رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت الواحد والثمانيون

ـ
*. #البارت_واحد_وثمانون👇💙*

ضي اللي حست انها بتبكي ما تدري وش تقول له ما تدري كيف تبي تهديه ما جاء على بالها الا تمد يدها لعيونه وهي تبوسها : لانك طيييب داخلك قلب كبييييير وحنون مايعرف يكرهه ويحقد لانك اصييل لانك حاجه صعب احد يحصل مثله او يفهمها انت اكبر من انك تجلس تكيد لهم وتحقد مافي روحك مجال للكرهه
غمض تميم وهو خلاص مستسلم لكل شي فكر للحظه انه يقول لضي عن مرضه بس خاف خاف انها تروح وتعطيه الضربه القاضيه شد على يدها وهو يقول : قومي معي
ضي : وين !؟
تميم : ببدل ونطلع لبيت ساميه اكيد الكل متحامل على سميه
ناظرته ضي بحزن: ما تبي ترتاح
تميم : 5 سنين وانا مرتاح
ضحكت ضي : وش العذاب الدام ال 5 سنين راحه
تميم وقف وسحبها : ابيك تاخذين بيدي مابيك تتكاسلين
ضي ابتسمت وهي تروح تبدل وتميم اتجهه للوليد وهو يصحيه يبدل ملابسه ويحاول قد ما يقدر يكون صامد في وجهه حزنه وتعبه وقهره
ابتسم لما شاف ضي جايه وطلع وهو متجهه لبيت ساميه •••€
وعند خالد اللي طلع يتمشى في الحاره وهو مكبوت وضايق مايدري وش يسوي خاف انه غلط غلطة عمره وخسر نجوى خاف يقول لتميم ويحوس الشغله اكثر جلس وهو يستند على الجدار وصحى بسرعه على صوت سعود : وش تسوي
خالد : وش بسوي يعني بجلس اندب حظي
سعود : ما تبي تقول وش اللي صار
خالد تنهد مسح وجهه: مدري اللي سويته ينقال او لا
سعود : قول طيب انت تدري اني سترك وغطاك
خالد لف له وهو يقول له كل شي اتسعت عيون سعود بصدمه وهو يناظره ضحك خالد : قلت ما ينقال
سعود : انت كيف سويت كذا ؟!! كيييف انهبلت وين اللي كان ينصح !؟ خالد مسك يد سعود وهو يحطها على قلبه : لا تسألني !! اسأله .. هذا لا ما اخذ رائيي ابد حب وانتهى وترك الجنون مدري متى صرت انا كذا مدري وصلت لهذا الجنون
سعود واللي ابدا ما كان متوقع اي شي من ذا تجمدت يده على قلب خالد اللي كان يدق بشكل مرعب ارعب خالد وسعود اللي خافو فعلا من عاقبه الامر •••€
في بيت ساميه كان تميم جالس هو وضي بعد ما عرفها على سميه اللي تناظر بهدوء في تميم والوليد ضي الكل كان موجود وساكتين بذهول محد مستوعب كيف تميم سامحها لكن قاطعتهم نجوى اللي توها تستجمع نفسها وتنزل وقفت وهي متكتفه تناظر سميه والكل يناظرها
نجوى بقهر : وااااو تبكيين يا سميه تورمت عيونك حزنتي اخييييرا حسيتي بهالشي اللي يسمونه دموع وبكي استوعبتي القهر !! تدرين بسألك كيف شعورك وش تحسيين ولا تدرين خليني اقول : محروق قلبك
تميم وقف وهو يمسك نجوى : نجوى اجمعي نفسك ماله داعي ذا الكلام
نجوى سحبت يدها وهي تناظره بعيون مليانه دموع : لا له داعي اصلا تأخر كثير
تميم : نجووووى انتهى
نجوى : لا لا لا ما ينتهى ما ينتهى بسببها انت الحين واقف كذا بسببها كل شي اخترب بسببها هيييييي انحرمنا منك عمممممر بسببها خلتنا كلنا عاجزيييييين
مسكت يد تميم بحزن : كيف تقدر تسامحها كيف تقدر تتقبل سكتنا عنهم كلهم عن ابووووووك عن جدتي عنهم كلهم اذا انت بتسامح وتسكت انا مابسكت
ساميه : نجوووووووى اطلعي لغرفتك
نجوى تركتهم واتجهت لسميه وهي مقهوره على كل شي صار بتميم وفوق هذا بيرضى ويسامح ويوقف معهم سحبتها من يدها المكسوره وصرخت سميه
نجوى: اوجعتتتك هذا جزء الم من ملييييون جزء  خليتينا نعيشه
تميم اتجهه لنجوى وهو ياخذها وهي تصرخ وتسب في سميه اللي تبكي بأنهيار ابتعد تميم وهو يناظر نجوى بصدمه : نجووى وش فيك اهدي مو انتي اللي تنفعليين نجوى تعوذي من ابليس الدنيا اقصر من انك تسوين كذا
نجوى انهارت وهي تحضن تميم : اناا تعبت وانا افكر باللي صار يا خالي كيف انت متحمل كيييف اوجعووك كثيير الله ياخذهم للله يوجعهم ويحرق قلوبهم
تميم شد عليها :اششش خلاص هدي مافيه شي ينحكى فيه صار اللي صار وانتهى هدي هدي
ما ردت نجوى اللي تعلقت في تميم وهي خايفه يصير له شي خايفه من اليوم اللي بيتركهم مو خمس سنين يتركهم للابد اما تميم اللي كان حاس بقهر نجوى لكن مو قادر ينقهر او يسوي شي لانه معاد اصلا يحس بشيء
