متنسوش الفوت والكومنت برأيكم قراءة ممتعة 💜
تصبحوا علي خير بعدها بقا😂💜
_____
الفصل الحادي والثلاثون من #زيجات_مستحدثة
بقلم #fatma_taha_sultan
___________
اذكروا الله
___________
-بقا أنا اسمي دكتورة مريم وبنت الورمة اسمها هنا عادي من غير ألقاب
كانت تسير في الغرفة ذهابًا وأيابًا وتشاهدها هايدي وفريدة منذ أتيانها وهي علي هذا الحال..منذ أن تقص لهما ما حدث وتكرره لا تستطيع الصمت ولو دقيقة واحدة..ستجن من التفكير..شعرت بمعني الخسارة...ومعني الفقدان...والخوف من كونه يكن لامرأة غيرها...تريد أن تصرخ بصوت مرتفع في مكان لا يسمعها أحد...مشاعر جريئة وحادة عليها...حتي في بداية معرفته به لم تشعر بتلك المشاعر المتأججة....
-أخلاقك يا دكتورة مش كده اهدي شوية هيطقلك عرق
قالتها فريدة بمرح وهي سعيدة بخروج مريم من حالة الجمود التي كانت بها..واللامبالاة التي كانت تتصنعها فهي كانت تنتظر دفعة واحدة..وحينما اعطتها لها..أنطلقت...
تمتمت هايدي وهي تحاول تهدئتها وجعلها تطمئن ولكن خرج منها تبرير أحمق للغاية دون قصد منها فهي تتوتر في تلك الحالات:
-بيفخم فيكي..أنك دكتورة وكده يعني..وده معناه أنه مهتم وعرف من أمه انك ناقشتي رسالتك..لما قولتلها اليوم اللي شوفتيه فيه
رمقتها مريم بنظرات ساخرة..حديثها لا يدخل عقلها
قهقهت فريدة هاتفة بمكر وتلوي فمها بتهكم:
-متزوقيش الكلام يا هايدي ابوس أيدك عرفيها الحقيقة..هو بيكرفها وعنده البديل زي ما كرفته...خليكي مكملة في الغيبوبة لغايت ما تلاقي البت شقطته هي او حتي غيرها..مهما كان بيحبك..الراجل بيدور علي اللي تدلعه وتملي فراغه ياختي...زيه زي العيل الصغير...
تحدثت مريم بغضب شديد كلمات فريدة تحرقها بالفعل:
-ما تسكتي يا فريدة بقا انا متعصبة خلقه...يارتني ما روحت أصلا أنا دمي محروق..
أردفت فريدة مستكملة في طريقتها الاستفزازية:
-انتِ كمان لسه بتقولي يارتني ما روحت؟!!!!..كنتي عايزة تستني لغايت ما تروحي تمسكلها ديل الفستان يا ست الدكتورة وله ممكن متاخديش دعوة وتقعدي تغني اعذرني يا منصف في يوم زفاف معرفتش أفرح وارقص زيهم..هتشليني..ده انتِ مرواحك جاي في وقته الصح....
تحدثت بحيرة شديدة مريم بعدما أخذت نفس طويل لعلها تهدأ من روعتها:
-طب أعمل ايه دلوقتي..ايه الفايدة ده أنا روحت وفهمته أني خلاص مش عايزاه واني زفت نيلة متحضرة وأنا أصلا هموت وأرجعله... ده لو كان قالي نرجع كنت هقوله يلا.. انا ولا متحضرة ولا زفت....والبت دي رغم انها معملتش حاجة منزلتش ليا من زور...
