مساءكم لذيذ قبل السحور بمسي عليكم باقتباس من الرواية اللي هتكون بعد زيجات لو مبدأناش رواية الجيل التاني لزيجات مستحدثة وعشق خالي من الدسم وانصهار قلب...
وياريت ترفعواااااااااااا الفصل اللي فات يا جدعان لسه ٤٠٠ وقولت وصلوه ل ٦٠٠ علشان أنزل الفصل الجديد..
ورايا امتحانات اتقوا الله فيا وفرحوني لازم أصيح عليكم😂😂😂😂😂😂
______________
عايزة أعرف رأيكم فيه نبدأ دي ولا الجيل التاني🤭💜
______________
-أنا جاي أنقط ابن عمي...وكمان مرة أبن عمي...ابن عمي ارجل واحد في المنطقة هو وابوه اللي كلمتهم واحده... عمرها ما تتغير أبدًا مهما حصل..وعمر ما حد منهم قل مع راجل...بقول للعروسة أنتِ أخدتي زينة شباب العيلة والحته كلها...أمك كانت بتدعيلك
كان يقف في وسط الساحة وهو يمسك المايك...بعدما توقفت الأغاني مرة واحدة....رفع يده التي كان يتواجد بها الأموال لتطير في الهواء تحت صمت حل على الجميع..تحديدًا أهل العريس...وهما يعرفوا جيدًا سر العداوة...بينما أهل الفتاة لم يعرف أحد ما يحدث...وبقى بداخل كلا منهم استفهام...
مما جعلها تهتف لزوجها القابع بجانبها وصديقاتها يقفوا علي الجانب الآخر:
-جرا أيه مين ده؟! وبيعمل كده ليه؟!!...هو لسه في حد بيعمل الكلام ده....وأبن عمك ازاي ايه اللي بيقوله ده...أنا مشوفتهوش ساعة الخطوبة ولما جيتوا عندنا؟!!!
توتر وبشدة وهو يجيبها في ارتباك ويدعو من داخله أن تمر الليلة علي خير:
-ده ابن عمي ومشفتهوش لغايت دلوقتي لأننا كنا مقاطعين بعض...وبعدين هو ده أسلوبه...سيبك منه هو خلص النمرة بتاعته وهتلاقيه ماشي
______
أقترب من والده الذي عاتبه في غضبٍ:
-أيه اللي عملته ده كان لازم النمرة دي يعني؟!
صاح ساخطًا:
-مش أنتَ اللي جبرتني أجي وأعمل الواجب....وأحمد ربنا أني مكسرتش الفرح علي دماغه هو وأبوه.
تمتم والده في تهكم:
-لسه منستش هيفضل قلبك جايبلك الكافيه كده...ده اللي أنتَ فالح فيه؟!
أجابه في ذات النبرة التهكمية:
-أه ده اللي أنا فالح فيه زي ما خليتهم يعملوا الفرح وأبنك ممرش عليه السنة...وجبرتنا كلنا نيجي.
-أه وهجبرك كمان لسه علي كتب كتابك يوم الخميس البت خلصت العدة من بدري...ولو مش عايز تجوزها علشان مصالحنا يبقي هتجوزها علشان البت متروحش مننا وتبقي وسطنا....وابقي قول لا وسيبها للغرب بقا يا ابن الحوت.
___________________
