اقتباس من زيجات مستحدثة هتبدأ في شهر يوليو😋💜
_____
- تطلب مين في بيت الطاعة ده انا هنزل أفتح دماغك في وسط الشارع
صرخت بسنت بتلك الكلمات وهي تقف علي الدرج، ووالدتها تقف أمامها حتي تمنعها من الهبوط فهي تعلم ان الاثنان علي وشك الفتك ببعضهما، كان حاتم يقف بتحدي فهتف وصوت جهوري لا يقل عنها من الغضب شيء بل يفوقها أضعاف أضعاف، ويقف بجانبه شقيقه بدر الذي يحاول كبحه أيضا علي الدرج المؤدي الي الطابق الأول
- انزلي ووريني شطارتك .. انا بس بشهد أمك علي طوله لسانك وقلة ادبك .. واهو بدر يشهد كمان علشان يعرفوا مين سبب المشاكل
هتف بدر بسخرية ومرح لم يستطع كبحهما، ولكن بصوت منخفض
- والله ما حد جايب بدر ورا غيرك انتَ ومراتك منكم لله خربتوا حياتي
أجابت بسنت معقبة علي حديثه فكادت والدتها أن تتحدث لتسبقها قائلة بصوت مبحوح أثر صوتها شجارها معه
- مدام انا قليلة الادب بتردني ليه وله انتَ اخدت علي قلة الأدب من اللي تعرفهم
هتف بدر ولم يستطع كتم ضحكاته تلك المرة لا يدري شجارات شقيقه مع زوجته بدلا من أن تحزنه تجعله يدخل في نوبة هستيرية من الضحك
- لا عندها حق بصراحة
- اخرس انتَ
قالها حاتم بغضب موجهًا حديقه لشقيقه ثم هتف مستكملًا حديثه بغضب جامح
- ما أنا رديتك علشان أربيكي بقا من أول وجديد .. فلمي نفسك بدل ما أحلف عتبه باب البيت ما تخطيها
هتفت بسنت صارخة بها وكبرياء لن تسمح له بأن يكسرها أبدا
- ربي نفسك الاول .. انا متربية غصب عنك .. ولو ما طلقتني بالذوق قسما بالله اخلعك وافضحك وسط شغلك والعرر اللي تعرفهم ...واخلي اللي ما يشتري يتفرج عليك
ضاقت ملامحه، فصرخ في شقيقه بدر الذي يحتجزه ويسد عليه الطريق للصعود لها
- ابعد بقا من قدامي ... علشان دي واضح أنها مش هتجبها البر
______________
رأيكم متحمسين وله لا 🤣💜
الرواية هتكون كوميدي واجتماعي رومانسي 😋💜
ده اول اقتباس 🤗💜
الغلاف ده تصبيرة لغايت ما نجي ننزل بغلاف جديد 🤣💜
حطوها قائمة قراءة وتابعوا الاقتباسات والمقدمة
🤗🤗🤗💜💜
