رواية أحبيني بلا عقد للكاتبة أديم الراشد ..

#رواية_احبيني_بلا_عقد للكاتبة أديم الراشد .. البارت الثالث والستون

ـ
*. #البارت_ثلاثة_وستون👇💙*

ولكن وقف لما شاف انه تاخر حط يده على راسه بخوف رفع جواله تميم وشاف اخر شي اتصال زياد رجع يتصل وهو كل شي فيه يرجف جاه صوت زياد المرعوب : تميم انت بخير وين رحت
خالد بخوف: زياد وش صار
زياد بتردد :مين انت!؟
خالد: انا خالد قولي تميم وش فيه
زياد: وش فيه تميم !؟
خالد صرخ: انت كنت تكلمه
زياد: مدري فجاءه اختفى
دق الرعب في قلوبهم وقفل خالد وهو فعلا خايف بس ما يقدر يسوي شي
جاء سعود اللي كان يركض : خالد وش فيك وش فيه تميم وش صار
خالد ناظره وعيونه تهتز برعب : مدري قلبي يقول تميم فيه شي
سعود : وش فيه
خالد: امه تقول مو فيه اغراضه طايحه السياره اللي جات وزياد يقول اختفى فجاءه
سعود : يعني !!!
خالد : مدري احتمال يكون راح لشي
سعود : وش بنسوي طيب !!؟ خالد : بننتظر بعض الوقت اذا ما جاء بنتجهه لشرطه
سعود : ليش هو اتهدد من قبل
خالد : لا بس لابوه يد اكيد
سعود : زياد يعرف شي
خالد: مدري
سعود : ارجع دق عليه افهم وش صاير
رجع خالد يدق وقال له زياد عن اللي صار وسكر خالد وهو مفجوع زياده ناظر سعود بغرابه : هند ماتت
سعود ابدا ما كان ناقص يسمع هالخبر : وش قلت!؟
خالد: هند ماتت تميم مدري عنه وزياد يقول شاكين في موتها
سعود جلس وهو يحس ماله حيل يوقف : يمكن تميم من الصدمه رمى اغراضه وراح المطار
خالد: ممكن وممكن ماجد المشرف قاتل هند وخاطف تميم
سعود ناظر خالد بهدوء وبعدها هز راسه بقلق : لا لا ما توصل هالمواصيل مو وحوش هم
خالد : اتمنى ما وصلت اتمنى
سكتوا وهم كل واحد في صدره رعب •••€
انا في بيت تميم كانت حصه تدور بخوف وهي تبكي
جاء لها الوليد : جده وش فيك تعبانه
حصه : لا ي حبيبي انت روح عند ضي روح
ضي جات : خالتي وش فيك احد صار له شي
حصه : لا ي حبيبتي قلقت على عيالي بس
ضي : خلاص روحي لهم وانا تميم بيجي الحين
حصه غمضت بخوف : لا بجلس عندك انا تطمنت عليهم كلنا ننتضر تميم
جلست ضي وهي مو كثير مرتاحه بس توقعت ان تميم مع سعود •••€
عند زياد اللي بعد ما عرف عن اختفاء تميم هو الثاني خمن انه ممكن يكون جاي بالطريق اتجهه يحل اجراءات وفاة هند وتركهم يدخلونها بالثلاجه وبعدها اتجهه لسحر وهو يحاول فعلا يهديها لان محد بقى لها الا هو وهو لازم يدير باله عليها مزبوط •••$
اما عند ابو سلطان اللي نزل من سيارته وهو مبتسم بإنتصار وقابل مرجان اللي كان مبتسم بخبث خبط على كتفه وهو يمد له ظرف دبل الظرف الاول ومشى باتجاه الغرفه الموجوده قطب حواجبه بضيق لما شاف سلطان مربوط وتميم طايح بالكنب محد حوله واضح انه في حال مو كويس  صرخ وهو يلف : انا ما قلت تجيبونه وهو صاحي .
.
.
عبد الكريم: احنا ما تدخلنا كنا نراقبه لكنه طاح فجاءه
توجه له ابو سلطان بغضب وهو يصفعه : تلعب علي انت !!؟
عبد الكريم ابتعد بخوف : والله محد لمسه وهذا الفريق عندك كلهم شاهدين
ابو سلطان : مرجااااااااان
جاء مرجان ركض : سم طال عمرك
ابو سلطان :انا وش قلت لكم
مرجان : ي طويل العمر هو اللي طاح محد سوا فيه شي وانا بعيني كنت مشرف بالمكالمة الفيديو
ابو سلطان تحركت عيونه بتوتر: من متى وهو هنا
مرجان: ساعه تقريبا
ابو سلطان: وشوله ما صحى
سلطان : ذبحتووووه ذبحتووووه ي كلاب ذبحتوه
في هاللحظه ركض الكل اتجاه تميم اللي كان نفسه ضعيف وبسرعه شالوه لاقرب مستشفى واخذوه لطوارئ وتميم بحاله واستنفر الكل بمجرد ما قالوا انه ابن الوزير ماجد المشرف
اما سلطان اللي كان في حالة انهيار كامل وهو متاكد انهم سوو له شي وماكان يدري عن حالة تميم !؟
••••€
