រ៉ូហ្វ្រីលែនស៍ ដើរដល់ជាន់ក្រោមនៃមន្ទីរពេទ្យ ទូរស័ព្ទដៃនាងក៏ត្រូវអ្នកចាត់ការខលមកល្មម ទើបស្រីតូច រកកន្លែងស្ងាត់កំបាំង ដើម្បីនិយាយជាមួយអ្នកចាត់ការ។
« អាឡូបង! »
« បងទៅដល់ផ្ទះឯង តែពួកប្រុសៗអាវខ្មៅទាំងនោះមិនឲ្យបងចូលទេ ពេលនេះឯងនៅឯណា? មានរឿងត្រូវនិយាយគ្នាច្រើនណាស់នាងល្អិត!! » អ្នកម្ខាងទៀត និយាយហូរហែរដោយខ្លួនបើកឡានចេញពីផ្ទះ រ៉ូហ្វ្រីលែនស៍ ។
« ខ្ញុំនៅមន្ទីរពេទ្យ! បងអាចមកទទួលខ្ញុំបានអត់? »
« ទម្លាក់ទីតាំងមក! » មិនចាំយូរ រ៉ូហ្វ្រីលែនស៍ ផ្ញើទីតាំងឲ្យអ្នកចាត់ការភ្លាម ហើយក៏រកកន្លែងសមរម្យសម្រាប់រង់ចាំ ប្រហែលដប់ប្រាំនាទី អ្នកចាត់ការក៏មកដល់ច្រកចូលនៃមន្ទីរពេទ្យ ជាមួយឡានពណ៍ខ្មៅរលោងស្រិល ។
« ទៅខនដូររបស់បងទៅ!! » នាងនិយាយភ្លាម ក្រោយពីចូលឡានដាក់ខ្សែរក្រវ៉ាត់រួច។ នាងក្រមុំ ក៏ជាន់ហ្វ្រាំងទៅមុខពួយសម្តៅទៅខនដូររបស់ខ្លួនតែម្តង។ គ្រប់សកម្មភាពទាំងអស់របស់ពួកនាងត្រូវកូនចៅយ៉ុនហ្គី លួចតាមដាននៅមិនឆ្ងាយ ថែមទាំងរាយការណ៍ទៅយ៉ុនហ្គីទៀតផង។
......
ក្រមុំរូបស្រស់ទាំងពីររូប ក៏បានមកដល់ខនដូរ និងប្រញាប់ប្រញាល់នាំគ្នាទៅជាន់លើភ្លាមៗ ដោយមិនសួរនាំច្រើនឡើយ។ ពេលចូលដល់ក្នុងបន្ទប់ ក៏ទម្លាក់គូថលើសាឡុង ចំណែកអ្នកចាត់ការក៏ដើរទៅចាក់ទឹកពីកែវ រួចដើររកកន្លែងអង្គុយនៅសាឡុង មិនឆ្ងាយពីរ៉ូហ្វ្រីលែនស៍ ប៉ុន្មានឡើយ។
« ចង់និយាយអីក៏និយាយមុនមក ចាំខ្ញុំនិយាយឲ្យស្តាប់តាមក្រោយ! » ឃើញថាមុខរបស់នាងដូចចង់និយាយប្រាប់ខ្លួនខ្លាំងណាស់ ទើបឲ្យសិទ្ធិទៅរ៉ូហ្វ្រីលែនស៍មុន។
« ខ្ញុំមានអារម្មណ៍ថាគេ មានអីលាក់បាំងនឹងខ្ញុំ វាមានអ្វីម្យ៉ាងដែលខ្ញុំមិនដឹង គេខឹងនឹងខ្ញុំ គេបានចាប់លោកប៉ា លាក់ទុក ហើយថ្ងៃរៀបការគេមិនមក គេមានចេតនាបំបាក់មុខខ្ញុំ គេធ្វើដូចជាស្រលាញ់ខ្ញុំ ប៉ុន្តែគេ... ខ្ញុំមិនយល់ទេថាគេចង់ធ្វើអីឲ្យពិតប្រាកដ? គ្រប់យ៉ាងហាក់បីដូចជាល្បែងដែលគេលេង ហើយខ្ញុំជាកូនអុកមួយរបស់គេ! »
YOU ARE READING
" Dark paradise "
Romance" ការសាងបាបជាអំពើខុសឆ្គង, រាល់ទង្វើដែលគេបានធ្វើ ត្រូវរាប់បញ្ចូលថាជាមនុស្សមានបាប " ប៉ុន្តែនាងទទួលយកគេបានគ្រប់យ៉ាង ការលះបង់មួយនេះ កើតចេញពីក្តីស្រលាញ់ អំពើបាបរបស់គេត្រូវបានលុបលាងដោយអំណាចសេចក្តីស្នេហា។
