البوست ده مهم لأي حد كان متابع زيجات مستحدثة لأن مؤخرًا بقا بيجي عليها كومنتات كتيرة من نوعية واحده..
أول كومنت: بسنت معندهاش كرامة.....ألخ كلام من نفس النوعية..
أولا بسنت كانت بتجسد شخصية أغلب البنات اللي بتاخد واحد وعارفه أنه بتاع بنات وقبلت بيه علشان بتحبه فكانت بتشيل الشيلة، وكمان أنتي مكنتيش في موقفها علشان تحكمي عليها ولا تعرفي حتى لما شخصية تتحط في الموقف هيكون تصرفها أيه، بالإضافة الرواية كلها متباينة الشخصيات يعني اللي بتعمله مريم أستحالة تفكر فيه هايدي، اللي تقبل بيه بسنت استحالة آيات تسمح بيه كل واحد فيهم كان مختلف عن التاني وده ناقش الموضوع من أكتر من وجهه نظر وكذلك الموقف اللي حصل بين منصف ومريم بعد طلاقهم مش هيقبل بيه حاتم أنه يكمل مع حد كده، لأن حاتم طبعه الشك وأنه ش
مش هيكمل مع واحده عملت معاه كده اللي بيقبل بيه منصف مش زي اللي حاتم بيقبله؛ وتصرفات عبدالله مش زي تصرفات بدر وهكذا كل الشخصيات كانت مختلفة عن بعض.
ثاني كومنت: الرواية ناقصة لأن أنتِ محلتيش مشكلة حاتم وبسنت وفضلوا لغايت أخر الرواية في نزاع ومتناولتيش القضية بشكل كبير...ألخ
أولا الراجل بتاع البنات مش بيتغير لذلك هما من أول فصل لأخر فصل شوية حلوين مع بعض وشوية قالبين على بعض، وده نابع من شخصياتهم ومن أفعال حاتم، ودول أكتر اتنين اتناولت قضيتهم أصلا وجود "مالك" في الرواية هو الحل..
الحل للراجل اللي من نوعية حاتم أن ده يحصل علشان يتكسر ويتلم، بمعنى أوضح حاتم كان ممكن يرجع في اللي هو فيه ومحدش يقولي الحب هيغير ومش هيغير لا في أي وقت كانت نفسه الضعيفة هتغلبه وشيطانه هيوزه؛ وجود مالك أصلا كفيل كل لما يصحى يفكره باللي عمله؛ خصوصا أن الطفل نفسه كان محتاج تأهيل يعني مكنش حاجة سهلة انه ياخد طفل ٧ سنين ويعرفه أنه أبوه، كل ده هيرجعه عن غلطه قبل حبه وقبل أي حاجة تانية
حقيقي شخصية حاتم اللي في خيالي كانت هتبقى أصعب من كده بكتير، أنا حاولت بقدر الإمكان أخلي للشخصية مميزات تانية..
بالإضافة أنه كان طبيعي وجود مالك ميخلهوش يفضح نورهان حاتم الأول كان يعملها عادي جدًا
ثالث كومنت: شادي كان غلطان في حق مايسة في بعض الناس شافت أنه جاراها لما كان محتاج فلوس وخانها...ألخ
طب خانها دي من أفعالها وبرضو أتعاقب أنه اتأخد منه كل حاجة من قايمة وبيته حرفيًا بقى على الأرض...
رابع كومنت: آيات دي دمها سم...الخ
آيات كانت شخصية أنفعالية وكانت لايقة مع بدر لأن بأسلوبه بيعرف يحتوي ده، ووجودهم كان ماهو إلا كابل خفيف بيناقش المشاكل في أول سنة جواز مش اكتر...
خامس كومنت: ناجي مكنش حقاني لما سابه يعمل كده في بنت أخوه
بنت أخوه كانت راضية هيروح يقولها هطلقك منه بالعافية؟!!!!!!!
وبس كده حبيت يكون بوست تصحيح مفاهيم💜
