رواية أحبيني بلا عقد للكاتبة أديم الراشد ..

البارت الثاني والعشرون من رواية أحبيني بلا عقد للكاتبة أديم الراشد

ـ
*. #البارت_ثاني_وعشرون👇💙*

عند نجوى اللي كانت جالسه بخوف وتراقب الباب وهي ما تدريوش صار على الرجال تنهدت وهي تشوف راكان اللي جالس ويتحلطم شدت راسها بضيق: بس خلاااص ماصارت وش دراني عنه وبعدين محد قاله يستغبي ويدق الباب وهو يدري فيه ضيوف
راكان: ماشاء الله هذاك قلتي ضيوف مسرع صرتي صاحبه بيت وتفتحين الباب
نجوى: قلت احسب خالي رجع
راكان : المشكله ان البيت بيته وانتي قاططه بكل سلاسه
ابو راكان : راكانوه ابلع لسانك خلااص اللي صار صار
سكتوا على فتحت الباب وكان تميم: تأخرت عليكم
راكان بنرفزه: محد حس اصلا بالوقت تاخرت ولا جيت بدري
نجوى: خلاااص عاد عطيتك وجهه ترا مسوي النزيه اللي ما تغلط
تميم : اوف اوف وش صار وش ذا التتش !
ابو راكان : ي تميم والله اسفين على اللي صار ماكان بقصد نجوى
تميم قطب حواجبه وهو يشوف نجوى اللي بكت : خير وش صار
راكان : هالاخت كسرت اصبع خالد
تنح تميم : هااااه وشو وش جاب خالد لنجوى عشان تكسر اصبعه
ابو راكان : راكان اقسم بالله لو قمت ما يصير طيب
نجوى وهي تشهق : ما كان قصدي دق الباب على بالي انت ناسي شي لانه جاء بعدك على طول وتوني فتحت الباب وانخرعت ومدري كيف صار اصبعه بالباب صفقت الباب عليييه وانكسر
اتسعت عيون تميم بصدمه : اوووه وش ذا الاكشن من اللحظه الاولى
ابو راكان : بالله تعذر لنا منه
تميم ابتسم لنجوى وهو يحوط كتفها بيده : بس بس لا تبكين ماعليع متعود هو اصلا كل يومين منكسر فيه شي تعوذي من ابليس انا ادق عليهم اشوف وش صار
سحب جواله تميم ودق على خالد اللي رد وهو يصارخ: عسسسسسساك ي تميم بالكسر قول امين
ضحك تميم : وش فيييك وش صار
سعود سحب الجوال وهو يضحك: تميم اخذتوا فيني ذنب مابقى لي شعر كله نتفه
تميم :ههههههه وش صار معه
سعود : زي ما توقعت انكسر اصبعه وهذا هم يشتغلون عليه طبعا ما يحتاج اقولك اللي سواه
تميم :ههههههههههههههههههههههه ما عليه ماعليه تكفير ذنوب المهم خذه ينام عندك عندي ضيوف
سعود : من عندك انت
تميم : عيال اختي وابوهم
سعود : هاه
تميم حس بصدمه سعود : يلا موفقين
سكر ولف وهو يقول : بسيطه بسيطه
راكان : استانستي
تميم بحده : انت وش فيييك هاه وش صار يعني بس عاد
اخذ تميم نجوى وراحوا يحضرون الاكل ومر الوقت بهدوء وهم يتعشون وبعدها راح كل واحد ينام الا تميم اللي مو عارف ينام رغم تعبه جلس وهو يفكر بضي وهند والوليد وحياته اللي كل يوم تفاجأه بشي غريب
اما نجوى اللي من فرحتها بتميم ما قدرت تنام طلعت تبي تجلس وهي خايفه ان خالد يطلع لها بعد شافت تميم جالس بالصاله قبال الشباك قربت بهدوء: خالي ما نمت
تميم لف ببتسامه: لا تعالي ليش ما نمتي
نجوى جلست ك : يعني نايمه بطياره وما جاني نوم
تميم : زين
بعد سكوت قالت نجوى : خالي هالبنت اللي بتتزوجها تعرفها
تميم : ايه اخت سعود صاحبي وبعدين هذا هو بيتهم قريب مره
نجوى ابتسمت: ليش طيب ما احسك متحمس
تميم: مخاوف الماضي
نجوى سكتت: بتسكن هنا معك
تميم : ايه .. الا قولي لي شخبار تولين
نجوى خافت تقول له انها محبوسه وتخرب حياته من جديد: عادي عايشه رغم انها فاقدتك ومشتاقه لك
تميم تنهد : وش بسوي مافي يدي شي
نجوى: وين هند وولدك !
تميم : بالمستشفى
نجوى: ليش !!
تو تميم بيتكلم بس فاجأه علبة المويه اللي انزلت على الشباك ابتعد وهو مرعوب ونجوى مفجوعه طل وهو يناظر من وين محذوفه ماشاف احد
نجوى: خالي وش صار
تميم : مدري يمكن احد يستهبل معي
نجوى : بسم لله
استغرب تميم بس ماحب يخوفها: عادي العيال هنا يرمون كثير علي
نجوى جلست وهي مستغربه اصلا كملو سوالف بس هالمره انرمت علبه اكبر وصرخت نجوى وتنزفز تميم وقف وسمع صوت شباك اتسكر رفع راسه وزفر: ياللله ي ضي يالله
نجوى: مين ضي
ضحك تميم بحسره:زوجتي المستقبليه
نجوى انصدمت: وشو وليه تسوي كذا
تميم ابتسم : مجنونه ماعليها شرهه تحب الاكشن توقعي كل شي
نجوى استغربت : يمكن تبي تكلمك وانشغلت عنها انت
ضحك تميم : لا لا بس مسويه بتخرعني
