اقتباس من الفصول القادمة
بقلم #fatma_taha_sultan
__________
-اه يا ولاد الجزمة..انتم السبب في اللي انا فيه أروح منكم فين؟؟!جبتولي الضغط والسكر وكل الأمراض اللي في الدنيا
قال نبيلة تلك الكلمات وهي علي فراش المستشفي فالاحداث لم تكن هينة، ويحتضنها حاتم الذي هتف بمرح:
-استهدي بالله...يا امي انتِ مريضة ضغط من خمسة وعشرين سنة..
هتفت بوهن ولكن نبرتها لم تخلو من الشراسة:
-اخرس انتَ بالذات.. مجاليش إلا بسببكم..ابوكم فين؟؟!
أجابت عليها هايدي والواقفة أمام الفراش وبجانبها بدر وبسنت:
-في الحسابات يا ماما
رددت نبيلة بسخرية:
- اه يا ولاد الكلب..منكم لله..قاهريني وكاسرين قلبي وفرحتي..كلكم مفيش حد فيكم متربي ورفع رأسي
هتف بدر الذي أقترب منها وقام بتقبيل رأسها هاتفًا بجانب أذنيها:
- وانا روحت فين يا بلبلة..
- ببدلتك انتَ تخرس خالص
قالتها نبيلة ساخرة ليبتعد بدر هاتفًا بمرح:
- طيب يا امي شكرا كفايا..أنا بس ساكت علشان المستشفي والمكان اللي أحنا فيه..
رددت نبيلة بغضب منهما:
- هاتولي جوزي حبيبي..انا مش طيقاكم كلكم
أردفت هايدي بتهكم ومرح رغم ما يعتريها من ذنب:
- يا امي انتِ فوقتي مبقالكيش خمس دقايق ومسحتي بكرامتنا المستشفي..وبعدين جوزك لو سمعك وانتِ بتشتميه هيبهدلنا أحنا برضو عادي
قالت الأخيرة بمرح، ليهتف حاتم وهو يضع قبلة علي جبهتها:
- خلاص أهدي يا ماما بقا علشان صحتك سيبك منهم...
رمقته نبيلة بسخرية هاتفة:
- اه يا حنين..انتَ بالذات تخرس خالص..
هز حاتم رأسه بمرح وموافق علي حديثها لتهتف نبيلة بحسرة:
ليه يا دنيا مستكتره عليا الفرح..ورزقاني بعيال منهم لله كده واجعين قلبي
تمتمت بسنت بهدوء:
- استهدي بالله يا بُلبلة..حمدالله علي سلامتك الأول...
____________
