رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت الثاني والاربعون

ـ
*. #البارت_اثنان_واربعون👇💙*

سحر: حسبي لله عساه يطلقها ان شاء الله
هند : والله ما اتوقع وبذات ان اخوها صديق تميم وابوها له فضايل على تميم
سحر : وش بتسوين حاولي تكسبينه انا ماني مصدقه كيف نسى كل شي معك
هند : انا بعد مدري كيف نسى كل شي عشناه المهم قولي اخبارك
ابتدت سحر تقولها اخبارها الروتينيه ••••€
عند زياد وتميم اللي كان زياد محتضن الوليد بحب وهو واضح عليه حبه للوليد وتميم يناظرهم بهدوء
زياد: معليش ي تميم لو اشغلناك
تميم :افا عليك وش اشغلتوني افا بس
زياد: والله انا من شوقي للوليد شكلي كل يومين اجي
ابتسم تميم: اي وقت تحب تعال الوليد ولدك بعذ وانت احق فيه وربيته متى نا تبي ارفس الباب وادخل
ابتسم زياد : الله يسعدك
ناظره تميم بتمعن وهو خجلان: ماعندك عيال صح؟
زياد نزل راسه: للله كريم
تميم: الله يرزقك
قطع عليهم دق الباب وكان خالد اللي دخل وهو يناظر في زياد: هلا زياد
زياد وقف يسلم عليه :هلابك كيفك
خالد: تمام وانت
زياد : حمدلله
لف خالد: تميمو كيفك اليوم يوجعك شي
تميم :لا الحمدلله بسيطه ترا ادخل تقهوى
زياد : عسى ما شر
تميم :مايجيك ابد طحت امس واغمى علي وهم عاد كبروها
زياد : بالسلامه
كان الجو جداً رسمي ولكن خالد قدر انه يغير الجو بسوالفه •••€
وبعد ساعه رجعت ضي وهي سامعه صوت ضحك الرجال ولكن ماشافت هند وسحر زفرت لما تذكرت انها بتذاكر سمعت زياد يستأذن وركضت للغرفه وبعدها طلع هو وخالد اما تميم اللي جاء لصاله وطلعت ضي : راحوا
تميم لف لها: ماشاء الله متى الجيه
ضي : اوووه من زمان ( كذابه)
تميم :غريبه وش صار
تكتفت ضي وهي مبتسمه : نسيت ان عندنا مذاكره
تميم :اووه براڤو اهتميتي
ضي كانت بتهاجمه بس شافت هند وسحر يطلون من طرف الباب ابتسمت وقربت وهي تحضنه وقرصة بطنه وهي تقول :هههههه بركاتك
حس تميم من نبرة صوتها ان وراها شي لفها بسرعه وهو حاضنها وصار مكانها شاف غرفة هند وشافهم يطلون بس ما بين لهم انه يشوفهم
ضحك بقوه على حركاتها ودخل فيها للغرفه وهو يصفق الباب ابتعدت ضي برعب : خييير
تميم : ضي اتركي هالحركات ترا والله والله تندمين عليها
ضي : شوف من الاخر هي اللي بتدت وكذبت علي والله لشيب راسها
تميم : وقدامي بعد
ضي : اقول فكنا منها بس وتعال نذاكر
تميم : يلا
اخذت كتابها واعطته تميم وراحت تجيب جوال تميم : خير وش تبين فيه
ضي : بسوي منبه
تميم: ليش
ضي : اصبر انت
وقته وحطته وجلست وابتداء تميم معها فصل جديد وهو يعاني من استهتارها وبعد نص ساعه دق الجوال وفزت ضي
تميم : وش فيك ي مجنونه
ضي جمعت الكتب بسرعه وسحبت تميم يوقف .: قوم تكفى
تميم: وين وش فيك
ضي : مليت من الغرفه
تميم : ماشاء الله مللك له توقيت
ضي وهي تناظر الباب : والله مليت يلا نطلع
استغرب تميم وقرر يطاوعها لانه بعد مل لكن وقفته قبل تطلع وهي تقول : اضحك
تميم: وش اللي يضحك
ضي : يوووه تميم اضحك بس
ابتسم تميم وصرخت ضي بشويش: تميم انا اقول اضحك اضحك تعرف كيف يعني قهقه بلغتك المثقفه
ضحك تميم عليها  وطلعت ضي وهي تضحك بعد استغرب بس كمل معها وجلسوا بالصاله وشاف ان ضي جلست بجنبه بالظبط وهي تناظر غرفة هند
لف بصدمه : اهاااا
شي ضحكت بقوه تغطي صوته :هههههههههههههههههههه
وهمست بشويش: لا تخرب تميم
تميم همس : ماشاء الله ماشاء الله انتي بتحطيني اداة لكيدك
ضي : تكفى تميم لا تخرب والله انقهروا
تميم : ضي وجع لا تتوقعين مني اطاوعك في قهر هند سامعه
ضي :هههههههههههههههههه تميم هي غلطت
تميم : بس عاد اعتدلي وجيبي الكتاب
حمدت ضي ربها انهم ما سمعوا وسحبت الكتاب وهي بتسكته وانقلبت ملامحه تميم جد وابتداء معها فالصعب وهو معصب من حركتها اللي تثبت فيها انه مو رجال
••••€
اما عند سحر اللي لفت ببقهر: انتي كيف ساكته لها على تصرفاتها هاذي
هند : وش اسوي انا مابيدي شي
سحر :بيدك بيدك تسحبين تميم هنا وتصارحينه بكل شي وتحاولين تبنين معه حياه جديده
هند : مابي ارمي نفسي عليه
سحر: وش ترمين نفسك تميم لك انتي زوجك انتي وابو ولدك ولازم ترجعينه لك
