رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت السابع والاربعون

ـ
*. #البارت_سبع_واربعون👇💙*

سعود : باختصار عشان تقهر هند
خالد: انا اقول افتك من القلق واترك ضي هنا واختك اتركها عند ابو راكان وروح مع هند بعد ما تخلصون ارجعوا لسعوديه
تميم : المشكله انا ما اعرف مدة العلاج كم عشان اقرر  عليها
سعود : اتوقع رأي خالد صحيح وارتاح من هالعناء
تميم : مدري من هنا لاسبوعين فيها فرج
ناظر ساعته وكانت 11:30 صوت للوليد: يلا نووم
الوليد : باقي ما شبعت ي بابا
تميم : شوف لا تزعجني وادخل يلا تأخر الوقت من بكره بدري اللعب لين تدوخ
خالد: وش فيك انت باقي بدري
تميم: بدري علي وعليك بس الاطفال حرام يحتاجون يرتاحون ويعتدل نومهم
خالد: ياخي انت عندك انظمه ممله استغفرلله
ابتسم تميم : المهم ما تنطبق عليك يلا انا بدخل
سعود : توك تقول بدري علينا
تميم: ياخي بروح اشوف ضي وش صار عليها بكره عندها اختبار ولا ذاكرت
سعود : لا تخاف على ضي تجيب الماده في 3 براشم
تميم: وانا اتسأل من وين الفساد
ضحك خالد: ياخي وش تبي انت مستقبلها وهي حره
تميم : ياخي ما بيهت تاخذ درجات حرام
سعود : والله شوف ابوي وامي وكل العايله ممنونين لك لانك حركت ضميرها الدراسي اللي ميت من13 سنه
ابتسم تميم(والله ماتدري عن التهديد ): المهم تيسروا انتم
دخل تميم واتجهه للغرفه دخل وشاف ضي رجعت لها السخونه استغرب ورجع يصحيها وجلس ساعتيين ينزل فيها ما نزلت وقرر ياخذها المستشفى ساعدها تلبس وطلع وصلو المستشفى وابتدوا يخفضون حرارتها وبالقوه نزلت عملوا لها فحصوات وتحاليل ولا انتهت كل هالحوسه الا بعد اذان الفجر واخذ تميم ضي لللي صحت بس باقي تعبانه وطلع البيت كان شايل هن اختبارها ساعدها تبدل وهو يقول : ضي تقدرين تداومين صح
ضي : مالي حيييل
تميم : اسمعي روحي الاختبار اخر اختبار حلي بسرعه واطلعي
ضي : شلون اروح مو مذاكره
وقف تميم وطلع جوالها واعطاها : تقدرين تطلعينه بالاختبار صح؟
ضي : ليش!
تميم : صوري لي ورقتك وبرسلك الاجوبه
ضي : هاه!
تميم : اسمعي مو وقت صدمتك رتبي نفسك وخليني اوصلك مافيه حل غير هذا
ضي وقفت  ورتبت نفسها واخذ تميم الكتاب وشنطتها وطبع وهو ساندها وراحوا الجامعه دخلت ضي بتعب وسيده على القاعه جلست في مكان يمديها تطلع الجوال فيه ابتدت البنات يكتملون والكل مستغرب وضعها
قربت شوق : ضي وش فيك
ضي: تعبانه
شوق : بسم لله ودامك تعبانه كان اختبرتي عند الدكتوره وطلعتي
ضي : لا بحل
المراقبه: كل وحده على مكانها يلا
اعتدلوا البنات واتوزع الورق وضي تحس برجفه عظيمه اول مره تحس انها مو قادره تغش بالقوه طلعت الجوال وصورت الورقه وهي ترجف وارسلتها على تميم اللي كان واقف قبال باب الجامعه وهو بعد خايف انها تنكشف بسرعه البرق جلس يحل لها الاسئله وارسلها وهو ينتظر على اعصابه حلت ضي بسرعه وهي تحس انها بيغمى عليها تعب وماصدقت انتهت وخبت الجوال وقفت وهي تسلم ورقتها وقالت انها تعبانه بتطلع نزلت بسرعه لبست وطلعت شافت تميم واقف بجنب السياره :تميم
ركض تميم وهو يقطع الخط سندها ويساعدها تركب السياره وركب وهو يشوفها مستنده بتعب وصل البيت وهو باقي ساندها ساعدها تنزل عبايتها وقبل لا يتحرك يجيب المسكن حضنته ضي بفرح: مشكور على كل شي
سكت تميم شوي وبعدها شد وهو مبتسم : ماسويت شي ارتاحي عشان تاخذين المسكن
جلست ضي وجاب تميم المسكن واعطاها اياه ونامت ولا صدق تميم ونام هو بعد •••€
الظهر عند تولين اللي صحت وفطرت وجلست وهي تابع مسلسلها سمعت دق الباب استغربت وقامت : ميين
ام سعود : انا ام ضي
طارت عيون تولين وركضت لاقرب مرايه وهي ترتب نفسها وحمدت ربها انها ماطلعت بالبيجامه فتحت الباب وهي مبتسمه : هلا ي خاله
ام سعود ناظرتها بأستغراب :معليش ي بنتي ازعجتكم ضي موجوده
تولين : ااا ايه ضي موجوده بس نايمه تفضلي ي خاله
ام سعود دخلت وجلست وهي تناظر تولين : معليش ي بنتي انتي زوجة تميم
