متنسوش الفوت والكومنت عايزة تفاعل حلو يفتح النفس كده😂😂😂💜💜💜
_______________________________________
الفصل الثلاثون من #زيجات_مستحدثة
بقلم #fatma_taha_sultan
_________
اذكروا الله
_______
هتفت جومانا بنبرة صارخة:
-انتَ أوسخ أنسان أنا قابلته يا محمود
قهقه محمود ساخرًا..ليهتف بحدة:
-من بعض ما عندكم..وله انتِ كنتي مدوبه السجادة وأنا معرفش..يلا أنطقي كده زي الشاطرة...وقوليلي مالك أبن حاتم؟!!!!!...وقسمًا بالله لو ما نطقتي بكرا هكون دابح مالك بنفسي..وانتِ عارفة أني قادر وأعملها....وهفضحك وهلبسك قضية أداب بالمرة
هبطت دموعها رغمًا عنها ليترك يدها جاذبًا أياها من خصلاتها هاتفًا بتحذير:
-أخر مرة يا جومانا...مالك أبن حاتم وله ابن مين..ولو كدبتي عليا يا جومانا هوريكي السواد ألوان....انطقي
تمتمت جومانا خوفًا علي مالك..فهي تعلم جنون محمود فمن الممكن ان يفعل به شيء:
-ابن حاتم....
تهللت أساريره رغم ذلك هتف وهو يزيد من جذب خصلاتها لتتأوه ألمًا:
-ابن حاتم بجد وله بتسعبطي عليا... متأكدة من اللي بتقوليه؟؟؟
تمتمت جومانا ودموعها تأخذ مجراها هاتفه:
-والله العظيم أبن حاتم أنا محدش الفترة دي كان بيقرب مني غيره..حتي انتَ مكنتش بشوفك...
تركها محمود لتسقط أرضًا باكية..هتف محمود باستغراب شديد فذلك توقعه من طريقتها ولكن لما صمتت كل ذلك؟!
-وانتِ مقولتيش ليه من الاول ليا وعماله تقرطسيني وتهددي فيا..وله مقولتيش ليه لسبع البورمبة حاتم نفسه
أردفت جومانا بتفسير وألم شديد:
-أنا حامل من قبل ما يتجوز بشهر كان أخر مرة يجيلي فيها..ساعتها كنت حاسه اني حبيته...وقولتله مدام مش بيحبها وأبوه اللي مختارها..يسيبها ولسه في فرصة ونتجوز أنا وهو..ساعتها قالي كلام جرحني بيه..رغم أنه زيي زيه..
ابتلعت ريقها بألم مستكملة حديثها والغصة في حلقها:
-قالي عمره ما هيربط اسمه بأسم واحده زيي سلمت نفسها لحد غيره وقبله وكنت مقضياها معاه..حتي لو هو أبليس مش هيستأمني علي شرفه..وقالي أنها هتكون اخر مرة ما بينا وشبه اتخانقنا وقولتله انا كده كده هسافر.....
تمتم محمود وهو ينتظر التكملة:
-وبعدين؟!!
تنهدت جومانا وهي تسرد له ما حدث:
- ساعتها مكنش معايا فلوس فأجبرت استني شوية لغايت ما اختي تبعتلي فلوس من برا..وقعدت شهر في مصر يوم ما بعتلي الفلوس وكان بعد فرحه بكام يوم اكتشفت أني حامل...وساعتها انتَ كنت مسافر لقرايبك في الفيوم انتَ وهايدي علشان فرح قريبك...حاولت أنزله..عملت محاولات كتير وفشلت..ومعرفتش اروح لدكتورة كنت خايفة اروح لوحدي ولا عارفة أحكي لحد حاجة..