انرمت للمره الثالثه وقف تميم وطلع للباب وقف وهو متكتفف وشايف الشباك مردود وتكلم بهمس تسمعه ضي اللي كانت طفشانه ولما فتحت الشباك شافت تميم جالس وقالت تستهبل : ضي ي مجنونه وش تسوين بتجيبين مصيبه ثانيه ولا مسويه ذكيه واني مو شايفك
ضحكت ضي متفشله انه كشفها سحبت جلال الصلاة وتغطت فيه كلها وطلعت راسها من الشباك : لا تقول ما خفت واضح
تميم : والله خفت من كونك ضي اكثر من الجني
ضي :هاهاها مره تضحك وظريف ماشاء الله عليك كيف تسويها قولي
تميم : شكلك تبين يجي سعود ويتوطى في بطني وبطنك
ضي : والله بقول انك انت اللي رميت وتحاول تكلمني
طارت عيون تميم : انتي مجنونه متاكده انك بكامل قواك العقليه
ضي وهي متكيه وباقي متغطيه بالجلال : المهم لا يكثر خلاص كشفتني ادخل بيتكم
نزل تميم واخذ العلبه وحذفها عليها ودخلت بسرعه وصفقت الباب ضحك ورجع للبيت : والله ماهي صاحيه حشى وتتعاطى
نجوى كانت واقفه وهي مستغربه كل هاللي يصير تفشل تميم منها بس سوى انه متعود : وش فيك !
نجوى: ولا شي بدخل انام
تميم بفشله : زيين تصبحين على خير
لفت نجوى وهي تقول ( والله شفت مجانين بس كذا ما شفت ) : انت من اهله •••€
من بكره رجعوا ابو راكان وعياله لرياض وابتداء تميم يجهز بيته لزواج خصوصا ان اهل الحي فرحانين وكلهم مع تميم وخالد طبعا كان حاقد على نجوى اللي كسرت اصبعه وكل يوم يدعي عليها وعلى تميم اما سعود اللي كان  يدور طرييقه يكلم تميم عن تولين يقول يتزوجها ويقنع ابوها اما ضي اللي صارت تدور اي شي يستفز تميم وتسويه وتولين لليي فك ابو سلطان حبسها وصارت توتر من اي اتصال لسعود وخايفه انه مايصير من نصييبها
اما هند اللي للان بغيبوبتها وزياد اللي اللي كان يسعى في انه يتمم حياة تميم وهند والوليد باجمل شكل
اما نوره وام سعود جالسين يجهزون لضي قبل زواجها وهي مطنشه وكل شي كان مستعجل ••€
قبل يوم من الزواج
عند تولين اللي طلعت وهي متجهه لبيت ابو راكان وهي ما تدري ليش كلموها تجي بسرعه وطلت وشافت راكان : راكان وش فيكم وين بتروحون
نجوى: تعالي اتركي راكان
ططلعت تولين وهي مستغربه : وش فيك
نجوى : بحكي لك حاجه حلوه مره
تولين : وشو !
نجوى قالت لها عن كل صار معهم عشان تميم وقالت لها عن زواجه وكل  شي صدمها وبالاخص زواج تميم من اخت سعود
نجوى: اللي استغربته جنانهم وهم يتحذفون بالعلب وخالي مره مرتاح و .تولين معي تولييين هيييييييه توليييين
فزت تولين وهي مصدومه: من قلتي زوجته
نجوى: اخت واحد من اصحابه بيتهم قبال بيته وش فيك
وقف تولين وهي منصدمه اخذت شنطتها وطلعت بخوف ونجوى مصدومه من طلعتها
رويده: شفيها تولييييين طلعت
نجوى: مدري
ساميه : يلا جهزوا اغراضكم عشان ما نتاخر
رويده : يمه تولين جت وراحت
ساميه : توليين مسرع وليه راحت
نجوى: توني اقولها ان بنحضر اللي اخذت اغراضها وطلعت
ساميه : يوووه شكلها زعلت وخاطرها تروح تشوف تميم
رويده: عاد هي تحبه حييل
ابو راكان : اجهزوا باقي ساعه على الطايره
توقعوا ان رويده زعلت بسبب شوقها لتميم وافترقوا يجهزون
اما تولييين طلعت وهي جانب فرحان وجانب خايف وليه سعود ما قال لها طلعت جوالها ودقت على سعود اللي رد بسرعه: هلا ي بعد كل الناس
تولين : سعود ليش ماقلت ان تميم بيتزوج اختك
انلخم سعود : من قالك
تولين: ليش ما قلت لي ي سعود
تنهدد سعود : يعني ماكان فيه وقت وكان عندي مشاكل ومو قادر افكر في شي غيرها
تولين : كيف ما كان فيه وقت كنت تكلمني ساعتين ثلاث ولا جبت طاري
سعود : هذاك عرفتي وش بيصير
تولين : ليش تكلمني كذا!
سعود : تولين والله الدنيا مقلوبه علي لا تزيديني وجالس افكر في حل بالنسبه لنا موقف ابوك وتميم كيف بشرح له وكل شي وانتي تفكرين بزواجه من اختي
تولين : اقل شي عطني خبر
سعود : زين انا اسف ماكان قصدي
تولين ماردت وضاق سعود : تولين خلاص وش بيصير اذا عرفتي
تولين : ولا شي ولا شي
سكرت وهي مقهوره انها ماعرفت هذا من سعود اللي عمره ماخبى عنها شي

#رواية_أحبيني_بلا_عٌقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
متابعة + تصويت للفصل + تعليق