تفاعل يا بنات بجد الريتش واقع خالص هو انتم رجعتوا تناموا تاني 🤡😂
متنسوش الفوت والكومنت 💜😚
__________
الفصل السابع والأربعون من #زيجات_مستحدثة
بقلم #fatma_taha_sultan_____________
اذكروا الله
____________إنكَ تتكاثر بي بشكل مُفزع، إنكَ واضح على وجهي ، على صوتي وعلى يدي ، أنا مُلطخـةٌ بكَ .. !
#مقتبسه
________
-أنا رايح الشغل...تليفونك هتاخديه بالذوق هتكلمي أمك...ولا أيه النظام بس علشان أبقي عامل حسابي...لولا أن مشغول والله أنا ما كنت سيبتك لأنك مش مضمونة وهتخربي البيت...بدماغك دي...كلماته الساخرة والحانقة أثارت حنقها وغضبها بشكل غير طبيعي...فصاحت آيات وهي تلوح بيدها في الهواء بانفعال:
-يعني أنا اللي كلامي هيخرب البيت...وأخوك هو اللي هيعمره...سبحان الله بجد...صاح هو الآخر بغضب بسبب نبرتها المرتفعة:
-حسك ميعلاش يا آيات أنا علي أخري...ومش حمل مناهدة وقرف في حاجة متخصناش...أحنا زينا زي الغُرب هنتفرج...ولا لينا دعوة بأي نيلة...رددت آيات بانفعال محاولة أن تخفض صوتها بقدر الأمكان...ولكنها غاضبة بشكل لا يُعقل:
-قرف..بقيت قرف...ماشي يا بدر براحتك...أصل هو أخوك ولازم تحامي ليه...وأنا محاميش عن أختي....وتسحب مني الموبايل...وتعاملني كأني عيلة حالف عليا ما أخرج وأتكلم مع أختي من أمبارح...وواخد الموبايل مني...أصل هو لو قلبنا الوضع...وبسنت مكان حاتم كان زمانكم قتلتوها....
ضرب بدر كف علي كف صائحًا:
-معلش هنقتلها أه علشان الشرع محللها واحد بس..ربنا يعينك علي دماغك...علشان أنا صبري نفذ....أنا فيا اللي مكفيني...مش معني أني مش محسسك باللي بمر بيه في شغلي...ولا عمري شيلتك هم...وباجي اضحك في وشك وأهزر...أني كويس...
ابتلع ريقه ثم أسترسل حديثه بحده فهو لا يتحدث عن عمله معها ويحاول الفصل بينه وبين المنزل والمرح معها ولكن ذلك الضغط والمشاحنات لا يتحملها مع القضية الذي يمر بها:
-أنا مطحون في قضية بقالي شهر وشوية مطلعة عين اللي جابوني....بقعد بالايام بايت برا مبنامش ولو ساعة...وباجي مطبق باليومين وبالتلاتة أناملي شوية وأصحي ولا كأن في حاجة...بس خلاص حسي أنا مش هتحمل...كلامك اللي زي السم وانتِ مش مستوعبة أنك بتضغطي عليا ازاي...في حاجة مليش ذنب فيها
