الفصل الثالث من #زيجات_مستحدثة
بقلم #fatma_taha_sultan
__________
اذكروا الله
_________
أرجوك، لاتتوقع مني أن أكون دوما
جيدا وطيبا ومحبا، هنالك أيام سأكون فيها باردا، شارد الذهن، صعب الفهم.
_سيلڤيا بلاث_
_____
أغلقت معها لتتحدث مع حاتم الواقف أمامها..هاتفة بنبرة عذبة ومدللة:
- ياه مراتك دي زنانه اوي.
علق حاتم ساخرًا منها وهو يضرب بيده الباب:
- معلش أصلك الحيطة المايلة اللي بترمي فيها مشاكلها وقرف يومها..اعتبري نفسك باسكت الزبالة يا نورهان.
قالها بسخرية ثم هتف بأعين جاحظة وهو يضرب بكف يده على الباب مرة أخري حتي أنها تجاهلت أهانته فقد جعلها تشعر بالفرحة لرؤيته:
- يلا اطلعي بشنطة الميكب مش ههاتي مع أمك كتير..انا ورايا شغل يا ماما.
هتفت نورهان وهي تعقد ساعديها بانزعاج فمتي سيشعر بها؟!! منذ سنوات وهي تعشقه واظهرت ذلك أكثر من مرة ولكنه لم يفعل شيء تجاهها:
- مش هطلع بحاجة، صاحبتي ادتهوملي لو كانت عايزة حاجتها كانت طلبتهم بنفسها.
ثم عادت تسترسل حديثها مرة أخري:
- ثم انا عايزة أفهم عامل نفسك زوج مخلص لمراتك أوي معايا انا بس ليه ما انتَ خاينها مع امه لا اله الا الله وكل يوم بتقفشك مع واحده..اشمعنا انا توبت يعني !
هتف حاتم بسخرية لاذعة وهو يزم شفتيه بسخرية:
- متقليش من نفسك للدرجاتي.. ايه غلي نفسك شوية ثم انتِ مش على هوايا.. عندي مبدأ اخون مراتي اه مع صاحبتها لا خليكي في نفسك واطلعي بالميكب بالذوق.
صمت لثواني معدوده ثم هتف بسخرية وغضب:
- دي حاجات لمراتي مش علشان تاخديها وتحرجيها..ادهملك انتِ ليه هتدهني وشك صدقة جارية بيهم هاخد ثواب مثلا؟!!!.
هتفت بسخرية شديدة ومقط فهو يقلل منها من أجل حبها والحال أنه يعلم كل شيء، فأجابته بوقاحه:
-قولت مش هدهملك انا ختهم من صاحبتي مش منك اذا كان عاجبك.
- هاتي حاجتي يا نورهان احسنلك بدل ما اوريها رسايل الواتس اب بتاع المحل اللي بتحاولي تجري رجلي بيها..
قهقهت بسخرية وهي تقف أمامه عند باب الشقة:
- يا سلام وهي هتصدقك..ولو صدقتك مدام انتَ حمقي كده...مقولتش ليه من الاول ليها.