هند : وش اسوي طيب
سحر: شوفي لك اي حل و...
قطع عليها اتصال زياد اللي يقولها تطلع سكرت وهي تقول : دوري اي شي ترجعين تميم فيه وتخلينه يطلق هالزفت وانا بطلع لزياد برا
هند حضنتها: زين انتم زوروني لا تتركوني بلحالي
سحر: زيين انتبهي لنفسك
طلعت سحر ومرت من الصاله وهي تناظرهم بأستحقار وقالت : فعلا اللي استحوا ماتوا
ناظروها بصدمه خصوصا انهم كانوا مندمجين فالكتاب وقفت ضي اللي كانت تنتظر الزله : خير وش قلتي عيدي ما سمعت
تميم سحب ضي : اجلسي كملي مذاكرتك وانتي سحر الله يستر عليك
سحر لفت: قلت اللي استحوا ماتوا وش عندك
تميم بحده: سحر الله يستر عليك ماله داعي هالفعل
ضي : ان ما طسيتي علمتك وش....
سكر فمها تميم : سحر اللله ستر عليييك
ضحكت سحر : هههههههههههههههه بيستر علي اذا ما شفت هالوجه اللي يقطع الرزق
شهقت ضي : نعم وشو وشوو تعالي تعالي انا اقطع رزقك بييدي
تميم مسك ضي : ضي خلصنا عاد
سحر تكتفت : وش بتسوييين يعني بتطقيني في بيت اختي
ضي :ههههههههههههه ضحكتيني انتي واختك ي روحي
تميييم صرخ بحده سكتت الاثنين: بس انتي وياها ضي لغرفتك وسحر اطلعي لزوجك واحترمي نفسك تعديتي حدودك كثير
سحر : ولله علم الاحترام اللي مايعرف الاحترام
تميم : سحر تفضلي برا
سحر: تطردني ي تميم
تميم مارد وهو ياخذ ضي للغرفه اللي كانتت تتفلت طلعت سحر لزياد بعصبيه وهي تركب وصفقت بالباب : خيييير وش فيك
سحر: تميم هاللي مايستحي طردني من البيت
زياد :نعععم وش قلتي
سحر: طردني
زياد: وش صار وليش يسوي كذا
سحر : كله من زفت الطينه زوجته
زياد: سحر مابي اسحب الكلام انطقي
سحر: تخيييل تخييييييل جالسين بنص الصاله واسستغفر لله ي الحركات ولا كأن البييييت فيه ضيييوف وانا طلعت ما دريت ورجعت وانا استغفر وقامت علي تخييل لسانه يلعلع عليييي ولما رديت طردني تميموه
زياد ناظرها بشك وهو يدري انها غيوره وكارهه لسحر بس كل شي وارد
سحر: مانك مصدقني ؟؟؟! زياد : بعيد عنك وعنها تميم ما يسويها
سحر:ههههههههههههههههه ضحكتني تميم من متى تعرفه
زياد : صح ما عرفته الا من مده قصيره بس هو ما تكلم علييييك وانتي اللي كل يوم تغسلين شراعه فالمستشفى بيرد عليك في بيته
سحر: ايييه ي حبيبي عشان يطلع رجال قبال زوجته
زياد : سحححححححححر احترمي ألفاظك فالنهايه ما يحق لك تتكلمين كذا اقل شي عشان العشره اللي كانت
سحر : هو خلا فيها عشره
زياد : ادق عليه واتفاهم معه
سحر: لا لا وش تبي فيه خليه ينثبر
زياد : لا بدق
سحر خافت: لا تدق
زياد: ليش
سحر: بس فكنا منه !!
زياد : كنت ادري انك انتي اللي بديتي
سحر: تكذبني ي زياد
زياد : لو انه غلطان عليييك فعلا ما سكتي ولا رضيتي الا انزل واتهاوش معه ولا نسيتي نفسك
سحر تورطت : زوجته استفزتني ! وتهاوشت معها
زياد : انا جاااااااايبك لاختك ولا جايبك تفشليني مع خلق الله
سحر: زياد هي اللي استفزتني
زياد : بببببببس والله والله والله هالبيت ما تطبينه جايه لبيتهم وتحاسبينهم من انتي قولي لي من انتي
سحر: هو بيت اختي
زياد:بيت اختك مو بيتك ي افنديه
سحر : الحين بتهاوشني عشانهم
زياد : تاكدي ي سحر اني مستحيل اوقف معك بغلطك مهما صاااار سااامعه
سكتت سحر بخووف ولف زياد بعصبيه وهو يكمل طريقه وهو متفشششششششل لاخر المراحل •••€
اما تميم اللي دخل ضي بغضب : انتي انهبلتي وش تبين فيها
ضي : وش ابي فيييها يعني سمعت اللي قالته انت والا اصمخ
تميم :ضيووووه ابلعي لسانك والادميه صادقه
ضي شهقت : وش صدقت فيه
تميم سحبها وهو يشد عليها : ابد طال عمرك كل هالحركات اللي صارت بالصاله وماصدقت
ضي بعدت يده : والله عاد بيييييتنا عسانا نجلس مفصخينروش تبي وبعدين هي جايه لاختها تنثبر عند اختها ما تجلس تبصبص مع الابواب
تميم : شوفي عاد تصرفاتك الهمجيه حطي لها حد
ضي : ي شيييخ وخر بس
سكتوا على صوت هند اللي جت وهي تصرخ:تطرد اختي من بيتي ي تميييييم نسيت كل شي عشان هالسعلوه ..

#رواية_أحبيني_بلا_عقد..
لاتنسوووا التصوويت والتعليق على الرواية ...
تفاعلكم مع الرواية يهمنا ...