رمضان كريم💜
متنسوش الفوت والكومنت وأرفعوا الفصل اللي فات💜🙈
_______________
#زيجات_مستحدثة
-الفصل السبعون-
بقلم #fatma_taha_sultan
____________
بجانبك أنت كُلّ الأشياء بغاية التُحفة
حتى أنا...أكاد لا أعرفنيّ .
#مقتبسة
أطل النظرَ بمن تُحب إنك تحيَا
#مقتبسة
____________
كانت 《بسنت》 تقف في المطبخ تقوم بإعداد الطعام...فلم يذهب حاتم إلي العمل...بل ظل جالسًا بجانبها بعد ليلتهما...ظل معها ومع الأولاد..وأتصلت بها والدتها وأخبرتها بأنها في الطريق..فكانت تحضر الطعام لها أيضًا..
أقترب منها 《حاتم》 وهي تقوم بتقليب الطعام واحتضنها مما جعلها تشهق فهي كانت شاردة تمامًا...
فصاحت مؤنبة أياه:
-أبعد يا حاتم...العيال...
قاطعها حاتم في صوتٍ رخيم وخبيث:
-أنتِ اللي نيتك مش مظبوطة دايما يا فلافل يا حلو يا سافل
-أنا برضو وبعدين أحترم نفسك مفيش سافل غيرك.
هز رأسه مؤكدًا حديثه وهو يستند بذقنه عند كتفيها...ثم أردف في نبرة هادئة:
-دي شهادة أعتز بيها وسام علي صدري والله...المهم كان في حاجة عايز أكلمك فيها.
رفعت بسنت حاجبيها متمتمة في دهشة:
-حاجة أيه؟!
غمغم حاتم في نبرة مختنقة:
-آيات...عايز أتصالح مع آيات من ساعة الموضوع ده...وكله رجع يكلمني إلا هي وممكن لو رميت السلام متردش عليا
تنهدت بسنت وأردفت في نبرة هادئة:
-آيات طيبة بس بتفضل معبية شوية لكن بمجرد ما تلاقيني كويسة هترجع تتكلم معاك عادي زي الأول هي كل قلقها عليا مش أكتر.
ثم هتفت في نبرة ذات معني:
-وأبعد عني علشان أنا مبثقش فيك...
أبتعد عنها قليلا ثم هتف في نبرة منزعجة:
-أديني بعدت...ها هتطلعوا معايا النهاردة ولا عجبتك القعدة عند أمك...يعني شكلنا وحش...خصوصا أنا...نصفي أمورنا فوق أحسن.
قاطعته في سخرية وهي مستمرة في تقليب الطعام:
-شكلك أنتَ مش شكلي أنا...لو شايف شكلك وحش أطلع أقعد أنتَ في شقتك.
رفع حاجبيه مغمغمًا:
-بياعة أوي...بس لا أنا مش هتنازل غير أنكم تطلعوا معايا النهاردة.
