رواية أحبيني بلا عقد للكاتبة أديم الراشد ..

البارت الثاني من رواية أحبيني بلا عقد للكاتبة أديم الراشد

ـ
#البارت_الثاني👇💙

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
وقف سلطان بأسى : يبه انت تعرف تميم زييين مستحيل احصل عنه شي ولو حصلت مستحيل يجي وغير هذا انت تدري مايبي يسمع عنا شي اتركه يعيش براحته
ابو سلطان: انت اخر واحد يفتي ويتكلم انت هنا تنفذ اللي اقوله وغيره لا تناقشني تفضل من هنا
طلع سلطان وهو معصب وقرفان من حياته اللي اشبهه بحياة العبيييد ركب سيارته وهو مايبي يدور على تميم يبيه يعيش حياته بكيفه ولا احد يسيطر عليه •••€
عند ضي اللي كانت جالسه هي وشوق ( صاحبتها بنص الجامعه)
ضي :اقولك ي شووووق ما اعرف عنه شي وسعود مايبي يتكلم عنه ما ادري ليه وراه مصاااايب
شوق: وانتي وش تبين فيه ي ملقوفه
ضي: قاهرني تصرفاته تقهر يعني مستوعبه ان شخص طبيعي ماعنده اي شغله جالس قبال الباب وطول الوقت سرحان او انه كل صباح يجنع البزارين يوديهم المدارس وغير هذا البزراين 24 ساعه في بيته يعني مدري وش اقول هو ماشاء الله وسيم واحس شخصيته مو كذا بس مغلوب علييه مفسي اروح واقول وش فيييييييييييييك بصريح العباره
شوق : والله اشغلتيني ما عرفت صراحه وش اقول طيب يمكن مايبي يجتك بالناس
ضي: لا لا مو كذا في مصيبه وبعرفها ان شاء الله
شوق: بنت انتبهي وربي يحصلك سعود يغسل شراعك
ضي : لا تخافييين انتي وقومي روحي خذي لنا شي ناكله
قامت شوق وظلت ضي تفكر بأي طريقه تكشف فيه المصيبه ••••€
فالمطعم عند تميم وسعود وخالد كانوا جالسين وتميم مستند على الطاوله بهدوء وخالد كعادته يهذر ويسولف اما سعود كان مسمتع واحيان يسولف لف خالد لتميم : يلا اطلبوا
تميم : والله مالي نفس
خالد: اسألك شي انت كيف عشت هالمده كلها !!
تميم وسعود :لييييش؟؟؟!
خالد: قلنا اشرب قلت مالي نفس قلنا اكل قلت مالي نفس قلنا نقنق قلت مالي نفس ولا ما احبه شلون عايش سؤال
تميم قرب وهو يأشر بعيونه على الشمس : على طاقه الشمسيه هههههههههه
سعود : ههههههههههههههه قول كذا بنصدق والله
خالد : تطقطق انت وجهك اسمع بس تمسك المنيو وتطلب زي الاوادم اليوم بذات ابيك تنفجر طيييب والا
تميم : والا
خالد بنعومه وهو يمزح: اترك لك البيت واروح لاهلي هههههههههههههههههه
انفجر تميم يضحك وهو يبوس يده :لا دخيلك انا مقدر بدونك
سعود: مالللت عليكم كلكم اخلصو اطلبوا مانبي نتاخر
لفو يطلبون وهم يضضحكون وخالد سعيد انه قادر يضحك تميم •••€
في مكان ثاني في بيت ساميه طلت وهي تسمع صراخ نجوى وراكان وهواشهم : خييييير وش فيكم وش صاير
نجوى: يمه قولي لولدك يترك اغراضي
ساميه. راكان وش تبي بأغراضها اتركها
راكان : بناظرها يمه مابسوي شي
نجوى سحبتها بعصبيه: معليش  هاذي هدية خالي تميم مابي افرط فيها
سكتت ساميه بحزن وهي منزله راسها :راكان اترك اختك واطلع من هنا مالي خلقكم
حس راكان بضيق امه وطلع وهو وده يعرف ليش خاله راح ومايدرون عنه: يمه ليش خالي تميم راح وش السبب اللي خلاه يقطعكم
ساميه لفت بضيق: مو وقت اسألتك اطلع روح لجامعتك يلا
راكان: ما بروح لما اعرف خالي ليش راح
لفت ساميه بعصبيه: قلت لك مو شغلك واطلع
جات رويده من وراهم: يمه ترا احنا نسأل عشان نحبه وفاقدينه
ساميه توترت ووقفت: اطلعوا لدواماتكم وانتم ساكتين
راحت وتركتهم لف راكان على نجوى: نجوى تعرفين السبب
نجوى اخذت شنطتها :لا
انسحبت وهي بعد ضايقه مشتاقه لخالها تميم وخصوصا انها كانت قريبه من غمضت عيونها لما تذكرت اللي صار تنهدت بضيق وهي كل شي ينعاد عليها قطع عليها اتصال تولين ردت بهدوء : اهلين تولين
تولين : هلابك وينك
نجوى: جايه الجامعه ! وش في صوتك
تولين :كلمت تميم
شهقت نجوى: من جدد كيف !ومتى ! وش قال ! وكيف جبتي رقمه ٍتولين : تعالي الجامعه واقولك
نجوى: يلا
سكرت وهي فرحانه وخايفه بنفس الوقت قالت لسواق ييسرع وهي متحمسه وبعد عناء وصلت الجامعه وهي حماسها مو طبيعي دخلت وهي حتى مارتبت شكلها ركضت تدور على تولين واول ماشافتها ركضت لها: تولين
تولين رفعت راسها وهي تمسح دموعها :تعالي
جلست نجوى بشغف وابتدت تولين تحكي اللي صار وخابت ظنون نجوى وارتخت: خساره ي ليت قدرنا نسوي شي هذيك الايام
تولين : المشكله انه معمم الخطاء على الكل وزعلان مره
نجوى: وتلومينه اللي صار مو شوي ولله
تنهدت تولين بتعب : المشكله ابوي مصر على صحة موقفه وجالس يدور على تميم
نجوى: الله يهدي جدي
تولين: كله من سميه حسبي الله عليها
نجوى: استغفرلله اسمعي طيب خلينا نرجع نتصل يمكن يحن
تولين: ما توقع
نجوى:معليش نجرب
سحبت تولين الجوال ورجعت تتصل ورد تميم لكن ليته مارد قال كلمه هزتهم كلهم ( لو سمحتي لا تتصلين فيني انا مالي اهل !)
نزلت جوال تولين وهي مصدومه حطت يدها على راسها وهي تبكي ندمت نجوى انها خلتها تتصل وقطع عليهم سميه : وش فيييكم
رفعت راسها تولين بعصبيه :ابعدي من هنا احسن لك
سميه :نعم!! تولين : ما يخصك وش فيني وابعدي لا افضحك الحين