مر الوقت وتميم مفقود وخالد وسعود خايفين زياد متوتر وحصه انشغل بالها وما قدرت تسكت وقالت لضي وضي بدورها انهارت €••$
في بيت ساميه اللي محد كان داري عن اللي صار والكل هادي وتولين ضايقه على سعود ونجوى اللي كانت تحس انهاا في فراغ ماتدري ليش تحس انها خايفه
وسط الهدوء اندق الباب وركضت رويده تفتح وكانت الصدمه انها ام سلطان : جدتي
ام سلطان وهي تبكي : وين امك
ركضت ساميه بخوف : يمه وش فيك
قربت ام سلطان وهي تبكي : خلاص تعبت مو قادره اتحمل تأنيب الضمير مو قادره اتحمل تسلط ابوكم تعبت تعبت وانهد حيلي وتدمرت حياتي
الكل اجتمع بخوف وهم يناظرون انهيارها كانت ساميه وتولين يحاولون بقدر الممستطاع انهم يهدونها بس ما قدرو
••€€
عند ضي اللي طلعت ركض وهي تدور على خالد قابلها سعود وهو يقول : ضي بسم لله عليك !
ضي ناظرته وهي مو قادره تشوف من عيونها: وينه تميم ليش اغراضه طايحه ليش ما جاء للحين ليش خالد يسأل عنه هو كان عنده
سعود ناظرها بهدوء : لا تخافين تميم بخير بس راح يصلح شغله
ضي صرخت وهي ترفع اغراض  تميم : اي شغله وهنا موجوده اغراضه اي شغله يسويها ويترك مثل هالاغراض
خالد بهدوء مليان خوف : ي بنت الحلال ان شاء الله مافيه شي بس انه
ضي : بس ايش
خالد وهو مغمض : يمكن راح لهند
ضي : يروح لهند ؟؟! يسافر بدون جزمه ولا وجوال !!!ويسافر ومايقول مستحيل  اكيد فيه شي
خالد حاول يسكت بس صراخ ضي خلاه يرد بصراخ: هنددد انقتلت !
هنا عم السكوت ومن سوء الحظ انوجد الوليد اللي ناظرهم بهدوء : ماما !؟
لف خالد بسرعه وركض له : لا حبيبي وحده ثانيه اختي اختي
وليد ماصدقه وناظره للبقيه بشكل مشكك وهنا تدخل سعود اللي خايف عليه ينصدم مثله : حبيبي وحده ثانيه لا تخاف
ارتخت ملامحه وكانه صدق وقال : طيب انا بروح لماما وحشتني
لف سعود اللي اجتاحته دموعه وقال خالد : اذا جاء بابا نقوله
ما قدر خالد يكمل في وجود ضي اللي غيرت مسارها وركضت لنوره اللي طبعا ما كانت في حاله تسمح بس استحملت عشان ضي
•••$
في طرف ثاني كان تميم تحت اثر غيبوبه بسبب انقطاع الاكسجين دخل الدكتور مسرع وهو عارف حال تميم وحمد ربه الف مره انهم جابوه قبل تتاخر حالته طلع وهو خايف ان تميم فعلا انتكس قابله مرجان بشر : وش صار
الدكتور : مين انت
مرجان: انا للي اسعفته !
الدكتور : اختناق وغيبوبه مجهولة المده
مرجان : كلمني بشي افهمه
ناظره الدكتور بتدقيق : اتوقع  كلامي واضح
ابو سلطان : مرجان ابتعد ...تقدم وقف : وش فيه
الدكتور كمل طريقه وهو يقول : اختناق وغيبوبه مجهولة المده مافيه لانتظاركم داعي
ابو سلطان : اتوقع يفترض عليك تكلمني وانت تناظرني
الدكتور : حياة المرضى اهم بكثيير من اني اكلمك وانا اناظر
لف وكمل وهو شاك فالوضع وبسرعه طلع جواله يدق على سعود لكن قبل يتصل سحبه مرجان وهو مبتسم : وين ي دكتور وين اتوقع ما تعرف مع مين تتكلم •••$
عند خالد اللي كان جالس وهو يفرك يدينه ببعض ودق الجوال رفعه بسرعه وهو يرد : تميم وينك خوفتني عليك اختفيت فجاءه تميم لايكون ابوك سوا لك شي
نجوى: مين انت
خالد جمد ناظر الرقم وشاف مكتوب ( نجوى ) كان للحظه بيغمى عليه ماعرف يتصرف وقال : معليش غلطانه
نجوى: كيف غلطانه هذا رقم تميم
خالد :غلطانه !؟
نجوى: مو غلطانه انت بنفسك قلت تميم وينه اعطيني اياه
خالد سكر بس نجوى اصرت وتدق وتدق رد خالد بخوف : نعم
نجوى ابتداء صوتها يتذبذب : الله يخليك وينه خالي صار له شي تكفى وينه جدي وش سوا له
ضرب خالد جبينه بخوف : شوفي ي بنت الحلال خالك بخير
نجوى: تكفى لا تكذب علي
ضرب قلب خالد برعشه وخوف من كلامها: طيب بس امانه لا تقولين لاحد وتفجعينهم
•
•
#رواية_أحبيني_بلا_عقد..
..
انتهاء البـــــــــارت
..
لاتنسوووا التصوويت والتعليق على الرواية ...
تفاعلكم مع الرواية يهمنا ...