الفصل السابع والعشرون من #زيجات_مستحدثة
بقلم #fatma_taha_sultan
____________
اذكروا الله
____________
-تقدري تستريحي..انا للأسف ورايا كشوفات كتيرة زي ما انتِ شايفة..فمش قبل ساعة ونص عقبال ما أفضي شوية ..لو الموضوع مش مهم ممكن تروحي لأن هتستني كتير
انزعجت نهي من طريقته..فهي لم تفعل شيء لكل ذلك..فهي من حقها الا تربي طفل ليس طفلها وليس لديه صلة بالرجل التي ستتزوجه..فكل طلبها منه ان تعتني أمه بالطفلان..لرُبما أخطأت في الطريقة وقتها وكانت فظة في حديثها ولكنها تري أنها علي حق..
لم يمهلها فرصة للحديث..هاتفًا وهو يوجه حديثه لهايدي مشيرًا ألي الغرفة ويعطي حقيبته لذلك الشاب ليضعها في الحجرة:
-اتفضلي يا مدام هايدي...
تنهدت هايدي بارتياح فهي كانت تتابع حديثهم الذي أثار فضولها بشكل كبير...ولكنها شعرت بنظرات نهي الغاضبة نحوها ونحو الجميع حتي أنها توترت منها وكأنها تخترقها بنظراتها...
ولكنها استجابت لامره رغم ذلك متجاهلة أياها...دخلت معه لتجلس علي المقعد المقابل له..كاد أن يتحدث لولا كلماتها التي تفوهت بها:
-انا اسفة لو ازعجتك او جيت مرة واحده يعني بس..
لاحظ احراجها والذي حاول أن يخففه بلطف شديد أول مرة تلتمسه منه مقاطعًا مبرراتها:
-مفيش ازعاج ولا حاجة..تنوري في أي وقت
ابتسمت بهدوء وحاولت أن تبدأ في الموضوع التي أتت من أجله:
-طيب علشان مطولش علي حضرتك..انا جيت بخصوص وليد..بعد الموقف اللي حصل في المستشفي مع باباه..وهو شبه مش بيكلمنا في البيت حتي انا الكلام علي قد السؤال..خصوصا ان كان أقرب حد ليه بدر أخويا وهما الاتنين مبيكلموش بعض من ساعتها..مش سهل عليا اجي اكلمك في موضوع زي ده..بس يمكن لانك أقرب حد لوليد
تنهدت هايدي ثم ابتلعت ريقها وعادت تسترسل حديثها ولا تدري من أين أتت بجراءتها تلك كما تسميها:
-يعني الفترة اللي فاتت وليد مكنش ليه سيرة غير يونس وحضرتك...فأنا طالبه منك الخدمة دي وهو أنك تتكلم مع وليد شوية
أدرك عبدالله حساسية الامر..والصعوبة التي تقع علي عاتق هايدي بسبب تحدثها في الأمر..رُبما لم يراها كثيرًا ولكنه علي الاقل استنتج بالرغم من ذلك كبريائها..غرورها وعزة نفسها الكبيرة...وحاول تخمين صعوبة أتيانها الي هنا...وكيف اتخذت القرار..فهل هي تثق به لتلك الدرجة التي تجعلها تأتي وتطلب منه هذا الطلب؟؟
تنهد عبدالله وأخذ نفس عميق ثم هتف بهدوء:
-انا بعتبر وليد زي ابني واكيد مش هتأخر عليه..بس ياريت تفصلوا كلام عن والده..طول ما انتم بتتكلموا عليه قصاده هو مش هيتقبل كلام منكم..حتي لو أبوه شيطان..هو أبوه ودي حقيقة مش هتتغير العمر كله..