ابتعد لما حسها هدت : نجوى ابي اقولك سر
رفعت راسها نجوى بخوف وهي تراقب عيونه بصدمه ابتسم تميم وهو يقول : يمكن ما قد قلت لك بس الحين اقولك اني اشوف نفسي فييك احسك جزء مني ادري انك مقهوره بكثري ويمكن اكثر بس دايما اذا شفتك بخير  احس فعلا اني بخير احس بقوتي لازم ما تضعفييين
انتم اربعه مقدر على الدنيا ابداً بدونكم مابي اشوف اي احد مكسور
ناظرته نجوى وهي تقول : مين اربعه
ابتسم تميم : طبعا انتي وضي ويجي خالد وسعود
تولين من وراهم :وانا وش اصير
ضحك تميم : طبعا انتي الحين بصف سعود يعني انتم واحد
تولين قربت تحضنه : يعني صرفتني بس مومشكله اهم شي سعود فيه
راكان : حلو والله ناس منهاره جوا وناس تحضن هنا بس شكلي كذا بقدم بلاغ على الوزاره الداخليه
جات ضي من وراء : لا ما يحتاج وصلت قواتنا
ابتعدو يضحكون وطلعوا وقربت ضي : انت بخير
تميم : ان شاء الله
ضي : لا لا بخير لا تتشائم
سكت تميم لما شاف سلطان داخل وهو معه عياله تقدم يسلم على تميم وضيي ابتعدت
سلطان: وش تبي بسسميه ما اخذت درس منها
تميم ناظر سلطان: لو اني اخذت درسي ما كنت بينكم يا سلطان
ترك سلطان واتجهه لصالون تقدم لسميه وهو يهديها ورجع جلس لما شاف سلطان جاي سلم على امه وجلس وسميه تناظره بحزن
ساميه : سلطان سلم على سميه
سلطان : والله توصخت بحياتي كثييير الين هنا ويكفي
تميم بحده : سلطااااان
سكت سلطان وهو يقول بهدوء : اتصلوا بي من الشرطه والسجون
الكل لف له وكمل : قالوا تجون تستلمون جثة ابوكم ( طبعا من اول ما تحول ابو سلطان اقاموا عليه الحد ومات )
ماكانت الصدمه قويه عليهم تميم : متى مات
سلطان : من العصر تقريبا وقالوا انه تارك اشياء لك يا تميم
تميم : لييي ؟؟؟؟! سلطان : لك ولامك حصه
الكل يناظر تميم بأستغراب : اش هي طيب ؟! سلطان: مدري شي مثل الوصيه
تميم مسح راسه بضيق : بكره نروح لهم
وقف سلطان : انا ماني رايح مكان بتروح انت بكيفك
تميم : وش اللي مانك رايح هاذي جثة ابوك
سلطان : ابوي مات من زمااان
راح سلطان وتميم واقف يناظره بهدوء ( كل هالحقد عليه وانت ما ذقت من المر الا اعذبه يا سلطان )
راكان مسك كتف تميم :خالي انا اروح معك
ساميه:وابو راكان بعد بيروح اكيد
ضي بهدوء : سعود وخالد بيروحون اكيد
غمض تميم بهدوء :اذا بيروح ابوك يا راكان خليه يجهز الفجر
لف لضي : يلا
طلع تميم وهو يحس ان راسه يدور مو قادر يستوعب شي
ركبوا السياره وتميم هادي واتجههو للبيت لكن زفرت ضي لما شافت راشد واقف واخذت الوليد وراحت تقدم تميم بهدو : راشد !! وش فيك هنا بهالحزه
راشد: اسف ادق عليك ما ترد
تميم: امي فيها شي
راشد : لا بس حصلت الاوراق
تميم : اي اوراق
راشد : تبع الفحص
ابتسم تميم :شلووون
راشد: وجدان جابتها
تميم : وجداان؟؟! والله غريبه كيف تساعدك وهي تدري بتروج لغيرها
راشد : لا لا وجدان ما تفكر كذا اصلا العلاقه بينا دمار عشان كذا الوضع عادي
تميم : الله يعطيها العافيه محد يسوي سواتها والله
راشد : الله يعطيها العافيه
تميم اخذ الاوراق : زين بحل امر نوره
راشد : بلغني بكل شي تكفى
تميم :زين روح قبل يجي سعود
انسحب راشد  دخل تميم البيت وشاف ضي عند الوليد اللي تنومه وبعدها انسحبت بهدوء قبل يصحى وطلعت له
قرب تميم وهو يناظرها بهدوء : ضي تعالي بكلمك بموضوع
ضي بخوف : وشو
تميم سحبها وهو يجلس ويقربها لحضنه : يعني بحكي لك قصه
ضحكت ضي وهي تناظره : تستهبل
تميم : لا
ضي فزت : تعال تعال ابدل ملابسي عشان انام مره وحده
ضحك تميم ووقف وهو ياخذ ملابسه وبدل ورجع وهو ينتظر ضي اللي رجعت بعد شوي وهي تحضن تميم وتغمض : يلا بسم لله احكي
تميم بهدوء :كان فيه واحد يحب وحده كثيييييير والكل يدري
ضي بضحك : اكيد انا
تميم ابتسم :  ايه انا احبك واحبك كثييييييير بعد ...

#رواية_أحبيني_بلا_عقد..
انتهاء البـــــــــارت
..
لاتنسوووا التصوويت والتعليق على الرواية ...
تفاعلكم مع الرواية يهمنا ...