رأيكم وتوقعاتكم قراءة ممتعه 💜💜💜
متنسوش الفوت والكومنت😂😂💜💜
_________
الفصل الثامن والثلاثون من #زيجات_مستحدثة
بقلم #fatma_taha_sultan
_________
اذكروا الله
___________
-حاتم...حاتم...قوووم
كانت تتحدث بانفعال ونبرة جادة بعض الشيء..وتضع يدها علي وجهه ومستمرة في مناجاته...فاستيقظت منذ زمن وتشعر بالضجر...فتح حاتم عيناه بكسل شديد وهتف:
-في ايه يا بسنت..المنبة لسه مرنش أصلا...لسه بدري
صاحت بسنت بانفعال أجادت صُنعه:
-ما تقوم يا حبيبي...قوم شوف اللي عملته....واللي مهببة
اعتدل حاتم وأصبح في مستواها وهتف بذعر:
-في أيه عرفتي أيه؟!!
رفعت بسنت حاجبيها متمتمة بسخرية وانفعال:
-والله؟؟...ده انتَ عامل حاجات كتيرة علي كده بقا...ايه اللي لسه معرفتهوش يا أستاذ؟؟؟؟...ده نهارك أسود وكحلي وكل الألوان المنيلة...هو في ألعن من اللي عرفته عنك؟؟؟
قالت الأخيرة واستوعب حاتم الموقف فابتلع ريقه وكاد أن يتحدث ولكن أستكملت بسنت حديثها ودموعها أخذت مجراها وحزن شديد:
-اه طبعا ما انتَ خاين وناوي تطفحني الدم علشان رجعتلك..واكيد شغال خيانة في خيانة مش راحم نفسك ما أنا زي الكرسي قاعدة في البيت تعبانة لا بتحرك ولا قادرة أعمل حاجة..ده انتَ خنتني وأنا بصحتي..هتيجي وأنا خلاص تعبانة وهتبقي محترم يعني....شيء متوقع أوي
تمتم حاتم وهو يضع يده علي كتفيها محاولا تهدئتها وتحدث بنبرة مرحة:
-استهدي بالله كده اومال...ده انتِ منزلتيش دمعة قدامي لما خونتك بجد..دي هرمونات بس ده أحنا متصالحين وزي الفل وانتِ حامل دلوقتي انتِ نسيتي وله أيه ده الدنيا زي الفل
صاحت بسنت بانفعال وكذب:
-ولا وراك ولا قدامك نزلت دمعة واحده
ثم ابتلعت ريقها ومسحت دموعها وهتفت مسترسلة حديثها:
-اه أحنا اتصالحنا صح..وأنا حامل انتَ بتتكلم صح..وأنا بحبك كمان
قبل حاتم وجنتيها وحاول كبح ضحكته علي تقلباتها حتي لا تغضب عليه وأخذها في أحضانه هاتفًا بحب:
-وأنا بموت في أمك
ابتعدت عنه هاتفة بتلقائية:
-طب خرج امي...
رفع حاتم حاجبيه وتمتم بمرح كعادته:
-هو كل الحب والدعم لطنط رضوي بس هي هتعوزني أخرجها ليه..ده أنا حاتم الصايع اخرج مع الست الكوبره دي
