رواية أحبيني بلا عقد للكاتبة أديم الراشد ..

البارت الواحد والثلاثون أحبيني بلا عقد أديم الراشد

ـ
*. #البارت_الواحد_والثلاثون👇💙*

خالد: والله يسلم راسه زيين انه طردك وخلاك تطلع برجولك زييين مادفنك حيي
سعود : لا تكبر الموضوع انا قلت له سالفه غير عن اللي تعرفها
خالد: وكاذب بعد قل وش قلت
سعود شرح له نفس القصه ضحك خالد بقهر وهو يصفق : صراحه مره شكرا مررررره رقعتها خلاص كذا تميم بيجيب تولين ويزوجكم وخلاص محد يقدر يقول شي
سعود : لا تستهبل !
خالد : شسوي لك يعني ي متنح والله لو ترقع بيدينك ورجولك ما تترقع
سعود : ساعدني خالد اشرح له وفهمه هو يسمع منك
خالد: لا لا لا دخيل اهلك طلعني برا لا يقلب علي انا من اول نصحتك
سعود : خالد بتتركني كذا
خالد: من قتلته يديه محد بكى عليه
سعود : يعني هاذي صداقتك
خالد: شسوي ي سعود هذا موضوع شرف ما ينمزح فييييه
سعود : وش شرفه ي ثور شرفهم محفوظ محد جاه لا تنخبل
خالد: لا يا عبقري الحييين سنتين تكلم اخته وتبي مبرر بعد
سعود : طيب هو اكيييييييييييد بيجي يقولك انت حاول تدير الموضوع
خالد: بحاول واذا مافتحه بسكت
سعود : خالد حاول تنبشه وافهم
خالد: طيب طيب انا برجع تاخرت
سعود : انا بروح البيت قلي اذا صار شي
خالد: يلا
نزل خالد وهو يتحلطم واتجهه لدوامه وسعود تحرك لبيتهم •••••€
اما عند تميم اللي وقفه منبه جواله رفع وشاف العنوان ( وقت طلعت ضي )
طلع ونزل البالطوا وطلع وهو يحاول انه ما يدخل احد في سالفة سعود وتولين وصل الجامعه وابتداء يتصل ويتصل ويتصل بس ضي ما ترد ....تأخرت علييه مره وهو ينتظر وبدا يضيق ويزهق واخلاقه تقفل رجع يدق لكن قطع اتصاله هند اللي اتصلت رد بغضب: خير ي هند وش فيك
هند بضيق من نبرته: لا بس اشوفك تأخرت وقلت اذا بتجي ننتظرك للغداء ولا اصحي ضي ونتغداء
تميم: ايش ضي
هند: ايه ضي جات ليش مو انت اللي جبتها
غمض تميم وسكر في وجهها وبسرعة البرق غير اتجاهه وطار للبيت وصل بسرعه مذهله ودخل بغضب وشاف هند بالصاله طنشها وراح لغرفة ضي ضرب الباب وقرب وهو يصرخ : ضييييييييي
فزت ضي برعب : انت هيييييه وش فيك تصارخ فجعتني وجع
تميم سحبها من يدها وهو يصرخ: انا مو تاركك بالجامعه وش رجعك هنا ومع مييييييين رجعتي
ضي سسحبت يدها: مو شغلك وابعد عني ترا كافي اللي سويته الصبح
تميم : ضيييييي انا اتلكم ردي مع مين رجعتي
ضي : اجي مع اللي ابي انت وش علييييك هاااه وش تبيييي
تميم لف وهو يمسح جبينه ويحاول انه يحكم نفسه : شوفي اقسم بالله لو ما تلمين لسانك ي ضي اليوووم ما يحصل خيييير وهو سؤال واحد :مع مين جيتي
ضي تكتفت وبطريقة مستفزه: جيت مع ك ر ي م ارتحت خلاص  هيا توكل بنام
تميم صرخ صرخه زعزتها : نععععم وش قلتي
ضي خافت بس قوة نفسها: مع كريم تميم : بعد تعيديها من عطاك الاذن تجين مع كريم والا انا هنا طنبور طييين ومانك شايفتني شي
ضي : اووووه تراك ازعجتني وحط في بالك على اي شي تسويه بتصرف بشي اقوى واحب اضيف اني مو شايفتك شي
ما حس تميم بنفسه الا انطبعت يده على خده ضي اللي كان مو المتوقع انها تسكت لكن اعتلى صراخها وهي تسب وتلعن في تميم
ادرك تميم الغلط لللي سواه لكنه مو ناقص قلة ادب لسانها وطوله انتبه لها وهي تسحب عبايتها بتطلع ركض وصفق الباب قبلها وسحبها للغرفه وهي تصرخ وتدفه سكر فمها وهو يصرخ بصوت مكتوم : ضييييي انكتمي ولا تنجنييييييين انتي اللي اجبرتيني
ضي بعدت وهي تصرخ: انا اللي جبرتك والا انت بستبعدني لكن معصي واللله اقول لابوي واخليه يكسر عظامك ويندمك على هاللي سويته ي متخلف
تميم : اييييه تعالي تعالي خليني اقوله عن افعالك ونشوف من فينا بتتكسر عظامه خليني اقوله ماشاء الله على لسان بنتك وافعالها وحطي معها كل شي سويتيه قبل الزواج
ضي حست ان روحتها من صالح تميم ما قدرت تسوي شي غير انها ترمي العبايه على تميم وهي تدفه برا الغرفه: اطلع من غرفتي الله ياخذك ويفكني منك على اهون سبب ي رب
صفقت الباب في وجهه تميم اللي ماكان مخليه ساكت الا انه فعلا ندم انه ضربها وهو عمره ما سواها واخذها بذنب سعود لف على صوت هند :تميم فيكم شي
