الاقتباس الثاني من #زيجات_مستحدثة
_____________
- لا بقولك أيه .. ده كياني اللي ببني فيه .. ودي خططي من قبل ما اتجوزك وانتَ عارف أن مستقبلي أهم من أي حاجة .. ومش هتنازل عنها ولا هسمح لحاجه تعطلني .. ثم سنة وله خمسة ورانا أيه .. انتَ المفروض تدعمني مش تقلل مني وتشوف مصلحتي فين
هتف مُنصف صارخًا بها فلا تختبره بحبه لها
- اه انا مبدعمكيش يا ستي... خمس سنين كل حياتنا مستقبلك ودراستك اه متفقين بس مكنتش أعرف أن الموضوع هيوصل للقرف اللي بقينا فيه
هتفت مريم باستغراب من ثورانه ولكن صبغت دهشتها بسخرية خرجت من فمها
- والله .. بقيت أنا ورسالتي قرف يا منصف .. ماشي لو خلصت بقا كلام سبني أكمل مذاكرة الأكل في المطبخ انا حطاه في الميكرويف هتلاقيه سخن
نظر لها متعجبَا برودها صارخًا بنبرة حادة
- مش عايز أطفح .. ده الكلام معاكي خسارة .. اشبعي بكيانك ومستقبلك .. بس متلوميش الا نفسك يا مريم..
__________
ناقص اقتباسين 🙈💜
