رواية زيجات مستحدثة -كاملة-

الفصل التاسع والخمسون

#زيجات_مستحدثة
-الفصل التاسع والخمسون-

بقلم
#fatma_taha_sultan

____________

اذكروا الله

______________________

‏إضافةً للجمال، أنتِ حنونة وهذا يُضعف احتمالاتي في النجاة منكِ.
#مقتبسة

____

‏أَعلم أننيّ كارِثة، لكنني كارِثة تهدأ...أَمام عيّناكِ فقط

#مقتبسة

_________________

صراخ عنيف أحتل والده مايسة وألقت عليها أبشع الإهانات...حينما أخبرتها بأن ستتزوج من ذلك المسمي "أحمد"

والذي يُطلق عليه لقب "tiktoker"

هتفت والدتها في نبرة حادة وقد برزت عروقها وتلفت أعصابها من ابنتها ورأسها:
-بدل ما تصالحي جوزك وتعتذري ليه علشان يرجعك بدوري علي راجل تاني...عرفتيه امته وفين أنطقي يا بجحة؟!!!!....لما ست تكون لسه في عدة وبتفكر في راجل تاني الناس تتسمي أيه؟!!!

صرخت مايسة في أنفعال مدافعة عن ذاتها بسبب ثقل إتهام والدتها علي مسمعها:
-والله أنا معملتش حاجة وأنا مش علي ذمته ولا عيب ولا حرام ده واحد عايز يتجوزني..وأنا وافقت أيه هو أنا هقعد أدفن نفسي علشان شادي أفندي طلقني؟!!!..لا أنا ألف راجل يتمناني وهو اللي هيندم...ولو أنطبقت السماء علي الأرض أنا مش هرجع لشادي...جالي الأحسن والأجمل واللي يقدرني بجد...

صرخت والدتها في حسرة:
-أنتِ اللي هتندمي لما كل حاجة تروح منك هدوري علي راجل بيترقص قدام الكاميرا علشان يجيله فلوس...ده الراجل اللي أنتِ هتأمني علي نفسك معاه؟؟؟...ده اللي هتقعدي في بيته؟؟؟؟

تمتمت مايسة في خفوتٍ وملل:
-بلاش الكلام القديم ده يا ماما...ده شاب يقدر يفتح عشر بيوت من الدخل بتاعه.. شغل الموظفين وشغل الكلام اللي أنتِ بتتكلمي عليه ده كان زمان..الراجل هو اللي يقدر يمتع الست اللي معاه ويصرف عليها..غير كده شكليات

أردفت والدتها في غضبٍ:
-فكرتي في أبنك لما تسافري؟؟؟ ولا أنتِ مش شايفة غير نفسك؟!!!!

-أنا مش هسافر دلوقتي بس...أحمد عموما بيسافر كتير ومش هعرف أتنقل بالواد خليه معاكي...أو نديه لابوه ولما أرجع أخده مهوا لازم يشرب شوية...ولا أنا بس اللي هتحمل مسؤوليته....مدام طلقني وعامل نفسه راجل يشرب