تميم : هند خليك بنفسك
طلع وراح المجلس وهو يراقب الباب وخايف ان ضي تطلع وحزتها من يفكه من ابو سعود غمض وهو يتذكر طبعة اصابعه على خدها ومع ذلك ما رف لها جفن وكانت واقفه وتتحداه
اما ضي اللي جلست وهي تحاول انها ما تبكي ونجحت في ردت نفسها عضت يدها وهي تصرخ: الله ياخذك ي تمييييم الزفت اخ بس لو هي جت من غير سالفة كريم كان حزتها عرفت كيف افتك منك لكن طيييب اوريك انا اوريك
اما هند اللي رجعت لغرفتها وهي مستغرفه من اللي صار وقوة ضي في مواجهة تميم : فيه قصه بزواجهم  وبعرفها بس صبركم علي وحمدلله انه  الوليد نايم ماشاف اللي صار ••€
اما تولين اللي صحت وهي مصدعه جات نجوى وبيدها مويه مدتها وجلست بهدوء : تولين وش صار
تولين : ولا شي بس انتي تدرين بالمشاكل
نجوى: مابيدينا شي .. بس خالي تميم دق ويقول اصر انك تكلمينه اول ما تصحييييين بسرعه
تولين لف بسرعه وعيونها حمرا : لييش وش صار وش يبي
نجوى بشك: مدري هوو بعد كان معصب
شهقت تولين وهي تحط يدها على فمها : سعود سعود ..فزت وهي تدور جوالها
نجوى : وش فيك مين سعود وش صار
لفت تولين وهي تبكي : قفلي الباب نجوى الله يخليك قفليه وين جوالي وييييينه
نجوى ركضت تقفل الباب : مدري ماجبتي معك جوالك
رفعت تولين شعرها وهي تبكي : وين جوالك هاتي وييينه
نجوى اعطتها وهي مفجوعه من حالتها كيف تبكي دقت تولين الارقام ويدها ترجف اتصلت وهي رجفتها واضحه جاها صوت سعود: الووو
شهقت تولين : سعود وش قلت لتميييييم ي سعود الله يخليك سعود وش قلت تكفى سعود لا يكون بعتني سعووود
سعود : تولييين تولين هدي تميم كلمك
تولين وهي تبكي : لا بس يقول تكلمني بسرعه تكفى سعود وش قلت تكفى تكفى
سعود : تولين حبيبي هدي افهمي هدددددي
تولين صرخت: وش قللللت لتميم خلصني الله ياخذني وارتاح من هالحياه
سعود اوجعه صوتها الباكي : تولين هدي وابشرح لك هدي لا يصير لك شي
ابتداء سعود يشرح لها كل القصه وكمل :اجحديني اذا سألك وسوي كأنك ما تعرفيني انكريني وارمي كل شي علي انا اللي منت الاحقك وانتي مالك شغل غير انك قلتي لي ( اذا تبيني تدل الباب وبس ) سامعني تولين
جمدت تولين ولا عاد طلع صوتها نادها سعود : تولين تولليييين انتي معي توليييين تولين انا ما حصلت حل الا تميم خلينا بخطه واضحه ويشهد علي الله ان كل شي سر بينا بيبقى سر
سكرت تولين وهي ترجف رككضت لها نجوى : وش صااااار وش ذا من سعود وش علاقته بتميم وكيف يبيعك تكلمي تكلللللمي
ماردت تولين وهي ترجف وتبكي ضربتها نجوى كف وهي تهزها :وشش صاااااااااار قولي وش مخبصه
تولين بكت وهي تحكي لنجوى اللي وقفت وهي تضرب خدها بصدمه: ليش ي تولين ليش سويتي كذا ليييش ارخصتي نفسك قولي وش موقف خالي الحييين وش بيصير فيه هو ناقصه وناقصنا
تولين : تكفييين نجوى قولي وش اسوي
وقفت نجوى وهي تفكر وبعدها قربت وهي تثبتها وعينها بعينه : كلمي خالي تميم وانكري مثل ماقالك ارمي كل شي عليييييه وانتي اطلعي منها بأقل الاضرار
تولين : تبيني ابيع سعود
نجوى : فكينا من تضحياتك الي مالها سنع واسمعيني خالي اذا حس مجرد احساس انك على علاقه مع صاحبه بيذبحكم كلكم سامعه لذلك انقذني نفسك وانقذيه وخليه يساعدكم
تولين سكتت بتفكير راحت نجوى وجابت المويه: هدي وبعدها كلميه ومثلي انك فرحانه بمكالمته وانسي سعود وانكريه من راسك طيب
وبعد نص ساعه استجمعت تولين نفسها واخذت جوال ضي وهي ترجف
نجوى : كل شي بينحل دقي
تولين دقت وهي تمسح دموعها جاها صوت تميم : هلا نجوى
بالقوه طلع صوت تولين وقالت : تمييييم ي اخوي وحشتني ي حبيبي ليش ما اتصلت فيني توقعت انك اذا بتتذكر بتتذكرني اول شي ليش مخليني بين كل هالمشاكل
تميم ما انصدم من لهفتها : كيفك تولييين
تولين : مو بخير طالما انت بعيد
تميم : تولين اتركيني على جنب وركزي معي الحييين وقولي الصدق والا بعرفها بطريقتي ..

#رواية_أحبيني_بلا_عقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للفصل + تعليق