لك من اسمك نصيب يانور عيوني وضوى قلبي🤍✨

72

يوم جديد بالديرة (يوم السبت الساعة ٤ العصر)

بيت البنات

(بدر كان مستعد بالصالة ومتحمس كل شوي يناظر الساعة)

محمد(تأفف): يا ولد تراك أزعجتنا ما عرفنا نتغدا ولا نتقهوى، الشيخ بيجي المغرب تو الناس لابس ثوبك و متبخر من الحين!
بدر(تنهد): اتركوني على راحتي
نور(تصب لابوها قهوة)تضحك بخفه: لا تكلمه فيه اللي مكفيه جالس يعد الدقايق والثواني
دلال(باستغراب): وين ضوى؟
نور(بهدوء): جاء نايف وأخذها معاه لبيت عمته ليلى
قمر(كانت تعرف الموضوع من نور) تهمس لها: الله يهدي النفوس
نور(تنهدت): امين

________________________________

بيت رماح

( ماكان في احد موجود بالبيت غير رغد ورماح بالصالة)

رماح(يشرب الشاي): بيجتمعون الرجال عندي فالمجلس عشانه شرح ويجزي عددنا والحريم ببيت خلف
رغد(هزت راسها): الله يكتب لهم الخير ويسعدهم بدرية تستاهل كل الخير
رماح(ابتسم): لو ما عرفت بدر كان خفت عليها لكنه رجال من ظهر رجال ما منه خوف
رغد(تنهدت): صرت لحالي معك بهالبيت
رماح(ضحك بسخرية): عبدالعزيز حالف انه ياخذك معاه الرياض لا توسوسين، أنا بجلس ببيتي انتظركم تزوروني
رغد(بلعت ريقها بتوتر): طيب يا جدي انت لحالك هنا وجدتي نورة لحال...
رماح(قاطعها ينهرها عن انها تكمل الجملة): لا تجيبين لي طاريها! وبعدين طلقتها بالثلاث يعني تحرم علي ليوم الدين بدون رجعة
رغد(تنهدت بضيق): زين لاتعصب لا يرتفع ضغطك
رماح(ترك ستكانة الشاي) واخذ نفس: استغفرالله العظيم واتوب إليه، وين نايف ما تغدا معانا
رغد(بهدوء): اخذ ضوى وراح بيت عمتي ليلى، يمكن يتصالح مع..
رماح(هز راسه لانه فهم مين قصدها من غير ما تذكر اسمها): اهم شي يسوي اللي يريحه

_______________________________

بيت العمة ليلى

(وقف نايف و معاه ضوى عند الباب لكن ما قوى على انه يدقه)

ضوى(مسكت يده تناظر فيه): نايف وشفيك؟
نايف(اخذ نفس عميق): ضوى انتي مو مضطرة أبدا انك تسامحينها عشاني
ضوى(هزت راسها تبتسم): ادري

(دق نايف الباب وفتحت لهم ليلى بعد دقايق)

ليلى(بابتسامة): تو ما نوّر البيت
ضوى(سلمت عليها): منوّر بأهله
ليلى(بهدوء ناظرت نايف): حياكم المجلس و بناديها لكم

(دخلوا المجلس وضوى كانت بالتوتر منتشر بالأجواء، نايف كان ماسك أعصابه ويحاول انه ما يستسلم لمشاعره، بعد ثواني انفتح باب المجلس ودخلت عليهم نورة بعصاتها، وجهها كان ذبلان و واضح عليها التعب)

نورة(من لمحت نايف توجهت له تجلس جنبه وتبكي): جيتني يا حبيبي
نايف(ما قدر يمنع دموعه رغم انه صاد عنها): جيت اسمع وش عندك كلام
نورة(تبكي بحرقه ولفت على ضوى تمسك يدها): يابنتي الانسان مو معصوم عن الغلط وادري انه اللي سويته ذنب عظيم، لكن ربي غفور رحيم سامحيني عشان ارتاح، أنا لا ليلي ليل ولا نهاري نهار بس اصلي وادعي انه ربي يعفو عني
ضوى(بتأثر من كلامها) ابتسمت بخفه: أنا سامحتك من زمان
نورة(رجعت تناظر نايف بلعت ريقها): سمعت؟ سامحتني اعتذرت وسامحتني
نايف(رفع عينه وناظر فيها) تنهد بألم: انتي ما سحرتيها هي بس انتي عذبتيني وكنتي تبتسمين بوجهي
نورة(اقتربت من يدينه تبوسهم): يا يمه لا تعور قلبي بهالكلام
نايف(مسح دموعه) واخذ انفاسه: سامحتك و الوجه للوجه ابيض، لكن ما اقدر ارجع اقولك يمه
نورة(تشوفه يطلع من المجلس تاركها منهارة)تصرخ: نايفففف!!! نايف ارجععع يمه نايف!
ضوى(حزنت عليها لكن قامت وراحت ورا نايف) نادت على ليلى: روحي لها