رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت الرابع والاربعون

ـ
*. #البارت_اربع_واربعون👇💙*

ابتسم تميم : لا بس نسيتي مصروفك
ضي : مابيه
تميم مارد وهو يحطه بشنطتها وقال : قولي بسم لله ولا توترين وقولي اللهم لا سأل الا ما جعلته سهلا
ضي ناظرته : الحين انت مصدق مره اني ذابحني توتر الاختبار حبيبي هذا لك انا الاختبار لعبتي
ناظرها تميم بطرف عينه وهو مبتسم بأستهزاء: ان شاء الله تسقطين عشان اخليك لعبتي
نزلت ضي بسرعه وصفقت الباب وهي تدعي عليه تحرك تميم وهو يدعي ان الله يسهل اختبارها
دخلت ضي واول ما شافت شوق رمت عليها الملخص وشهقوا كل الشله : ضييي جايبه ملخص وش صااار
ضي : اقول ابلعوا العافيه وطسوا لاختباركم
شوق : وش فيك بالعاده توزعين براشم
ضي ابتسمت بحركه فقعت قلوبهم : والله تميمي بعد عمري ساعدني بالمذاكره وحفظني كل شي يعني البراشم تركتها للعوانس
ضحكت وهي تروح لقاعتها والكل يناظرها لحقتها شوق : بنت وش صاير
ضي : ولا شي
شوق : وش ذا الاسلوب
ضي : ابي اقهرهم
شوق : انتي مريضه فيك شي كيف ذاكرتي
لحقوها الشله : الله يالدنيا تزوجتي وشفتي نفسك علينا صدق يعطي الحلق للي ماله اذان
تو ضي بترد بس دق تميم ضحكت وهي ترد : هلا حبيبي
انقطع صوت تميم من الصدمه :هاه
ضي :هههههههههههه لا تخاف قريت اذكاري وان شاء الله اختباري سهل
تميم : انتي وش تقولين
ضي زادت ضحك: يوووه ي تميم خلاص لا تخاف ما بيجيني شي ان شاء الله
تميم : ضي وجع نسيتي بطاقتك معي
ضي :لا تقول زين انك شفتها اجل دقيقه اطلع اخذها الحين
تميم : حمدلله رجعتي لوعيك
ضي : يلا طالعه
البنات من دون اي كلام بس يناظرونها ولبسوا وراها اخذت عبايتها ولبست وطلعت وطلعوا بيشوفون تميم  شافت تميم واقف وهو متكتف قرب اول ماشافها وهو يعطيها البطاقه لكن التفت بصدمه لما سمع صراخ البنات وضحكهم ضحكت ضي تبي تقهرهم تميم قربها منه : من ذولا
ضي : وش تبي تبصبص توكل لشغلك
تميم : هين ي ضي شغلك عندي
دخلت ضي ولحقوها البنات وهم يعلقون على شكل تميم وهي مطنشتهم دخلت القاعه وجلست وهي مبتسمه وتوزع الورق وكان اختبارها زي العسل خلصت وهي تدعي لتميم اول مره تجرب شعور انها تحل بمجهودها وكان حلو حيييل حلو كانت تشوف البنات اللي متورطين ويطلبونها تغششهم ولا ردت كانت متكيه وهي تدري انهم حاسدينها على تميم بس هي تشوفه شي عادي وتبي منه الخلاص ماصدقت انها سلمت الورق اخذت عبايتها وهي تدق على تميم
تميم : هلا ضي كيف اختبارك
ضي يحزن متصنع : تعال اخذني
تميم : فيك شي
ضي وهي تمثل البكيه : تميم بسرعه
انفجع تميم وطلع بسرعه وهو خايف انها ما حلت او غشت وانمسكت كان متوتر وهو في وسط الزحمه وبالقوه وصل شافها واقفه برا واول ماشافته جات وركبت بهدوء تحرك وهو يبي يطلع من الزحمه : ضي وش صار
ضي ماردت وهي تحط يدها على عيونها تمثل البكى تاكد تميم انها ما حلت ولا حب يظغط عليها رجع لورى وهو يركز لطريقه ووصلوا البيت ونزلت ضي اللي مصره انها تكمل التمثيل ركضت لغرفتها وتميم بسرعه وقف وراح وراها دخل وشافها تبكي على السرير قرب وهو يقول : ما حليتي ؟!
ارتفع صوت بكي ضي التمثيلي حن عليها تميم وقرب : معليه ان شاء اللع يعدي وتحلين في غيره هذا بس عشانك متوتره وبيعدي ما عليك انا ادور لك احد يعيد اختبارك وبتنحل بس لا تبكين ضي  ارفعي راسك خلاص ضي
اوعدك اني اخليهم يعيدونه لك
وقفت ضي وهي تسحب النقاب ورمته فوق وهي تضحك نطت وهي تدق كتف تميم : حليييييييييييت وحليت لاول مره بمجهودي او مجهودك ومجهودي اول مره اجرب هالشعور مشكووور ي طعس
تميم جمدت ملامحه وهو يراقبها زين دقته ضي : امزح عليك بس امقلبك
تميم مارد عليها وانسحب بهدووووء وطلع وتركها راح لتولين دق الباب وفتحه شافها نايمه عرف انها اختبرت سكر الباب وراخ يشوف هند والوليد وحصلهم نايمين بعد انسحب وطلع اخذ طريقه للباب ووقفته ضي :هيييه لا تصير سامج امزح معك
تميم ببرود : انا وش دخلني هو اختبارك ان حليتي فيه لنفسك ان تركتيه لنفسك
ضي : ياليييل امزح معك والله المفروض تفرح اني حليت