نجوى: ههدو ي جماعه وش فيكم خلاااص
وقفت تولين وهي تجمع اغراضها وراحت وهي باقي تبكي وقفت نجوى وراحت هي بعد ورجعت سميه لمكتبها بقهر ••••€
عند تميم  اللي رمى جواله بعصبيه على المكتب وطلع وهو كارهه كل لحظه يتذكر فيها اهله واللي صار سواء كان لهم ذنب او لا واجهه سعود اللي بيده اوراق كان بيستشيره فيها لكن ما عطاه تميم اي فرصه وانسحب وهو متجاهل نداء سعود ركب سيارته وغمض وهو يشد شعره
ركب سيارته وغمض وهو يشد شعرررره رجع بتفكيييره قبل 5 سنين ايييه قبل 5 سنين والموقف لللي غير كل شي في حياته كان راجع لبيت ابوه وهو مبسوط لانه بيقابل الانسانه اللي عشقها من كل قلبه منتظر يخلص دوامه بفارغ الصبر صعد الدرج بحماسه المعتاد لكن وقف لما ناداه سلطان : تميم
لف تميم ببتسامه: امرني
سلطان بتوتر: هند بالمستشفى !! جمدت ملامح تميم برعب ونزل بسرعه: وش تقول انت ليه بالمستشفى وش صار لها فيها شي تكلم
تميم اللي كان غايب عن البيت يوم كامل عشان عنده شغل كثيف ولا يدري بالي صاير
سلطان : طاحت واديناها
شد تميم بقوه على يده: وش صار لها
طول سكوت سلطان وصحى تميم من ذكراه السيئه على صوت البوري اللي ازعجه ناظر المرايه بضيق وطلع وهو يحوس بالقصيم ولا يدري وين يروح ••••€ اما سعود اللي رجع بضيق وهو مايبي يتدخل بأمور تميم لكن مايصير هالوضع جلس وهو يستناه يرجع يبي يكلمه لكن دقت رساله نسته همه ( سعود وينك اليوم ! )
ابتسم وهو يرد ( موجود ي عيون سعود لكن انشغلت شوي ، كيفك انتي ) ...( ماشي حالي )
سعود ( كيف يعني ماشي حالك صار شي!!) ...( لا بس زهقانه كذا ، مابتجي لرياض قريب )
سعود ( ما اتوقع يعني هالفتره شوي مضغوط ) ...( زين ابخليك الحييين المهم انتبه لنفسك )
سعود ( زيين وبحاول اني اجي هالويكند) ...( زيين انتظرك )
سكر سعود وهو مبتسم رجعة به الذاكره لقبل سنتين كان بالرياض جمعته الصدفه بالانسانه اللي صارت روحه كانت مريضه عنده  وتعلق فيها من اول ماشافها واصر الا انها تكون حبيبته وزوجته المستقبليه وتعب لما حصل عليها وكانت رافضه انها تتواصل معاه لكن بعد تعب كانت بس تراسله ولا بينهم شي ثاني
••••€
عند سلطان اللي اتصل على احد الحراس وهو يطلبه انه يدور على عنوان تميم او وظيفته او شي يخصه نزل جوال بضيق وهو مايبي يضر تميم اكثر من كذا قطع عليه اتصال زوجته اللي كالعاده سوالفها عن فلانه وعلنتانه بالقوه سكر منها وهو يتهند بضيق:الله يسامحك يبه وين وطرتني بالحياه
رفع جواله لما شاف اخته ساميه تدق:هلا ام راكان
ساميه : كيفك ي سلطان
سلطان: تمام انتي وش اخبارك واخبار عيالك
ساميه : الحمدلله .. سلطان بسألك !؟
سلطان: امري
ساميه بتردد : ما تعرف شي عن تميم
سلطان سكت : ليش وش صار
ساميه بحزن: مدري ي سلطان ضايق قلبي علييه حلمت امس فيه حلم مو زين خايفهه عليه يصير فيه شي تكفى ي سلطان دور عليييه تكفى
سلطان بحزن: ي ساميه تعوذي من ابليس ان شاء للله مافيه الا العافيه وانا اصلا جالس ادور عليه وان شاء الله انه بخيير
ساميه: دخيلك اذا عرفت شي قولي
سلطان : زين زين

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
#رواية_أحبيني_بلا_عٌقد

لاتنسوا طرح تعليقكم والتصويت للرواية ..
تعليقكم واضغط ع النجمة للتصويت