ابتسمت تولين: لا لا انا اخت تميم هند جوا
ام سعود : اها تشرفت فيك
تولين ارتبكت وهي تقول : لي الشرف
ركضت تجيب القهوه من عند كريمه ونزلتها وهي تصب لها بربكه : تفضلي ي خاله
ام سعود : تسلمين ي بنتي تميم موجود
تولين : ما ادري والله ي خاله هو المفروض يكون في دوامه
ام سعود : قالي سعود ان ضي تعبانه وجيت بشوفها ياليت تشوفين اذا تميم موجود او لا
تولين ابتسمت : ابشري
اتجهت لغرفتهم وهي محتاره بس مالها الا تخدم ام سعود من كل قلبها دقت الباب مره ومرتين وثلاث وسمعت صوت تميم: مين
تولين : تميم ام ضي برا بتشوف ضي
تميم فز : زين زين
رجعت تولين : تميم فيه قلت له انك هنا دقايق بس
ام سعود : مشكوره
تولين جلست وهي تتأمل ام سعود كان فيها من سعود كثير انتبهت لتميم : فيه احد
تولين: لا تعال
تقدم تميم وهو يقرب ويبوس راسها: كيفك ي خاله طيبه
ام سعود : حمدلله انت كيفك ي ولدي
تميم : بأحسن حال
ام سعود: ضي صاحيه
تميم: لا والله نايمه من شوي نامت
ام سعود : تعبانه مره
تميم: والله ي خاله بطنها مره يوجعها وبس ترجع وانتي بكرامه اخذتها للمستشفى وسووا لها فحوصات بس المختبر مقفل بكره تطلع النتايج
ام سعود :زين بدخل لها
تميم : تفضلي تفضلي
راحت ام سعود وراح معها تميم اما تولين جلست بحب وابتسامه وهي تراقب ام سعود
عند ضي اللي صحت على صوت امها فزت وهي تحضنها: يمه
ام سعود : ضي وش فيك يمه وش يوجعك
ضي : كل شي يمه بمووت من الالم يمه رحت الطبيب وبعد ما فادني
ام سعود : وش يوجعك قولي لي
ضي : بطني يمه ونفسي احسها تقلب مابي اي شي الا ارجعه احس اني دايخه وسخونه مره
ابتسمت ام سعود وانتبه تميم وعرف اللي تفكر فيه وانسحب وجلس فالصاله مع تولين لللي صبت له قهوه وجات هند :مين جاء
تولين : ام ضي جات تزورها عشان تعبانه
هند : وش تبعها توها امس كانت مثل الجنيه
تولين : مغص على دوخه على غثيان هذا اللي فهمته منها
لفت هند برعب لتميم : يمكن حامل ؟!
تميم ناظرها بهدوء وقال: ان شاء الله الله يسمع منك
تولين استانست: من جد طيب خذها للمستشفى
تميم : اليوم وصلنا من المستشفى وننتظر نتيجة التحليل لان المختبر معطل
تولين : يالله ي رب تطلع حامل واللله بستانس
ابتسم تميم بهدوء وهو ملاحظ وجهه هند اللي انقلب وهي تمثل انه عادي ••€
عند ام سعود : ضي يمكن حامل يمه
ناظرتها ضي بصدمه :لا يمه ما اتوقع
ام سعود : وليه ما تتوقعين ؟!
ضي ( وش اقولك يمه يالله مالي الا اجاريها) : مدري بس ان شاء الله
ام سعود : تعالي معي البيت ابوك مقدر اتركه هو واخوانك وتميم يجيب لنا النتايج ولا نسوي فحص منزلي
ارتعبت ضي : لا يمه مابي بجلس هنا
ام سعود : ليه يمه تعالي معي احسن لك
ضي : لا يمه بجلس هنا والله انا بخير وتميم مو مقصر معي
ام سعود : ادري مو مقصر بس قومي يلا معي
ضي ضاقت بقووه وتبي تروح بس خايفه امها تضغط عليها فجاءه جاء تميم ومعه جواله : ضي طلعت نتايج تحليلك من شوي كلموني
ام سعود: هاه يمه بشر ؟!
ضي ناظرته برجاء يساعدها ناظرها تميم بتمعن وقال : مبروك حامل
شهقت ضي بصدمه وهي تناظره وام سعود ابتسمت بفرح وهي تحضن ضي لللي ماطولت وهاجمتها دوخه من شده التعب والصدمه
ركض تميم : ضي ضييي
رش مويه على وجهها وهو يصحيها صحت ضي وهي تناظره بضيق وبكت وهي تبعده : اكيد غلطانين
ام سعود: بسم لله ي ضي وش تقولين انتي
تميم : معليش ي خاله اكيد مصدومه
ام سعود : لازم تروحين معي
ضي : لا لا ي خاله ولله ماتروح تجلس عندي انا اهتم فيها وانتي شقري عليها كل فتره والباب جنب الباب
ام سعود : الله يهديك ليش تحلف
تميم : معليه ي خاله انا اهتم فيها واذا صار عندي شغل اكلمك
ام سعود : طييب اجل ارتاحي يمه وانا بشوف ابوك وارجع لك العصر
ضي كانت عيونها طايره ودموعها ماليه عيونها طلعت امها وضي تراقبها وفجاءه نطت بتركض معها بس مسكها تميم وهو يسكر فمها ..

#رواية_أحبيني_بلا_عقد..
لاتنسوووا التصوويت والتعليق على الرواية ...
تفاعلكم مع الرواية يهمنا ...