تميم : ضي ابعدي ترا من جد زادت
بعدها وطلع وهو فرحان عشانها بس ما اعجبته حركاتها معاه اقل شي احترام اوك تمزح بس طولت لسانها مخربه عليها
ضي اللي ضاقت انه زعل صح تعب معها بس هي ضاقت عشان ما بيساعدها في اختباراتها الجايه ما فكرت كثير وعلى طول نامت •••••€
اما عند خالد اللي كان جالس بكتئاب على مكتبه فاجأه اتصال رقم غريب رد بهدوء :الووو مرحبا
ابو راكان : سلام عليكم استاذ خالد
خالد: ي هلا وعليكم السلام ..مين معي
ابو راكان: معاك ابو راكان نسيب تميم اذا تذكرت
خالد: اييه هلا والله هلا كيفكم اخباركم
ابو راكان: حمدلله باحسن حال طمني عنك
خالد: يسرك الحال
ابو راكان : ما عليك ازعجتك بس ادق على تميم من فتره مايرد علينا
خالد تورط : ها اييه تميم مشغول ذا الايام وبالقوه فاضي لنفسه امر تحب اقوله شي
ابو راكان: لا هنت والله لا بس انا افكر انتقل للقصيم وابي لي سكن مرتب قلت اشوف تميم اذا يعرف شي ولا عندي الا رقمك
ابتسم خالد : زين مو مشكله انا اشوف لك تميم مشغول
ابو راكان : لا تكلف على نفسك
خالد: لا لا لا كلافه ولا شي واهل تميم اهلي انا فاضي لا شغل ولا مشغله
ابو راكان : تسلم والله يا خالد ما تقصر
خالد: العفو انا بشوف لك شي مرتب وارد لك
ابو راكان: يعطيك العافيه
قفل وخالد يناظر بجواله : والله انا انسان مافي مثلي كاسرين اصبعي وبدور لكم بيت بس يلا اعمل خير وارمي فالبحر •••€
عند ابو راكان اللي سكر وهو يناظر ساميه: ارتحتي الحييين
ساميه: وش اسوي والله معاد اطيق الرياض وابي اكون قريبه لتميم واستعده وخصوصا ان تولين عندهم اكيد انه منضغط
ابو راكان : والله هالدنيا ماقصرت فيه من كل جهه تعطيه صفعه
ساميه : بعد قلبي هو والله
ابو راكان : المهم كلمت صاحبه اسأله عنه وقال مشغول وقال بعد هو بيدور لنا
ساميه: صاحبه مينن
دخلت نجوى: صاحب مين
ابو راكان ناظره بطرف عين : صاحبه خالد اللي كسرت بنتك اصبعه
جمدت نجوى بفشله : غصب عني يبه والله
ساميه: زين والله يعطيه العافيه فوق ما حنا كاسرين اصبعه يدور لنا بيت
نجوى بحماس : لقيتوا بيييت
ابو راكان : باقي يدور الرجال
جلست بضيق : متى نخلص جامعه بس زهقت
ابو راكان : انا بطلع بحاول احصل احد ينفعني في امور دراستكم
نجوى: لله معاك
ساميه : نجوى ماكلمتي تولين شفتي وش صاير فيها وش اخبارها
نجوى: الا امس كلمتني من تليفون البيت وقالت ان خالي ساحب جوالاتهم عشان يذاكرون وهي بخير ومستانسه
ساميه : زين يسوي خليه يعدل مستواها طيب وكيف احوال بيت خالك
تربعت نجوى بحماس : يوه يمه يووه اخبااار واخبار زوجات خالي قايمه بينهم القيامه و...... كملت تحكي لها
••••€
المغرب صحت ضي على ازعاج العمال اللي يرتبون بيت جمبهم لفت وهي تقول : تميييييم قوم سكتهم و
ما شافت تميم زفرت بضيق وقامت وهي تدور عليه طلعت وماشافت احد الا هند اللي كاشخه ولابسه نااظرتها بأستغراب ولفت وهي تنادي : كرييييييمه
كريمه: نعم
ضي : وينه تميم ما جاء
هند ضحكت: استوحشت البنوته
ضي لفت تناظرها :هههههههههههه اكيد بستوحش ي روحي دامني جالسه مع اشكالك وبعدين ي حبيبي انا بنت قلبه وحياته وكل شي وانتي ما يحتاج اقول
لفت ضي وقبل تدخل غرفتها شافت الباب انفتح وكان تميم ناظرت هند بطرف عين وابتسمت وراحت لتميم وقربت وهي تحضنه : تاخرت علي نسيت عندي اختبار
جمد تميم فعليا بين يدينها غمض عيونه وهو ما انتبه لهند ابتسم وهو يستهزء بملامحه مايشوفها الا ضي : ي حياتي من جد نسيت والله
ضي استانست وكملت وهي تمسك ذراعه : مو مشكله قدامنا وقت وانت بتسهله لو هو صعب
تو تميم بيرد لكن سمع صوت هند : تميم حبيبي جيييت
لف بسرعه يناظرها بتمعن وهو مصدوم من كشختها طلعت تولين اللي معاها كتابها وكاس شاهي ووقفت بصدمه اول ماشافت هند اللي كاشخه وضي اللي حاضنه ذراع تميم اللي واقف بصدمه واضحه
سحب يده بشوييش من ضي وهو يمسح جبينه : خير وش هالتجمع بيجي احد ..

#رواية_أحبيني_بلا_عقد..
لاتنسوووا التصوويت والتعليق على الرواية ...
تفاعلكم مع الرواية يهمنا ...