Love Under Siege

LUS 7

⚠️ U N E D I T E D ⚠️

🤍🤍🤍🤍🤍🤍

Love Under Siege

"Mountain People"

🤍🤍🤍🤍🤍🤍

IKATLONG araw, alas sais ng umaga, Cebu. Nakaupo siya sa veranda ng isang bed and breakfast na malapit sa pier uno. Hindi ito kagandahan at hindi rin mamahalin, maliit lang ito, pero malapit naman sa pier na kung saan sila pwedeng mag-exit ng Cebu.

Napagkasunduan nilang nagkikita dito magpe-ferry boat na lang silang anim papunta ng Tagbilaran City. Ayon kay Mike, nakapagpa-reserve daw ito ng tatlong villa para sa kanilang anim at kung saan man yun ay hindi pa niya alam.

Nakuha na rin niya ang coordinate ng pupuntahan nilang isla mula sa email na ipinadala sa kanila. Tama nga yung ipinakita niya kay Sage nung pagdating niya.

Gaus Island - Latitude 10.1915° or 10° 11' 29.3" north; Longitude 124.5638° or 124° 33' 49.8" east; Elevation 5 metres (16 feet).

May mga pinauna nang mga tauhan doon si Marquez para sa gagawing surveillance ng lugar at subject. Bago pa nila magawa yun, kailangan munang mai-survey ang buong lugar.

Kailangan nilang malaman kung paano silang makakalabas, kung ano ang magiging ruta kung sakaling magkaipitan man may daan sila para makaalis ng lugar.

Si Yaari and Tolentino ang pinaka magaling sa intel, tracking, global positioning, coordinates, hacking and sponging identities kaya ito ang mamumuno sa iba nilang tauhan.

Kapag ganitong bago ang lugar, lahat ng tauhan na nakatalaga sa kanila ay may kani-kanyang gawain ayon sa kung kanino mapasama ang mga ito.

Hindi na rin kailangan pang pagsabihan o utusan pa ang mga ito dahil kilala ng mga ito kung paano sila kumilos at kung ano ang protocol ng Alpha Dragon Team.

Hindi naman mahirap na magbigay ng instructions sa mga ito kasi halos pare-parehong tao ang ibinibigay sa kanila kasi alam na kung paano sila kumilos at may taunang background check ang mga ito.

May idea na rin naman si Leland tungkol sa layout ng lugar, kailangan lang nilang makipag-coordinate sa Philippine Navy for transporting the extracted elements or subjects if needed. Para na rin sa kaligtasan ng lahat kung sakaling magkagulo.

Napag-alaman kasi niya na may kahirapan ang kasong ito dahil hindi ito pwedeng sa baranggay lang pag-usapan.

Malaking halaga ng pera ang sangkot sa kasong ito at ayon sa initial intel na ipinadala sa kanya ni Tolentino, handang makipagpatayan ang ang umaaring partido kaya walang nagawa ang ngayong may-aring partido ku di humingi ng tulong.

"Basta may perang sangkot, may buhay na mababawas." Pagkausap niya sa sarili.

Pinag-aaralan niya ang kabuuan ng isla sa mapa ng malapitan gamit ang kanyang smart eyeglass na naka-connect sa laptop niya. Nagagawa niyang makita ang lahat mula sa email hanggang sa importanteng impormasyon kung sakaling wala ang laptop niya o hindi accessible sa kanya.

Siniguro ni Benedicto na lahat ng mga gadget nila ay magkakakonekta, kung sakaling kailangan nila ang bawat isa kahit malalayo sila sa isa't isa, lalong-lalo na sa mga panahong distress ang isa sa kanila katulad ng nangyari sa Pakistan nitong nakaraang taon.