدك تبين الطلاق!؟
شادن(تضرب على جبينها)تنهدت:افهم افهم! خلاص خلصت القصه، إذا ما طلقتني بخلعك واسمع كلام الناس عنك بعدها، لانه بالنسبه لك كلام الناس اهم مني ومن بنتك
ناصر(بإصرار):ماني مطلق وأعلى ما بخيلك اركبيه انتي وبنتك
شادن(خذت نفس)قررت تستفز رجولته: لو انك رجّال من ظهر رجّال طلق!
ناصر(أنعمت عينه وضربها كف)صرخ فيها: رجّال غصب عليك!
شادن(مسكت خدها تضحك بسخريه): احفظ باقي رجولتك اجل بعد هالكف وطلقني
ناصر(بدت أعصابه تفلت منه): انتي طالق!
شادن(بدموع بدت تزغرط): أبركها من ساعه

(طلع ناصر من البيت بعصبيه، توجّهت شادن لباب غرفة ضوى وفتحته شافت ضوى منسدحة على السرير بدمها اللي نشف بدون علاج وكانت نايمه، قربت منها ببكاء تحضنها)

ضوى(فزت من حسّت بحضن امها):يمه
شادن(بعدت عنها تمسح على راسها)ابتسمت: افتكينا من ابوك
ضوى(عقدت حاجبينها): كيف يعني!
شادن(تنهدت):طلقني
ضوى(اعتدلت بجلستها)توسعت نظراتها بصدمه: أنا السبب؟
شادن(بسرعه نطقت): لا، أنا كان المفروض اني اخطي هالخطوة من زمان من قبل لا يطفي حياتي وحياتك
ضوى(ضمّت امها تبكي):اشتقت لك
شادن(بادلتها الحضن):وانا اكثر والله، خليني اجيب لك ثلج ونعالج جروحك
_____________
بيت ابو بدر (محمد)

(العايلة كلها مجتمعه على الفطور)
محمد(يناظر نور باستغراب): غريبة صاحيه من بدري!
دلال(ابتسمت): كانت صاحيه اوّل وحده
نور(ابتسمت):تعوّدت على توقيت الديرة، الكل يصحى من بعد صلاة الفجر يصلون بالمسجد وبعدها يروحون الرجال على شغلهم والحريم يبدون يزينون الفطور والغدا
قمر(ابتسمت بسخرية): يزينون؟ خذتي لهجتهم اشوف
بدر(ضحك): صارت من عجايز الديرة شكلها
نور(ضحكت)تمد يدها للخبز: عاد محد من اهل الديرة حبني إلا من رحم ربي، الكل كان ناقد علي أنا وضوى
دلال(عقدت حاجبينها)باستغراب:ليه؟
نور(تاكل وتشرح):يعني طريقة لبسنا غريبة عليهم واطباعنا ما عجبتهم
بدر(رفع حاجبينه يمزح):لا يكون لبستي لبسهم!
نور(ابتسمت بهدوء)
قمر(ضحكت): لبستي دراعه!
نور(ضحكت):اول الايام لاني مالقيت لبس غيره، بعدها تصرفت ولقيت لي ملابس
محمد(يشرب شاي):خلف قال لي انك اشتغلتي هناك، وش كان الشغل؟
نور(ابتسمت تتذكر بدرية وسارة باشتياق):درّست اخت خلف وبنت عمه كم شي من تخصصي يعني يتسلون بس
دلال:راح تروحين عند ضوى؟
نور(نزلت راسها لانه وصلها خبر الطلاق لما اتصلت على شادن تتطمن على ضوى): ايه بس اخلص فطوري بروح لها
_____________
شقة نايف وخلف