رأيكم وتوقعاتكم 💜🫂
وياريت تفاعل حلو كده دلعوني علي الفصل ده واللي قبليه😂😂💜
_____________
#زيجات_مستحدثة
-الفصل السابع والخمسون-
بقلم #fatma_taha_sultan
_____________
اذكروا الله
_____________
انكسرتُ كقطعةِ ماسٍ، فلم يَبقَ مَنّي سوى ضوء.
-محمود درويش-
_____________
بعد مرور عدة أيام..
-تصدق الواد يحيى صعب عليا أوي بقي يتيم الأم والأب...أنا مكنتش بتعامل معاه بس حبيته من كلام رضوي عنه رجولته واحترامه..وكلامك عنه...حقيقي واجع قلبي أوي
كانت تبكي وهي تتحدث...فألالم صعب فهي شعرت به من قبل عند وفاة والدها ووالدتها...فهي تقدر ما يشعر به..والآن تخاف علي أطفالها...كلا أعمارهم لا يتناسبها كلمة أطفال...ولكنهم في عينها مازالوا صغار..وتريد الاطمئنان عليهم قبل أن يأتي أجلها..
أجابها ناجي بخفوت ونبرة غامضة:
-ده حال الدنيا وأكيد أنا مش هسيبه...صحيح محدش بيعوض حد عن الأب والأم بس هحاول أعمل اللي ربنا يقدرني عليه...أنا عايزك تكلمي رضوي..وتقوليلها تسرع في جوازة الواد يعني شهرين تلاتة ويتجوز ميتسابش أكتر من كده
أشتعلت نبيلة من حديثه وصاحت بانفعال وعاطفة يشوبها التهور:
-والله يعني أيه يتجوز بعد شهرين أو تلاتة دي...لازم أمه تتم سنة علي الأقل...ده يبقي مترباش ساعتها..وينزل من نظري
رمقتها ناجي بنظرات ساخرة فمازالت زوجته عاطفية ولا تفكر ولو لثواني...
بينما هو يري الأمور بعقله فأردف:
-الواحد لو عمل اللي يريحه ويبطل يفكر في كلام الناس هيرتاح...مين اللي شرع أن الواحد لازم يستني سنة...يعني لو السنة خلصت زعله علي أمه هينتهي؟ ده لغايت ما يموت هيفضل الموضوع واجعه.
-ماشي بس برضو مش بالسرعة دي يا ناجي...هو هيجيله نفس يتجوز أصلا؟!
كانت نبيلة مازالت غاضبة...
فأسترسل ناجي حديثه بنبرة عذبة وهادئة:
-من رحمة ربنا علينا متاهات الدنيا هي اللي بتهون علينا الوجع شوية بس مش بتمحيه...وأنا أكيد مش جاحد..بس أنا عندي شاب وحيد ولا أب ولا أم ولا أخ ولا أخت...الجواز هو اللي هيلهيه هيلاقي واحدة تهتم بيه حد يونسه..حد ياكل معاه تفاصيل كتيره هتفرف معاه ده في حالته مينفعش يستني...
