رواية زيجات مستحدثة -كاملة-

الفصل الخامس عشر

وحشتوني💜💜
____

متنسوش الفوت وكومنت برأيكم لأن الأحداث الجاية هتبقي نار😂💜

___

الفصل الخامس عشر من #زيجات_مستحدثة
بقلم #fatma_taha_sultan
_________

اذكروا الله
_________

‏المشاعرُ المكتومة لا تموت أبدًا، إنها مدفونةٌ وهي على قيد الحياةِ وستظهرُ لاحقا بطرقٍ بشِعة.

- سيغموند فرويد

__________

تحتاج أنفسنا للبوح ولكن لا نجد صديق يسمعنا، وحتي ان وجدنا نخاف من الإفصاح وأحيانا قد نجد في الكتمان راحة...

وسيظل المأزق في الحيرة ما بين رغبتنا في البوح  وخوفنا منه والانتظار أن يفهمنا أحد دون أن نكشف عما نشعر به..

وسنظل نشعر بالخوف والرهبة من الاعتراف عما يتواجد في قلوبنا خوفًا من أن يصبح يومًا نقطة ضعفنا..

#fatma_taha_sultan
________

-قولت أيه يا عم ناجي..انا مرضتش والله اجيلكم مرة واحدة البيت كده..قولت لازم اخذ الأذن الأول وعلشان كمان محدش يتخانق معايا من عندك قصاد وليد علشان نفسيته

كان يتحدث محمود بتلك الكلمات، وهو يجلس في مكتب المحاماة التابع لناجي، فهتف ناجي بنبرة جامدة خالية من التعبير:
-والله احنا مش مستنينك تقولنا نحافظ علي نفسية وليد ازاي يا محمود وانتَ سيد العارفين بده

رمقه محمود بنظرة حاول جعلها هادئة ويخفي حقده وكرهه له هاتفًا بنبرة زيف بها المرح:
-انتَ هتقولي يا عم ناجي اللي يدخل بيتك كأنه عايش في الجنة..هاجي يوم الجمعة مناسب معاكم؟!!

- ماشي..هقول لوليد أنك جاي يوم الجمعة

قالها ناجي بنبرة هادئة ليدخل أحد الشباب الذي يعملوا في مكتبه ليريه أحد الملفات وأنسحب محمود بعد دقائق قليلة...وهو يستعد للذهاب لابنه يوم الجمعة
______

-ايوة يا أحمد..اه جبت الشقة خلاص ودفعت نص الفلوس والباقي الراجل هيروح معايا الشهر العقاري لما نسجلها هديله الباقي..

"......"

-ايوة بس انا عايز محامي انا علي الله حكايتي في المواضيع اللي زي دي..وكمان يشوفلي إجراءات فتح العيادة من الاول للآخر التراخيص والكلام ده كله مش عايز أعك في اي حاجة...ولا حاجة تعطلني