لك من اسمك نصيب يانور عيوني وضوى قلبي🤍✨

61

يوم جديد بالرياض (الاحد الساعه ٨ الصباح)

(قدام العمارة)

(نور بسيارتها تنتظر بدرية، بعد دقايق طلعت بدرية وركبت السيارة لكن ما مرّت ثواني وطلع وراها خلف، توجه لهم قبل سيارته)

نور(فتحت النافذه)بخجل: صباح الخير
خلف(يبتسم): صباح النور على احلى بنتين
بدرية(ضحكت بخفه): خلاص صار الوضع سهالات تتغزل قدامي
خلف(تكّى على النافذه) يرفع حاجبه: قريب انشاءالله بتصير حلالي ليه ما اتغزل؟
نور(تحمحمت)بارتباك: راح نتأخر على الجامعه
خلف(ابتعد عن النافذه)تنهد: يلا انتبهي وانتي تسوقين
نور(هزت راسها وانطلقت) تناظر بدرية: يعني لازم تحرجيني
بدرية(تضحك): أنا اللي أحرجتك الحين وله هو؟ وبعدين تستاهلون ما علمتوني انه تقدم لك امس
نور(ابتسمت تمسك يدها): والله كل شي صار بسرعه وانا توقعتك جايّه معاهم ،ماكنت ادري
بدرية(هزت راسها بابتسامه): لا عادي، مره ثانيه ازوركم مع امي، بتصيرين زوجة اخوي مو مستوعبه
نور(ضحكت بخفه): مبسوطه؟
بدرية(بحماس): إلا بموت من الوناسه، يا حظه فيك
نور(ابتسمت بهدوء) تهمس لنفسها: أنا اللي يا حظي فيه

____________________________
الشركة

(وصل نايف الشركة وعلى طول توجه لمكتبها ودق الباب ينتظر شوفتها بفارغ الصبر بمكانها المعتاد)

ضوى(بهدوء): تفضل
نايف(دخل بابتسامه): صباح الخير
ضوى(تركت الورق اللي بيدها تبتسم له): صباح النور حبيبي
نايف(ناظرها ومسك قلبه يمثل التعب): ترا ما اتحمل
ضوى(تضحك بخفه): تتحمل تتحمل، مايصير احبك يعني؟
نايف(جلس قدامها يبتسم): يصير ويصير ويصير طرق عن خشومهم!
ضوى(قاطع ضحكاتها صوت الباب): تفضل
خلف(دخل ومعاه علبة تشوكليت) بابتسامه: تفضلوا هذا حلاوة رجعتكم احسن من اوّل
نايف(اخذ قطعه): والله انه مافي منك
ضوى(خذت قطعه بخجل): انشاءالله ما نرجع لهالأيام
خلف(جلس بابتسامه): امين، مع هالحلى مافيه قهوة؟
ضوى(رفعت سماعة تليفون المكتب باستعجال): افا عليك الحين اطلب قهوة
نايف(رفع حاجبه): هاذي حلاوة رجعتنا وله من فرحة امس؟
خلف(اخذ نفس بابتسامه): اسكت اسكت نمت وانا اضحك امس
ضوى(تنهدت تبتسم بحب): الله يهنيكم
نايف(ناظرها): عقبالنا
(ضوى نزلت راسها بحياء)

___________________________
يوم جديد (يوم الاثنين)

بيت محمد(ابو بدر)

(نور لبست عبايه زرقاء رسمية مناسبه مع الميكب الخفيف اللي حطته، خذت شنطتها ونزلت بالكعب مع نظرات الإعجاب من اهلها اللي بس وصلت لهم انحنت بخفه وهم ما قصروا بالتصفيق)

نور(تضحك على تصفيقهم): شكلي حلو؟
بدر(ضيّق أنظاره بتمثيل): يعني اعطيك خمسه من عشرة
قمر(ضربته على كتفه): ماعليك منه مليون من عشره
بدر(يضحك): يعني انتي شايفه شكلك يحتاج سؤال؟
نور(تبعد شعرها لورا)تتحمحم بثقه: ادري بس احب المدح
دلال( قربت منها بالبخور) تقرا عليها المعوذات: بسم الله عليك من كل عين
نور(تكح من البخور): يمه خلاص
محمد(قرب لها يطبطب على ظهرها بخفه): انتي قدها حبيبتي
نور(ابتسمت لهم قبل لا تطلع): يلا بروح، انتظركم هناك لا تتأخرون!