أولا يارب الفصل يعجبكم🫂
متنسوش الفوت والكومنت ووصلوا الفصل ل٤٠٠ فوت😂🫂💜
وبكرا هكون متواجده في المعرض لو حد حابب يشوفني أو يقتني الرواية الورقي في غضون الساعة ٢ واللي عايز يعرف مكاني يبقي يتواصل معايا في الرسايل هكون فاتحة الداتا🫂
__________
الفصل التاسع والأربعون من #زيجات_مستحدثة
بقلم #fatma_taha_sultan
__________
اذكروا الله
__________
الوضع الآن يمثل : معنى أن تراقب الأشياء بصمت فظيع دون أن تتفوه بكلمة واحدة حتى وإن سارت بالإتجاه الخاطئ "
#مقتبسة
نظرت لكل الاشياء بنظرة خاطفة،عداك إسترحت بالنظر إليك كمن يستريح بالعودة الى منزله.
#مقتبسة
__________
تعلم أن حديث والدها صحيح..ومعه كل الحق... ولكن هناك ألف شيء يدوى في عقلها..تحدثت وهي تتحجج بهما:
-ماشي بس برضو بسنت وحاتم والبيت....ومحدش رايق لكده..حضرتك بتتكلم في شهر يعتبر أو أقل...مين هيروق لكده؟!
حدثت نفسها بغضب
"هو ليه مقاليش بنفسه ولا سألني مهوا شافني وموصلنا لغايت البيت"
تمتم ناجي بنبرة غامضة:
-سيبك من كل ده دلوقتي... ردي عليا انتِ موافقة علي الراجل أخر كلام؟!...موافقة أنك تتجوزيه بعد امتحانات العيال علطول ولا لا؟!...وله نفضها سيرة...انتِ حرة...لو قولتي لا هتصل بيه اعتذرله وميجيش هو وأخوه..
لم تنزعج هايدي من حديث والدها وحدته...فهي أكثر من الجميع تعلم أنه يتصنع قبوله بشيء ليس حقيقًا...ومُدركة كم الضغط الذي وضعه الجميع به...فأجابته بنبرة هادئة:
- يعني هو يا كده يا كده...مفيش حل وسط؟!!
تتحدث بتوتر بالغ...هي بالفعل شخصية مضطربة بعض الشيء يصعب عليها أتخاذ القرارات...تحديدًا قرار كهذا بعد فشلها السابق...وأيضًا كونه قرار لا يخصها بمفردها...فتمتم ناجي بنبرة ساخرة:
-هو أيه هو الحل الوسط يا باشمهندسة هايدي؟!
أردفت هايدي بخجل وتوتر مُغلفين بشجاعة اكتسبتها لا تدري من أين:
-أنا عايزة أقعد أتكلم معاه لما يجي...المرة اللي فاتت كانت قاعدة عائلية ومتكلمتش معاه أصلا...وأنا من حقي أتكلم معاه الأول...حتي لما قابلته في النادي متكلمناش في حاجة..
